"မြောင်မမလေး… အထင်မလွဲပါနဲ့…. ကျနော်က အဝတ်တွေ ရေထဲ ပြုတ်ကျသွားလို့ ပြန်ဆယ်တာပါ…"
"အတင့်ရဲလိုက်တာ… လူလိမ်…."
သူမက စူးစူးရဲရဲဖြင့် ပြန်အော်သည်။ အားရို့ရို့ … အလကားနေရင်း ဂုဏ်ပုဒ်တစ်ခု ထပ်တိုးသွားပြန်ပြီ။ သူမဒီမှာ ရေချိုးနေသည်ကို သူဘယ်လိုလုပ် သိမှာလဲ။ ဒါ ဟို သတ္တဝါစုတ်ကြောင့် ပြသနာတက်ရတာ။"မြောင်မမလေး… ကောင်းကင်နဲ့ မြေကြီးကို သက်သေပြုပြီး ကျနော် ကျိန်ပြောရဲပါတယ်.. ကျနော်က ဒီလို လူစားမျိုး မဟုတ်ပါဘူး… မြောင်မမလေး.. ဒီမှာ ရှိနေမှန်းလည်း တကယ် မသိရိုး အမှန်ပါ…"
တောင်းပန်ရင်းနဲ့ လက်ကလည်း မြောင်မမလေး ဖြန့်ကိုင်ထားသည့် သူ့အဝတ်ကို လှမ်းယူလိုက်သည်။ မြောင်မမလေးက မလွှတ်ပေးပဲ ပြန်ဆွဲထားသည်။ ဒါ အလျှော့ မပေးနိုင်ဘူး ဆိုတဲ့ သဘောလား။ အဝတ်က ကိုယ်ကဆွဲလိုက် သူမက ပြန်ဆွဲလိုက်နဲ့ ပြဲရချည်သေး။ ကြာလာတော့ သူမက စိတ်မရှည်နိုင်တော့သည့် လေသံနဲ့
"ရှင် ဘယ်လို ဖြစ်နေတာလဲ…
ဘာလို့ အဝတ်တွေ ဆွဲနေရတာလဲ…."
"…………."
ဟမ်..။ ဒါ သူမေးရမှာ မဟုတ်ဘူးလား။ ကျန်းဝေ့ ကြောင်တောင်တောင်ပင် ဖြစ်လာသည်။ နှုတ်လည်း ဆွံ့အသွားသလို။ ဘာလို့ သူမ ဒီအဝတ်ကို ပြန်မပေးချင်နေရတာပါလိမ့်။ နောက်မှ အသိတစ်ခု ခေါင်းထဲ လက်ခနဲ ဝင်လာသည်။ သူ ချက်ချင်းပင် သူမကို မကြည့်တော့ဘဲ ခေါင်းကို ငုံ့ချလိုက်သည်။ အဲ့… ဒါလည်း မဖြစ်သေး။ ရေက ခြေဖျားနားမှာ ကူးခတ်နေသည့် ရောင်စုံငါးလေးတွေကိုတောင် ပကတိအတိုင်းမြင်နေရသည်အထိ ကြည်တောက်နေပြန်ရာ သူမျက်နှာကို ဘယ်နားထားရမှန်းလည်း မသိတော့။ မြောင်မမလေး မျက်နှာလည်း ဆေးနီနဲ့ ပက်ခံလိုက်ရသလို ရဲတွတ်လို့။
နောက်ဆုံးတော့ ကျန်းဝေ့သည် မြောင်မမလေးကို"မြောင်မမလေး… ဒါတွေက မတော်တဆ ဖြစ်ခဲ့တာတွေပါ… တခြား ဘာရည်ရွယ်ချက်မှ မရှိခဲ့ပါဘူး… ကျနော် အနူးအညွတ် တောင်းပန်ပါတယ်…"
လက်နှစ်ဖက်ကို အပြန်အလှန် ကိုင်ဆုပ်လိုက်ကာ ခါးညွတ်လိုက်ပြီး တကယ်ပင် တရိုတသေဖြင့် တောင်းပန်လိုက်သည်။ ထို့နောက် သူမကို ကျောခိုင်းလိုက်ပြီး အဝတ်တို့ကိုလည်း မယူတော့ဘူးဟု ဆုံးဖြတ်ချက် ချကာ ကမ်းပေါ်တက်ဖို့ ခြေလှမ်းကို ဦးတည်လိုက်သည်။
YOU ARE READING
အိပ်မက်တို့ ပွင့်ဝေချိန်
Historical Fictionချင်းလျန် သိထားတာ တစ်ခုရှိတယ်။ အဲဒါက သခင်လေးမှာ ချစ်ရတဲ့ မိန်းမလှလေး ရှိနေတာပဲ။ အလိုမကျစွာနဲ့ ရေကန်ကို ငုံ့ကြည့်တော့ အညိုဖျော့ရောင်အဝတ်အစားနဲ့ အမျိုးသားဆန်ဆန် ဝတ်ထားတဲ့ ပုံရိပ်ကို မြင်ရတယ်။ ဆံပင်တွေက ဖြစ်သလို စည်းထားတယ်။ မျက်နှာကလည်း လှတဲ့အထဲမပါ။ြ...