A LITTLE LOVE SONG {Complete}

အခန်း 18

☆

အခန်း 18

‌နင်အာ သည် ထီလက်မှတ်များကို မလိုချင်တော့ဘဲ ကျန်းချန် နှင့် လျိုရှောင်မိန်ကိုရှောင်ရှားချင်၍ ဗီဒီယိုဂိမ်းရုံမှ ထွက်ခွာသွားခဲ့သည်။

ရှောင်ပေါ်ဟန် က "ငါ တကယ်မထင်ထားဘူး"

နင်အာ ၏ နားရွက်များ နီရဲနေပြီး သူ ဘာမှ မကြားချင်ယောင်ဆောင်နေသည်။

ရှောင်ပေါ်ဟန် က စကားအနည်းငယ်ဆက်ပြောသော်လည်း ‌နင်အာ က သူ့ကို ဂရုမစိုက်သေးပေ။ သူက ကူကယ်ရာမဲ့ ပြုံးပြီး "ဒီနေ့ မင်းရဲ့အဝတ်အစားတွေက ကြည့်ကောင်းတယ်၊ ဒီလိုမျိုးပဲဝတ်လေ။"

နင်အာ အနည်းငယ် ခေတ္တရပ်လိုက်သည် ။ ခဏအကြာတွင် အသံ သေးသေးလေးဖြင့် " တင်ပါးကို ဖုံးလို့တောင် မရတဲ့ အင်္ကျီတစ်ထည်မျိုး ငါမဝတ်ချင်ဘူး" "

ရှောင်ပေါ်ဟန် က အစကတော့ ရှင်းရှင်း လင်းလင်း နားမလည်ပေမယ့် ဒါကြားပြီးနောက်မှာတော့ သူ မရယ်နိုင်တော့ချေ။

နင်အာ၏ မျက်နှာသည် ရှက်စိတ်ဖြင့် ပူထူလာသည်။

ရှောင်ပေါ်ဟန် က ‌နင်အာ၏နားရွက်လေးတွေက အရမ်းချစ်စရာကောင်းတယ်လို့ ထင်ခဲ့သည်။

ထို့နောက် ရှောင်ပေါ်ဟန် က ‌နင်အာ ကို ခဏလောက် စနောက်ပြီးနောက် မပြောတော့။ ငယ်ငယ်တုန်းကတော့ ‌နင်အာ ကို အနိုင်ကျင့်ရတာ အရမ်းပျော်ဖို့ကောင်းတယ်လို့ ထင်ခဲ့ပေမယ့် ‌နင်အာ ရဲ့ အဆင်မပြေတဲ့ အကြည့်ကို မြင်လိုက်ရတော့ သူရပ်လိုက်၏။ အခု ကြီးပြင်းလာတာနဲ့အမျှ အရာတွေကို တစ်ဆင့်ပြီးတစ်ဆင့် လုပ်ဆောင်တာက ဘာကိုဆိုလိုသလဲဆိုတာကို နားလည်လာပြီး ‌နင်အာ ရဲ့ အာရုံစိုက်မှုကို ဆွဲဆောင်ဖို့ ကလေးဆန်တဲ့နည်းနဲ့ အနိုင်ကျင့်နေတာမျိုးသူမလုပ် တော့။

နားရွက်သေးသေးလေးတွေက ရှက်လာရင် အရမ်းနီရဲ လာကြ၏။အနိုင်ကျင့်ဖို့ လွယ်ပေမယ့် သူသာ အားဖိကာကိုက်လိုက်ရင် တကယ်ပေါက်ကွဲလိမ့်မည့်ပုံပင်။

နင်အာ အိမ်ပြန်ရောက်ပြီးနောက် လျိုရှောင်မိန်ထံမှ WeChat မက်ဆေ့ချ်ကို လက်ခံရရှိခဲ့သည်။ သူက ကျန်းမာရေးကောင်းပြီး စိတ်မပူဖို့ သာ ရိုးရိုးရှင်းရှင်းပဲ ပြန်ပြောလိုက်၏။