Thanks, Hater

16

Tahimik ako sa gilid habang nanonood ng rehearsal nina Caelum. Kapag dumadaan ang tingin niya sa akin ay tutuksuhin niya ako kaya napapairap ako.

May ilang fan girl rito ang The Daze nagbayad talaga sila para lang makanood ng rehearsal!

"Hindi ba't siya yung basher ni Caelum?" rinig kong tanong nung babae sa gilid ko.

"Shut-up! baka marinig ka ni Caelum, he warned us na di ba?" Kumunot ang noo ko.

Warned? ano naman kaya ang sinabi niya sa kaniyang fans?

"Hmf! sabi ko na nga ba, papansin lang siya kay Cae—"

"I said shut-up!" Halos bulungan lang ang ginagawa nila pero rinig na rinig ko iyon.

"Go baby! ang galing mo, woah!" Sigaw ko na ikinalaglag panga ni Caelum. Kumindat pa ako sa kan'ya. Nakita kong natawa sina Harrison sa reaksyon ng kaibigan.

Umayos ako ng upo. Kahit hindi ko lingunin alam kong masama ang tingin nila sa'kin. So what?!

Natapos ang rehearsal humingi pa muna ng pictures ang mga fans nila bago umalis. Tumayo naman ako sa inuupuan ko at lumapit sa kaniya.

"Grabe naman ang pagiging fan girl mo." Taas kilay na sambit ni Jacob napanguso ako. Tumikhim naman si Caelum tsaka umakbay sa akin.

"Naiinggit ka lang, wala ka kasing ganoong fans." Proud na sambit ni Caelum kaya agad kong kinurot ang tagiliran niya.

Inaasar pa nila kami. Napatingin ako kay Priel nang mapansin na nakatingin din pala siya sa akin.

"I'm happy for the both of you," bulong niya. Ginulo niya pa ang buhok ko.

"Thank you, Priel ha?" Tumango siya. Naalala ko ang kwintas na ibinigay niya, suot ko pa rin ito kaya hinubad ko iyon at nilahad sa kaniya.

"Nga pala itong kwintas na binigay mo..." Napatingin rin siya roon. Nag-aasaran sila kaya malaya kong nakakusap si Priel.

Wala na ang feelings ko sa kaniya mas naging higit ang pagmamahal ko kay Caelum.

"Bigay ko?" kunot noo niyang tanong.

"Oo 'di ba?" Tiningnan niya ang kwintas saka natawa.

"Gago talaga ang torpeng iyon." Aniya, hindi niya tinanggap ang kwintas kaya nagtaka ako.

"B-bakit?"

"Kay Caelum galing 'yan, inutusan niya ako para ibigay sa'yo. Hindi mo pa rin alam?" Napalabi ako habang siya ay napapailing.

Lumapit si Caelum sa pwesto namin habang si Priel ay lumayo para bigyan kami ng privacy. Muling nag-init ang pisngi ko nang mapagtanto na kaya pala ayaw niyang hubarin ko ang kwintas dahil siya mismo ang bumili nito, sa kaniya ito galing.

I smiled.

"Anong pinag-uusapan niyo? bakit nakangiti ka riyan?" Taas kilay niyang tanong. Natawa ako dahil wala siyang ideya at halatang nagseselos.

"Wala!"

Ngumuso siya at mabilis na yumakap sa akin. "Anong wala? nakangiti ka nga." Aniya sabay sundot sa pisngi ko.

Niyakap ko siya pabalik.

"May susuotin kana ba sa Summer fest?" Tanong ko sa kaniya. Naramdaman ko ang pagtango niya habang nakasiksik ang ulo niya sa leeg ko.

"How 'bout you?" Tanong niya lumayo siya kaonti para matitigan ako.

"Namili na ako noong nakaraan."

"Masakit pa rin ba?" Biglang tanong niya na ikinabigla ko. Bwisit na 'to! nambibigla!