انفتح الباب و جاء لعندي قيصر عنقني بقووووة و جرني معاه و رمانا كيفكيف 🤤 انا من الخلعة و الصدمة زيرت عليه و قاعدة نعييييط لربي اللي خلقني غمضت عينيا و حشيت راسي في صدرو ...طلعلي راسي و قالي: -متخافيش راني معاك استمتعي بالمنضر .. من بعد كلامو حسيت بالامان بقيت شاداتو و نشوف في المنضر بزاااف شباب و الطيران اجمل ههههه مفقتش لروحي حتى هبطنا للارض و هبطت الهيلي و نحينا دوك الحوايج ....بلا بلا كي ركبنا في الطونوبيل قالي: -واش سمحتيلي ؟؟؟ -"هزيت براسي ايه" عنقني و سلملي على راسي ...في ديك اللحضة قررت نخليه يحبني و منسمحش فيه و يكون تاعي اناااا😉
جوزنا هداك النهار كيفكيف امبعد رجعت للدار رقدت و انا فرحانة 😋 صبح نضت على 12 لقيت قيصر باعتلي مساج "صباح الخير اميرتي".... عيتلو هدرنا و كي كوبينا عيطت لمريم تجي معايا نشري روبة للحفلة في الليل تاع قيصر كي شرا جميع ممتلكات سلمى المحجوز عليها
خرجنا درنا انا و ميمي حتى حفاو رجلينا .... معجبني والو حتى الحانوت الاخير لقيت روبة تهبل ديتها و جينا رايحين حتى قاتلي -جيجي حنا جينا جينا ارواحي معايا للصايغ يديرلي الحجرة في خاتمي طاحتلي -اوكي هيا رحت معاها هي راحت تهدر مع الصايغ و انا قعدت نشوف وحد la parure تهببببل على برا ... حتى نسمع واحد يهدر مع الصايغ: -اعطيني اخر ما خرج في خواتم المارياج -مكانش المدام تخير؟ -نو راه مفاجأة انا رتني نهدر في مخي يا سعدها هادي اللي دايرلها مفاجأة.. اه اصبرو اصبرو هادا ماشي صوت قيصر طليت من الزجاج نلقاه السي خونا يخير خواتم المارياج ما قدرتش نامن قعدت نخزر و نعاود وي و الله غير هو ،رجليا فشلو ما فقت لروحي غير و انا نجري في المول و دموعي شلاااال قعدت نجري نجري حتى لحقت لطونوبيلتي رحت directement للدار رميت روحي فوق الفراش و عنقت المخدة و قاعدة نبكي
-هئ هئ زعما يكون راح يخطبها؟ هئ هئ راه باينة يمال علاه شرا الخاتم باش يلبسو هو؟ دركا كامل واش حلمت راح؟ هئ هئ راح كلشي؟؟ خلاص كان باين من الاول بلي ماهوش ليا هئ هئ غير مريم اللي خلاتني نحلم حلم مش من حقي هئ هئ و قعدت حتى حبيتو باش فقت على روحي هئ هئ...خلاص ماشي وقت هاد الهدرة ،خلي ندير كلي ماكاين والو اصلا يتزوج ولا يطلق المهم ما يبعدش عليا .
نضت درت دوش هادئ ريحت بيه اعصابي خرجت لبست بالزربة و رحت للحفافة مشطتلي بيان و ماكياتلي كنت لابسة هكا
Oops! This image does not follow our content guidelines. To continue publishing, please remove it or upload a different image.
كملت رفدت تلفوني نشوف شحال الساعة لقيت قيصر معيطلي 32 مرة و خلي لي ميساج 😰 هاجر وينك....علاش مكيش تجاوبي ....ياك لاباس....و لا حاجة مقلقاتك.....تحبي نجي عندك.. يا حيي حبيت نفهم علاش يهتم بيا لهاد الدرجة ..بففف ميهمش المهم يقعد جنبي... كملت وجدت روحي و اتجهت للحفلة كانت كي العرس مش حفلة 😞 و الطونوبيلات اللي برا ميتحسبوووش مع اللي خرجت و يوقفولي زوج لي قارد عند راسي قا-مدموزال اذا سمحتي تفضلي معانا هج-(يا يما العزيزة راح يخطفوني) وييين؟ قا-موسيو قيصر طلب تدخلي من الباب الخلفي هج-(خنزرت فيه) قولو محبتش قا-stp مدموزال متديريلناش مشاكل هج-عيطلو نسمعو بوذني قا-الو موسيو ...المدموزال محبتش تجي معانا... اوكي عطاني التلفون هج-الو وي قيصر قي-وي ارواحي مع لي قارد هج-اوكي رحت معاهم لوحد الباب تبان سرية يا جدك مع اللي دخلت لقيت قيصر يستناني ..قبل ما يهدر ما والو جا ليا عنقني بقوة تقول رجعت من الموت قي-واش لاباس وين كنتي و علاش ماتجاوبيش في التلفون و حتى في الدار مكنتيش خلعتيني عليك هج-(شفت خوف في عينيه اه علاش ديرلي هكا و تعلقني بيك) نو غير كنت عند الحفافة و مع الحس مسمعتش التلفون قي-بففف علاش عليك هاد الزبل انت شابة بلا صبايغ هج-(بانزعاج) دونك مجيتش شابة؟ قي-انت القمر يغير منك هج-هاه شوف لبست حاجة سامبل كيما قلتلي قي-بصح يديها ترونسبارون هج-امنممم قي-راني قلتلك اللي تلبسيها تجيك شابة هههه هج-ايه حقا علاش جبتني منا؟ قي-باش تخيريلي لبسة بصكو اليوم بزاف مهم ليا هج-(ايه نخيرلك لبسة باش تخطب بيها هاديك😒) قي- وين راكي هههههه هج-اه هيا نطلعو رحنا لشومبر تاعو قاعدة نخيرلو هبلتو و منقللكمش كنت فرحانة ،بالعكس كنت مزيرة و قلبي يتقطع مي كنت نحاول نستمتع بكل لحضة معاه و منضيعهاش... هبلتو و انا نخيرلو البس هادي...لالة ماشي شابة..شوف اه لالا حتى هبلتو -اففف اففف ساعة باش تكملي -حبيتك تكون انت احسن واحد 😉 -اممم -البس هادا -ماشي من الاول معجبكش -صحا هادا -اوكي
دخل يلبس في السال دو بان و انا قعدت نشوف شمبرتو اللي كانت رجولية بامتياز ...قاعدة نشوف في لي بارفان و لي جال هههه لاكوافوز تاعو معمرة كثر من تاعي ...رفدت وحد البارفان و يطيحلي بوشونو حتى تخبا تحت السرير رحت نجيبو حتى تجي في يدي باطة شيييك فتحتها لقيت فيها خواتم الخطوبة بزاف شابين هادو اللي راح تخطب بهم حبيبتك؟ هههه اذا لقيتهم 😛 هادي فرصة باش على الاقل نبعدهم على بعض هاد الايام و ما نعرف بالاك يطيح في شباكي هههه مرات نحس بلي لازم الشيطان يولي يستشيرني 😈 .... حطيتو في صاكي و رجعت البارفان لبلاصتو و قعدت ندور في عويناتي ..حتى يخرج قيصر في قمة الجمال 😍 -واش راني شباب؟ -وي جيت تهبل رحت رفدت بارفان من لاكوافوز -نحبك دير هادا -اوكي ديريهولي درتوهولو و قاعدة نشم فيه يهببببل مفقتش حتى لقيت روحي معنقاتو ..لالا المشكل ماشي هنا المشكل في السي السوفاج الاستغلالي للفرص زاد زير عليا و باسني على جبهتي 😁 و بما انا ما عندي لا زهر لا ميمون صونا داك التلفون تاعو 😤 جاوب و قعد شادني بيد انا بعدت باش منحرجوش و نخليه يهدر براحتو و رحت نسقم شعري هدر في التلفون شويا و رجع -بلا متسقمي راكي اصلا شابة (حشمت احي فرحانة بروحك وين كانت هاد الحشمة كي كنتي راح تغتاصبي السيد) قي-هيا نروحو؟ -اوكي هيا جينا خارجين حتى رجع و غلق الباب -اصبري اصبري -واش كاين -نسيت حاجة بدا يحوس في الجيب تاع السروال و تاع الجاكيت في الكوافوز... فهمت على واش راه يحوس مي درت روحي معلاباليش 😁 هج-تحوس على portefeuille تاعك؟ قي-........ هج-هيا قيصر معندك ما دير بيه قول للخدامات يحوسولك عليه قي-اسكتي وجعتيلي راسي هج-سمحلي! جيت خارجة حتى....
يتبع....
☆☆☆☆☆☆☆☆☆☆☆ واش رايكم في البارت؟؟ راح يعرف قيصر بلي الخاتم عند هاجر؟؟ متنساوش التفاعل .حبكم😙
