رجعت للدار ،دوشت ،و طيبت دولمة تشهي ... رجعت لشومبر تاعي نحوس واش نلبس ...قلبت الخزانة كامل مكاين والو ،كيما علابالكم لبسة تاعي كلها رسمية و لا كحلة ...معندي حاجة تصلح.. قاعدة نخمم اييييه مرة مريم شرات لبسة جديدة نهار درنا شوبينغ كيفكيف و نساتها عندي ،كنت راح نرجعها لها بصح دركا و الله ماكي شايفتها ههههه خرجت نجري للطونوبيل جبدتها -واو عندها ذوق شباب ..نولي نديها هي تشريلي هههه
لبست ديك اللبسة كنت هكا
Oops! This image does not follow our content guidelines. To continue publishing, please remove it or upload a different image.
وخرجت نجري للكوميساريا و ديت الدولمة هههه 😁
جزت على ال supérette شريت jus و شي تخربيق و رحت عند قيصر و انا قلبي راح يطير من الفرحة اول مرة نحس هاد الاحساس ،دخلت عندو لقيتو يقرا كتاب غير شافني خنزر فيا اووو موالف يلاقيني بالضحكة واش بيه جدو اليوم: -قيصر شوف درتلك دولمة 🙂 -علاش شقيتي روحك؟(بحواجب معقودين) -ماشقيت روحي ما والو -امممم حطيت الماكلة -قيصر ارواح تاكل -لوكان غير معدبتيش روحك منيش حاب ناكل -(بعصب) اوكي دك نديه نرميه -خلاص خلاص راني جيت قعدنا ناكلو بصمت لاول مرة واش بيه ينفخ و علاش راه مقلق ... -اييي هاجر راني نهدر معاك ا مخلوقة واش متي؟ -اه سمحلي غست ...واش كنت تقول؟ -قلت لك جابولي واش وصتيني -اه صاح وينو الدوسي -هاهو لهيك
نضت نجيبو و يقفزني بوحد العيطة -هااااججججر اخرجي عليا منزيدش نشوف وجهك -كيفاش؟ -كيما سمعتي! -واش درتلك من الصباح و انت قالب وجهك عليا؟ - الله يرحم الوالدين اخرجي
تحجرو الدموع في عيني ...هزيت الدوسيي و خرجت غير بحقت للطونوبيل بديت نبكي نكبي نكبي -هئ هئ علاش دارلي هكا؟؟ علاش عيط عليا و حاوزني ..هئ هئ وانا علاش نخمم عليك؟ اويلي وشنو نخمم عليه علاش واش كاين بينا؟ و علاش راني نبكي ....اصلا قلت لك يا هاجر يا الحمارة قلت لك الرجال ولاد حرام ...دك نوريلك يا السي قيصر غير تتمنا تشوفني و ما تلقانيش.
مشيت directement للدار و غير دخلت رقدت ..
الصباح نضت مقلقة لبست حوايجي و رفدت داك الدوسيي و رحت للكوميساريا اللي يهدر معايا نشعل فيه دخلت للبيغو لقيت bouquet de fleurs و بطاقة اعتذار الداخل ...
قريتها ترسمت ابتسامة على وجهي بلا ما نحس و فرحت مي تفكرت عياطو البارح و حاوزني تقول دار باباه و دركا باعتلي هاد الورد ... شديت داك البوكي قطعتو و فتتو بالوردة و هاديك البطاقة قطعتها و رميتها في الزبل ...
و قعدت نشوف شغلي رفدت داك الدوسي قريتو .. فيه وثائق تثبت تورط سلمى و امها ... كملت شغلي جزت على مريم و رجعت للدار...
☆تسريع احداث☆ جاز اسبوع على داك الحادث و في هاد الاسبوع مكاين حتى جديد سلمى مزالها دايرة موتا حمارا ... مريم خرجت من السبيطار... و السي قيصر ما شفتو ما هدرت معاه ما رحت عندو عيا و هو يبعتلي في الورد و الرسائل مي خلاص اللي في راسي نديرو و داك الورد يفطر بيه الكلبون...
اليوم الجلسة تاع سلمى و كيما علابالكم لازم نحضر دوشت الصباح و لبست و خرجت من الدار كي لحقت قعدت نستنا باش نبداو و انا ما مبينة والو لسلمى و امها... حتى جات الصحافة و ترونت الحالة عرفت اللي جابو قيصر كي شفتو فرحت مي مبينتش... جاء القاضي و بدات الجلسة .. وبدات ديك البهلولة تخرط هي امها خليتها حتى كملت و كمل القاضي من الاستنطاق امبعد باش هدرت انا:
هج-سيدي القاضي عندي ما نضيف قض-تفضلي عرفي بروحك هج-انا هاجر........عندي ما نضيف في هاد القضية قض-تفضلي عطيتو التسجيل و الفيديو و الدوسيي غير شافوهم اللي في القاعة عينيهم خرجو و ديك سلمى و امها جمد الدم في عروقهم.... كمل القاضي و شاف فيا: قض-بارك الله فيك خدمتي خدمتك في احسن وجه هج-شكرا سيدي قض-انسة سلمى مهري عندك حاجة تضيفيها؟ سل-لا يا سيدي هاد الشيئ كذب......بلا بلا قض-الادلة واضحة لذا حكمت المحكمة حضوريا على الانسة سلمى مهري و ناجية توزاني (امها) بالحبس 15 سنة و الحجز على ممتلكاتهم و على الدكتور امين مشيش بالحبس 10 سنوات و البحث في القضايا الملفق فيها مع سحب شهادته ...و برائة السيد قيصر مهري. خليت سلمى و يماها يبكو و يندبو مين كملو ديك المسرحية خليت رجالي يشدوهم و خرجت بالزربة باش منتلاقاش مع قيصر هكداك و جاء تبعني مي الصحافة لسقت فيه ...شح 😈 رجعت للدار بدلت حوايجي لبست حوايجي الرسمية و رخت للكوميساريا جمعت العناصر تاوعي و رحنا القينا القبض على هاداك الطبيب ديتو و تهليت فيه ملييييح و رجعت لخدمتي عادي. قرب الوقت اللي نخرج فيه حتى دق الباب ... انا كنت مهبطة راسي نعمر في وحد المحضر و تضربني ريحة رجولية طلعت راسي لقيتو قيصر في كامل اناقتو ياااا قلبي 😍 شاف فيا لقا عينيا خارجين منهم قلوبا -نقدر نقعد؟ -لالا اخرج عليا -بليز سمحيلي والله ما قصدت -اقصد و لا اقعد ميهمنيش اخرج علياااا شوكاني..............
يتبع....
☆☆☆☆☆☆☆☆☆☆ واش رايكم في البارت؟؟ واش دار قيصر؟؟؟ متنساوش التفاعل .حبكم😙
