တရားဝင်သမီး လက်ထပ်ထိမ်းမြားခြင်း

Part 38.1

အခန်း (၃၈.၁)

ပိုင်ရွှယ်

မွေးနေ့အခမ်းအနား ပြီးဆုံးသွားတဲ့အချိန်မှာ၊ ကျန်းလီရဲ့ ဖန်းဖေးဥယျာဥ်တော်က အေးချမ်းတဲ့နေ့ရက်တွေကို ပြန်ရောက်ရှိလာခဲ့တယ်။

ဆံထိုးထဲက ကျောက်မျက်ရတနာ ပြဿနာမှာ ကျန်းလီက မှားယွင်းစွပ်စွဲခံရတာကို အချက်အလက်တွေက သက်သေပြနေပေမဲ့၊ သူမကို ဘယ်သူကမှ လာရောက် နှစ်သိမ့်ခြင်း မရှိခဲ့ဘူး။ သခင်မကြီးကျန်းက ညနေခင်းမှာ ကျိရှုရန်ကို ဖီးနစ်ခန်းမဆောင်ထဲကို ခေါ်ပြီးတော့ ပြစ်တင် ကြိမ်းမောင်းခဲ့တယ်လို့ တုန်အာက တိတ်တဆိတ် ကြားခဲ့ရတယ်။ ကျန်းယို့ရောင်ရဲ့ မွေးနေ့ အခမ်းအနားကို ကျိရှုရန်က စီစဥ်ကြီးကြပ်ခဲ့ကြီးတော့၊ အခုလို ကိစ္စတွေ ဖြစ်လာတဲ့အချိန်မှာတော့ ဧည့်သည်တွေက ဟာသတစ်ခုကို မြင်လိုက်ရသလိုဖြစ်ပြီးတော့ ကျန်းအိမ်တော်ရဲ့မျက်နှာကို ပျက်စေတယ်ဆိုပြီးတော့ ကြားခဲ့ရတယ်။

"ဒီတစ်ခါမှာတော့ ကျိရှီရဲ့ အိမ်ထောင်မှု ထိန်းသိမ်းတဲ့ စွမ်းရည်ကို လူတွေက အများကြီး သံသယ ဖြစ်နေပြီ"

တုန်အာက ပျော်ရွှင်မှု အပြည့်နဲ့ အဲဒါကို ပြောလိုက်တယ်။

ကျန်းလီက ပြုံးလိုက်တယ်။ သခင်မကြိးကျန်းက ကျိရှုရန်ကို အပြစ်တင်ကောင်း တင်လိမ့်မယ် ဘာကြောင့်လဲဆိုတော့ သူမက မွေးနေ့ပွဲကို ရှုပ်ထွေးစေခဲ့တယ်။ ဘယ်လိုပဲဖြစ်ဖြစ် သခင်မကြီးကျန်းက အိမ်တော် အတွင်းက ယှဥ်ပြိုင်မှုတွေမှာပဲ နစ်မြှပ်နေခဲ့တဲ့သူတစ်ယောက် ဖြစ်ခဲ့တယ်။ အိမ်တော်ရဲ့နောက်ကွယ်က အလှည့်အပြောင်းတွေကို သူမက ဘယ်လိုမှ နားလည်နိုင်ခဲ့လိမ့်မလဲ။ အဲဒါအပြင်၊ အခုတစ်ခါ ကျိရှုရန်ရဲ့ နည်းလမ်းက မထူးခြားခဲ့ဘူး။ သခင်မကြိီးကျန်းက ဒုတိယ သခင်မလေးကျန်းကို မနှစ်သက်ခဲ့ပေမဲ့၊ အဆုံးသတ်မှာတော့ ကျိရှုရန်ကို ပုတ်ခတ်ပြောဆိုဖို့ အတွက်နဲ့၊ ဒီကိစ္စကို အသုံးပြုပြီးတော့ သူမက သမာသမတ် ကျတဲ့သူလို့ အထင်ခံခဲ့ရနိုင်တယ်။

ဒါပေမဲ့ အခုတစ်ခါ ကျန်းလီရဲ့ ကွပ်မျက်မှုက သူမကိုယ်သူမ ကယ်တင်နိုင်သွားခဲ့မယ်ဆိုရင်၊ ကျန်းအိမ်တော်ရဲ့ မငြိမ်းချမ်းတဲ့ ပုံစံကို ပြင်ပက လူတွေကို ထုတ်ဖော် ပြသသလို ဖြစ်နေခဲ့လိမ့်မယ်။ အချိန်အတိုင်းအတာတစ်ခုအထိ၊ အိမ်တော်က လူတွေကို ဒေါသထွက်စေခဲ့ပြီးတော့ တစ်ယောက်ယောက်ကို ထုတ်ပစ်ဖို့ လိုအပ်ခဲ့လိမ့်မယ်။ လက်ရှိမှာတော့၊ ကျန်းလီကို အေးတိအေးစက် ဆက်ဆံနေခြင်းက သူမအတွက် ကျန်းမိသားစုရဲ့ အပြစ်ဒဏ်ပဲ ဖြစ်ခဲ့တယ်။