ZODIAC UNIVERSITY: Meet The Zodiac Circle

Chapter 56

*** Photo above is Carina Lewis***

*---*---*---*

Pangatlong lumitaw sa loob ng dome sina Carina at ang kalaban niyang lalaki. Kinalaunan ay tumabi na rin sa amin si Oe na puno pa ng gasgas ang katawan at mukha.

"You are amazing Oe, as always!" puri ni Ara.

Kumikinang pa rin ang zodiac sign sa kaniyang kaliwang braso.

"Pero mas grabe ang sugat na natamo ni Crater, nakita ko siyang dinala sa clinic kasabay si Solina," Oe.

"Oo nga naman, sobrang lakas kasi ni Solina tapos si Crater naman nagpupumigil sa kapangyarihan niya," Ara.

"Kilala na namin si Crater, ayaw talaga manapak ng babae 'yon," sabay ni Grus.

"Teyka, nasaan ba si Cyrus? Bakit hindi kayo magkasama ngayon?" tanong ni Oe kina Third at Grus.

"Ewan ko sa isang 'yon, parang may sariling mundo," Grus.

"Nakita ko siyang pumasok sa principal's office kanina," Third.

Napansin ni Oe ang kamay namin ni Third na magkahawak kaya inalis ko agad iyon. Sobrang tutol kasi talaga niya sa aming dalawa ni Third, ewan ko ba, pero may point din naman siya, ayaw lang niyang masaktan ako pagdating ng panahon dahil sa forbidden love na iyan.

Nagsimula na ang labanan ng mag-Gemini. Halos puro wind attacks muna ang ginagawa nila. Kalmadong-kalmado lang si Santiago habang nakikipaglaban kay Carina, dahil kaya mas malakas pa si Santiago kaysa kay Carina?

Parang kinabahan na tuloy ako sa laban namin ni Blu. Pero dapat may tiwala rin ako sa sarili ko na makakaya ko ito.

Naglabas ng wind beam ang kalaban kay Carina. Tumalsik si Carina. Hindi namin malinaw na nakikita sa labas ng dome ang mga nangyayari sa loob dahil sa wind ability na inilabas ni Santiago, parang nasa loob sila ng buhawi eh. Nag-wind speed si Carina para mas bumilis ang kaniyang pagkilos kagaya ng hangin. Aatakihin na sana niya ang kalaban pero nadakip siya nito at sinakal. Pero agad na bumawi si Carina nang nasipa niya ang weakpoint ni Santiago.

"Bakit parang walang kalaban-laban si Carina?" tanong ko.

"Oo nga eh, si Santiago kasi ang pinakamalakas na Gemini sa school in terms of elemental power kaya mahihirapan talaga si Carina sa kaniya," Cass.

Naglabas ng wind attack ang kalaban na may halong blades. Sunod-sunod itong tumama kay Carina. Hindi namin marinig ang ingay sa loob ng dome pero alam kong sumisigaw si Carina sa sakit.

"Hindi natin sila naririnig sa labas pero naririnig nila tayo sa loob," Oe.

"Go Carina!" sigaw nina Kimberly sa kabila.

Lumaban ka Carina! Makakaya mo 'yan!

Pero nag-aalala na ako nang hindi na gumalaw si Carina sa loob. Nagpatuloy pa rin si Santiago sa pag-atake sa kaniya.

Hindi kami pwede magreklamo kung mas malakas ang lalaki kaysa sa babae kasi sa mata ng lahat, pantay-pantay ang bawat isa sa labanan.

"Bakit hindi pa tapos ang laban! Nanghihina na si Carina sa loob, bakit wala pang idineklarang panalo?" pag-aalala ko.

"Kasi wala pang nakapalabas ng zodiac power nila," Oe.

"P-pero mas may unang mamamatay na tao nito kaysa mailabas ang zodiac sign," ako.

Biglang may lumabas na usok sa katawan ni Carina at lumutang siya sa ere. When she opened her eyes, it's all black. Anong nangyayari sa kaniya?

"Oh no," Ara.