😍عشقت استاذي😍 👮‍♀️الشرطية و السجين🕵️‍♂️

بارت 3

امممم وليت نحب نروح لليسي غير بش نشوفو و وليت نحب نجتهد بش نبان في عينو مجتهدة ههههه ماشي غير نجي نضيع الوقت المهم في هاد الايام حسيتو بدا ينجذب ليا و ولا وين يشوفني يتبسم معايا و انا كي نشوفو يا خاوتي عينيا يبرقو ووجهي الكلب يحمار و يبهدلني .هههههه.
اليوم دخلت الصباح قاعدة نحوس على طونوبيل تاعو مكاااش اوه جبت الف سبة بالاك يكون جا مع صاحبو تخسرتلو...... على ال10 قاعدة نهدر مع رماس حتى قاتلي بلي راهي خارجة على ال11 مجاش حمزة ،وانا يا الخاوة الاعزاء وليت منضويش اول مرة يغيب و مقدرتش نحمل نهار بلا بيه اليوم اللي بعدو تاني مجاش افففف موليت لا ناكل لا نشرب توحشتووو بزاف مالقري غاب غير يومين و هدوك اليومين حبست روحي في الشمبرة ماما قاتلي نديك للطبيب محبيتش نروح ولا جسمي ضعيف يومين مكليتش و مرة علا مرة نتغاشى عايشة غير بالماء و السكر مفهمتش واش صرالي تقطعتلي الشهية .
اليوم التالت :
-رماس جا اليوم؟؟😢
-معلاباليش!!
-رماس اعطيني كايي تاعك تع فرونسي
-علااش؟؟
-بش نجي نجيبهولك على ال9 كي تقراي عندو
-متجياحيش!!
-رماس بليييز حبيت نتاكد اللي جاء مشفتوش الصبح
-شدي مالقري فكرة تعيي كيما انت
عطاتني ريري كايي تاعها وانا منيش قادرة نركز افففف ساعة تاع المات محبتش تجوز وانا كل دقيقة نخرز في الساعة واوووون فان خلاصت دق الجرس تعمدت نطول شوية 10 دقايق باش ادا جاء يكون دخل للكلاصة ،استاذنت من الاستاذة تاع العربية بش ندي لرماس كييها و خرجت
الكلاصة تاع رماس لاسقة في كلاصتي بيناتنا حيط ،سقمت حوايجي و درت شوية ريحة ههعه😶 و دخلت بفففف انا بينازة واحد مافاق اللي دخلت ،يااا عمري و نشوفو يكتب في التابلو مفاقش اللي دخلت وقفت وراه نستناه يكمل ههههه امممم ريحتو شحال شابة ،واخيرا كمل قبل ما يدور قتلو :
-bonjour
دار كان مشنف ،بصح غير شافني كشغل فرح مكانش متوقع نجي تبسم تبسيمة من الودن للودن و عينيه وساعو قالي:
-bonjour mademoiselle Razane
و بدون مقدمات مقدمات قتلو:
-je peux donner le cahier à Rimas
قالي
-Oui bien sûr
عطيتو لرماس و هو قعد يتبعني بعينيه حسيتلو 😆
و قبل ما نلحق عند الباب ،اووووب و نطيح نتغاشى
قلتلكم مارنيش ناكل مامنتونيش 😁

♡عند حمزة♡
كنت عيان و مديقوتي ديسيديت منروحش سمانة ...بصح بعد يومين توحشت رزان اوووو كيفاش صرات هاذي مفهمتش 😂😂، رحت الصبح مشفتهاش على 8 قلت معليش و كيما علابالكم جات على ال9 تجيب كايي تاع صحبتها شحال فرحت و ارتحت كي شفتها ،بصح هي ما بانتليش مليحة ،معليش المهم شفتها ،قبل ما تلحق للباب اوووب وطيح تتغاشى ،تشوكيت يا الهي ماذا افعل؟ رحت نجري عندها خلعتني حطيتها في حجري و معرفتش وش ندير حتى نلقا قرعة ريحة في جيبها جبدتها و سييت نفطنها .....جابتلي رماس الماء رشيت عليها شوية و فطنت افففف هم وانزاح الحمد لله........

♡رزان♡
فطنت راسي يوجععع امممم لقيت روحي في حجر حمزة يا عمري ريحتو قريب عاودت دوختني هههههه لقيتو مخلوع مسكين....تبانلي اول مرة ينحط في موقف كيما هادا بصكو شبعني كفوف عهههههه
نضت سقمت روحي داتني رماس نغسل و عيطت للشوفور يجي يديني اصلا خلاص عييت ،رحت لقيت الطابلة معمرة بالماكلة هههنه هادي ما تكون غير ماما ونور
-يا بنتي خلعتيني عليك اااه ارواحي(عنقتها)
-مصرا والو عييت برك
-متقوليلي والو دك تغسلي و تجي تاكلي الطابلة راهي واجدة
-اوكي.
بدلت رورو حوايجها وهبطت تاكل بكل شراهة هههه تقول عندها عامين مكلاتش bien sûr المورال راهو طالع للتوب هيهيهي 😂😂
راحت ضربتها رقدة حتى فطنت على صوت التلفون هههه و شكون من غير رماس
-الو يا الكلبة هكا تخليني مقلقة عليك ما تعيطي......
-وعليكم السلام راني مليحة سوال عليك!!😑
-افففف رزان
-واش بيك قريب خرجتيلي من التلفون بن عمييي
-تقلقت عليك
-امممم كلي بالصح ههههه
-بفففف متقلقينيش ولا منقولش اخر الاخبار
-اذا على حمزة غير ازرعي وش عندك
-هيهيهي صحبتي تفهمها و هي طايرة
-هيا انطقي!!
-اممم bon نبداو كي ديتك تغسلي كي وليت بدا يسقسيني كي الملهوف يااا جدك شحال كان مقلق عليك و مقدرش يشرح قاعد غير يتلعثم وكي يكتب يدو تترعد وش نقولك كان ميت هههه امبعد رفد دوزانو و خرج مكملش يقري!!
-واااااو يأبشني
-قريب حسدتك عمبالك
-ههههه خمسة في عينيك
-وعشرة في ودنيك ايا كوبي اني لحقت للدار.
-باي عمري
-باي.
امممم صافي كان يخمم فيا ههههه
من الفرحة رحت لنور
-هههههه نونوووو
-ههههه خير واش كاين؟؟
-وش راح ديري ديسار؟؟
-اممم معلاباليش وش حبيتي؟؟
-ايا اخرجي من الكوزينة انا نديرو
-ااااه لالا منقد.......
-نونو اخرجي!!
-ههههههه خلاص اقعدي معايا برك .
-اوكي
دارت رزان تيراميسو يشهي ،تعشاو و رقدو و رورو المورال طالعها للتوب هههههه.
غدوة كان weekend ناضت الصبح لقات نور و يماها يديرو ميناج 🤤
-ماما صباح الخير
-صباح النور بنتي رقتي مليح؟؟
-وي الحمد لله ،ماما وش سر هاد المناج
-امممم راني عارضة وليد عمي للعشا
-اه اوكي

راحت رزان مع رماس دارو shooping و طبعا رزان شرات الحوانت كامل ولات العشية ،وجدت روحها و قعدت تهدر مع رماس في التلفون حتى لحقو الضياف
فه-رزان هيا راهم جاو الضياف
رو-امممم راني جاية

-هيا باي رماس لحقو الضياف
-اوكي باي
كوبات و هبطت للصالون دخلت و ....
يتبع

●●●●●●●●●●●●●●●●●
واش رايكم في البارت؟؟
وش راح يصرا بعد ما تدخل للصالون؟؟
متنساوش التفاعل .حبكم😙