Unicode
"ကျွန်တော်ဖုန်းဆက်တုန်းကတောင် အဆင်ပြေတယ် လွတ်သေးတယ်လို့ ပြောထားပြီးတော့...."
မတိုးမကျယ်တုတုအသံက စိတ်ရှုပ်ထွေးနေကြောင်း လွန်မင်းစွာသိသာနေသည်။စိတ်အခြေအနေမှန်သမျှ သိုဝှက်ထားလို့မရဘဲ မျက်နှာထက်မှာပေါ်တတ်တဲ့လူမျိုးမို့ အလိုမကျစွာ ကုတ်ချိုးနေသောမျက်ခုံးတန်းလေးတွေက မည်သူ့ကိုမျှအားနာမှူမရှိ။
"အကိုလည်း တကယ်ကိုတောင်းပန်ပါတယ်ကွာ....၊မင်းဖုန်းဆက်တဲ့အချိန်အထိ တကယ်ကို လွတ်နေသေးတာ"
"အဲ့တော့ ပြောချင်တာက အခုမှနေ့ချင်းညချင်းလူပြည့်သွားတာလို့လား"
နှစ်သစ်ကူးညအမှီ ကလောကိုပြန်ဆင်းလာခဲ့တာဖြစ်သည်။
အချိန်က ညနေအတော်စောင်းလုပြီဖြစ်ကာ တောင်ပေါ်မှာမို့ ဒီအချိန်နေရာအပြေးအလွှားရှာဖို့ဆိုတာ မဖြစ်နိုင်။ရွာထဲကရွာသားတွေဆီမှာပဲ ဝင်တည်းရတော့မဲ့အနေအထား။သို့သော် ဤအခြေအနေသည်.....၊
"ဟို Blue House လေးကရော"
တုတုရှေ့မှာစကားဖို့တာစုနေတုန်း ဦးစက်ရဲ့ခပ်ဖျော့ဖျော့လေသံကြောင့် ထိုနေရာကိုကြည့်မိသည်။အထပ်နိမ့်နှစ်ထပ်ဘန်ဂလိုလေးဖြစ်သည်။အပေါ်ထပ်မှာ လသာဆောင်အလွတ်ရှိပြီးမှန်လက်တန်းတွေကာထားသည်။အိမ်အရောင်က ပြာလွင်လွင်လေးဖြစ်ကာ ထိုင်ခုံနဲ့အလှဆင်ပစ္စည်းတော်တော်များများကိုအပြာရောင်လေးတွေပဲသုံးထားသည်။အိမ်ပုံလေးကြည့်လိုက်တာနဲ့ ရင်အေးသွားစရာရိုးရိုးရှင်းရှင်းလေးပင်။
"အဲ့တာက......"
"အကိုဇမ်း....."
အသံလေးမပွင့်တပွင့်က နောက်ပါးဆီမှထွက်လာတာ ခပ်တိုးတိုး။ရင်းနှီးနေသည့်အသံကြောင့် ဇမ်းရော ညွှန်းကအရင်လှည့်ကြည့်မိသည်။ပြီးမှကျန်တဲ့သူများအကြည့်တို့ နောက်ပါးဆီအသီးသီးရွေးလျားကုန်သည်။ရင်းနှီးနေသော မျက်ဝန်းနဲ့ ထိုလူသည်......၊
"ရှင်းခေတ်စေစား...."
"ရှင်း...."
ဇမ်းနဲ့ညွှန်း ခပ်တိုးတိုးရေရွတ်မိကာ တစ်ယောက်မျက်နှာတစ်ယောက်ကြည့်မိကြသည်။အနည်းငယ်မှောင်လာတာကြောင့် ဝန်းထဲမှာ မီးရောင်တို့က အတော်ပင်အလင်းဖြာနေပြီဖြစ်သည်။ယုန်မွေးဆွယ်တာအပြာလေးကို စတိုင်ပန်အဖြူနဲ့တွဲဝတ်ထားသည့်ရှင်းခေတ်စေစားက အအေးပိုမှု့ကြောင့်ထင် နှာသီးဖျားနဲ့ နှာရွက်ဖျားတို့ကရဲနေသေးသည်။
YOU ARE READING
You are My Bone
Romanceလူတိုင်းပါးစပ်ဖျားမှ ဇမ်းဆိုတဲ့ကောင်က အပေအတေကောင်လို့သမုတ်လဲ သူတို့သတ်မှတ်ချက်အတိုင်းသွားပါစေ.....ကိုယ့်ထမင်းကိုယ်စားပြီး သူများစကားတွေကိုထိုင်ခံစားနေဖို့ အဲ့လောက်ထိ ကျုပ်မှာအချိန်တွေအားလပ်မနေဘူး! ____________ လူတိုင္းပါးစပ္ဖ်ားမွ ဇမ္းဆိုတဲ့ေကာင္က အ...
