တရားဝင်သမီး လက်ထပ်ထိမ်းမြားခြင်း

Part 44

44 01

Ch 44

part 1

ကျန်းယွမ်ပိုင်က မင်ယီကျောင်းတော်မှာကျန်းလီကို တက်ဖို့ခွင့်ပြုလိုက်တဲ့အကြောင်းက အလျင်အမြန်ဘဲ ကျန်းအိမ်တော်တစ်ခုလုံးကို ပျံ့နှံ့သွားပြီးပြီ။

ဒုတိယမိသားစုက လုရှီနဲ့ ကျန်းယွမ်ဖင်းတို့က ဒီအကြောင်းကို ဆွေးနွေးနေကြတယ်။

"အကြီးဆုံးအစ်ကိုက ဘာတွေ စဥ်းစားနေတာလဲ ကျန်းလီကို အဲ့ကိုဘယ်လိုတောင်ပို့နိုင်ရတာလဲ သူမသာ ဝင်ခွင့်ရသွားလို့ရှိရင် အဲ့ကသခင်မလေးတွေ အားလုံးက နောက်ကွယ်မှာ မြေကြီးလက်ခတ်မလွဲ အတင်းပြောကြတော့မှာ သူ့ကို အနိုင်တောင် ကျင့်ကြဦးမယ် အဲ့လိုဆို ကျွန်မတို့အိမ်တော်ပဲ သိက္ခာကျမှာ"

လုရှီကမွေးကတည်းက အလိုလိုက်ခံရပြီး ကျန်းယွမ်ဖင်းကလည်း အမြဲတစေ ပြုံးနေတတ်တဲ့ ဖော်ရွေတဲ့လူမျိုးဆိုတော့ သူတို့နှစ်ယောက်က စကားပြောကြတဲ့အခါ သက်တောင့်သက်သာ ပေါ့ပေါ့ပါးပါးပဲ။ လုရှီရဲ့ ပထမပိုင်းစကားတွေက ကျန်းလီကို စိတ်ပူပေးသလိုဆိုပေမယ့် နောက်ပိုင်းစကားတွေကကျ ကျန်းအိမ်တော်ကို အရှက်ရအောင် လုပ်လို့အပြစ်တင်ချင်နေတဲ့ပုံနဲ့ သူမ အကောင်းပြောတာလား အဆိုးပြောတာလား ဝေခွဲမရဘူး။

"အကြီးဆုံးအစ်ကိုမှာ သူ့အကြံနဲ့သူ ရှိပါတယ် မင်းက ဘာလို့အကြောင်းအကျိုးမမြင်ပဲ ပြောနေတာလဲ"

ကျန်းယွမ်ဖင်းက ရေနွေးကြမ်းကို ပါးစပ်အပြည့် အေးအေးလူလူနဲ့ သောက်လိုက်တယ်။

"ငါတို့မှာ သမီးမှ မရှိတာ"

"အမှန်ပဲ"

လုရှီကပြောတယ်။ "ကျွန်မတို့မှာ သမီးမရှိတော့ မျက်နှာပျက်စရာရှိ သူတို့ပဲပျက်မှာ ဒါပေမယ့် ကျန်းလီက ကိုင်တွယ်ရခက်မယ့်လူမျိုး ပြန်ရောက်တာ ဘယ်လောက်မှတောင်မရှိသေးဘူး သခင်မကျိကို မျက်နှာပျက်အောင် လုပ်ပြီးသွားပြီ သူကဒါတွေအကုန်လုံးကို အရင်ထဲက စီမံထားခဲ့ပုံပဲ ဘာတွေဘယ်လိုထပ်ရှိမလဲဆိုတာတော့ မသိနိုင်ဘူး သခင်မကျိလိုလူမျိုးက အရင်က ဘယ်သူ့ဆီကမှ ဒီလိုလုပ်ခံရတာ မတွေ့ဖူးဘူး"