ZODIAC UNIVERSITY: Meet The Zodiac Circle

Chapter 3

*** Photo above is Oe Christimatia ***

*---*---*---*

"Hello po sir Polaris, sorry po medyo natagalan kasi naligaw na naman po ako haha."

Pagkatapos ng isang oras na panghuhula ko sa daanan, sa wakas nakarating na ulit ako sa  office ni sir Polaris. Mabuti naman kasi mababait iyong mga estudyante na napagtanungan ko. Sobrang laki kasi talaga ng building eh.

Hindi ako pinansin ni sir Polaris. Okay awkward. Tahimik lang siyang nakatingin sa kaniyang bintana.

"May ibibigay ako sayo," pagsasalita niya.

Sa wakas naman nagsalita na siya, sobrang dead air kasi.

May iniabot sya sa akin na isang maliit na yellow envelope.

"Sir Polaris, may hihilingin sana ako," paglalakas-loob ko.

"Ano iyon Sky?"

"Sir, alam ko hong sobrang laki na ho ng naitulong ninyo sa akin, pero kasi ano, wala rin naman po akong ibang mapuntahan. Sa totoo lang po, ulila na ako at---, sa totoo lang talaga, homeless po ako ngayon," wika ko.

"So anong balak mo? Gusto mo bang mag-aral sa paaralang ito?" diretsahang tanong niya.

"O-opo, kung pwede lang po sana," sagot ko.

"Wala namang problema sa akin iyon pero makakaya mo kaya?" tugon niya.

"P-po? O-opo, naranasan ko na nga po halos lahat ng paghihirap sa buhay."

Tiningnan niya ako nang diretso. "Sa totoo lang din Sky iha, hindi ito pangkaraniwang paaralan kagaya ng inaakala mo, isa itong magic school, ang pangalawang realidad sa mundong ito, real magic."

M-magic?

Parang alam niya na naguguluhan ako sa sinabi niya kaya naglabas siya ng kakaibang usok mula sa kamay niya. Usok na hindi pangkaraniwan, kumikislap ito na parang glitters.

Nanlaki ang mga mata ko sa nakita ko at muntik nang matumba sa pagaatras. P-pero his hands... A magic school? Exists?

Napatanaw ako sa buong paligid, all these things and everything around here are magic? A magic school? A magic world?

"K-kailangan ko ho bang magkaroon ng super powers kagaya ninyo para makapasok ako sa school?" I jokingly asked.

"Yes Sky iha," agad na sagot niya.

"S-so ibig sabihin po na lahat ng estudyante rito ay may magic powers?" Dagdag ko.

"Yes."

"W-wala naman po akong magic powers, pero ipapakita ko po sa inyo na gagawin ko po ang lahat makakasurvive lang," sagot ko naman. Did I just promised him something that is impossible to happen?

"Hindi ka ba nagtataka kung bakit interesado ako sayo?"

Nabigla ako sa sinabi niya. Interesado pala siya sa akin?

"Dahil sa dalawang dahilan Sky, una dahil hindi ko mabasa ang kapalaran mo," wika niya.

Kapalaran ko?

Anong ibig sabihin nun? Kasing-kahulugan ba 'yun na wala akong future?

"Ano pong pangalawa?"

"Secret ko nalang iyon," sagot niya.

Ehh?

"Well, if you insist on joining us here, hindi kita pipigilan, mas mabuti na ring napagpasyahan mong manatili dahil kung tutuusin ay mas ligtas ka sa lugar na ito," sir.