😍عشقت استاذي😍 👮‍♀️الشرطية و السجين🕵️‍♂️

بارت 2

☆قيس☆
نضت الصباح على ال6 و رحت للشمبرة تاع البنات لقيت سهام تدير في خمارها و هاجر مزالها راقدة رحت عند ديك البهلولة نحيتلها الغطا:
قي-نوووضي يا وجه الهم دك نلحقو روطار
هج-اووووف هكا ينوْضو الناس؟
سه-يعطيك الصحة تستاهل زيدلها زيدلها
هج-استشفاي انت استشفاي
قي-خفي ربع ساعة نلقاك عند الباب
هج-خلاص.... يخي كلبون اخرج (رمات عليا بمخدة)
وجدت روحي و رحت فطرت مع العائلة الكريمة:
رز-صباح الخير وليدي اقعد تاكل
قي-صباح النور ،وين راهي هاجر؟
حم-علاش تحوس عليها خلي الطفلة براحتها
رز-غير انت يا حمزة اللي راك تحللها في العين خلي خوها يزيرها شوية
يه-ايه قيس ولد ماماه و هاجر بنت باباها و انا الشعب المضلوم ،معليش عندنا وقفة عند العزيز الجبار يوم لا ينفع مال و لا بنون
رز-سكتينا نتيا مع صباح ربي تندبي على راسي

كي كملت فطرت رحت نشوف وجه الهم اذا راهي واجدة لقيتها دير في الآيلاينر :
قي-ايييه نتيا واش راكي ديري؟
سه-راهي دير في الآلاينر ماراكش تشوف؟
هج-واش بيه جدك دك نعيط للبابا يوريلك
قي-خفي اغسلي عليا الكحل تاع فرعون و امشي قدامي راكي رايحة تقراي ولا تلعبي
هج-افففف سامط كلبون جايح
قي-بلعي و متخلينيش نجي ليك
سه-هكداك كسرلها راسها 😈
قي-انت في بلاصة ماراكي واقفة كي شمعة المولود و تستشفاي شدي المفاتح و روحي خرجي الطونوبيل من القاراج رانا جايين
سه-مطولوش

وقفت عند راس هاجر حتى كملت 😈 و ركبنا في الطونوبيل ،كي ديماريت صونا التلفون تاع سهام ،عيطتلها ياسمين:
سه-الو بهلولة واش راكي ههههه
يا-لاباس الحمد لله وانت
سه-cv ...وين راكي؟
يا-مزالني في الدار نحلل في البهلول تاع خويا يوصلني
قي-قوليلها دك نجوزو نوصلوها معانا😃
سه-واش قتلي؟
قي-نجوزو عليها ندوها معانا😡
سه-اااه ياسمين رانا جايين لعندك نوصلوك معانا ،كي نبيبيلك اهبطي
يا-اااه مرسي عمري
سه-يسلمك هيا باي
هج-شو شو شو الكلبون مستغل الفرص نوصلوها اااه!
قي-دير الخير و انساه هههه
سه-ايييه نعرفو نوع هاداك الخير

المهم جات ياسمين و شحال كانت شابة !
قي-صباح الخير ياسمين...سهام نوضي روحي اقعدي من اللور مع صحبتك و خلي هاجر تقعد قدامي
يا-صباح النور قيس ،cv؟
قي-راني فوور اليوم هههه و انت؟
يا-نقولو الحمد لله
وصلت البنات للافاك و انا قلبي يخبط في 1000 في حضورها كنت كي العروسة ليلة عرسها هههههه
و رحت لليسي مع هجورة و كانت الساعة الاولى تاعي مع كلاصتها ،مع صبح ربي .....درت الكوغ تاعي قريت عادي و في نصف الحصة بدات تلعب بشعرها و بانتلي مقلقة و زعفانة ،و انا مع اللي كنت زعفان عليها على البارح كي بعتتني نشري امبعد مكلاتش و على الهاراج تاع الصبح قلتلها:
قي-انسة هاجر عاوديلي واش كنت نقول
هج-اه انا؟؟
قي-لالا انا! مكنتيش تبعي ،ارفدي دوزانك و اخرجي برا
هج-بصح البرد!
قي-قتلك اخرجي
قطعت ورقة صغيرة و كتبت حاجة امبعد لمت دوزانها و كي جات خارجة حطت هاديك الورقة فوق البيرو تاعي و تبسمت معايا هاديك التبسيمة تاع "راك طحت في مصيبة" وخرجت ،انا توسوست .. كملت شرحت الدرس و عطيت للتلاميذ تمرين يتلهاو بيه و رفدت الورقة لقيت مكتوب فيها:
"دك نقول لبابا يوريلك"
يا ربي على هاد الطفلة شحال سامطة ،و علابالي اذا قاتلو بلي خرجتها في هاد البرد يحطلي سعدي في يدي بفففف خرجت من الكلاصة حوست عليها بعينيا ملقيتهاش هبطت للاكوغ مكاش ليتوالات مكاش ااااو وين راحت هادي؟ سقسيت السورفيونت قاتلي ماشافتهاش و الساعة اللي بعدي محضرتهاش و اللي بعدها تانيي و اللي بعدها...اوبسي راحت عليا اليوم .

☆هاجر☆
تقلقت من قيس كيفاش يديرلي هكا كيفاش عطاه قلبو يخرجني في هاد البرد ، زعفت صح ،خرجت من الليسي كامل ماشي غير من الكلاصة قلتلهم حالة طارئة 😜 ....و بدات الشتاء تصب قاوية و الضباب داي حالة، كان البرد هاداك النهار ،و كاين زوج طرق للدار واحد طويل و واحد قصير بصح خالي (مهجور)
و انا باش نزرب نلحق للدار رحت في القصير ،راني نمشي و دايرة الكيتمان نسمع في الغناء و نمشي ،نمشي ،نمشي 😁 .........حتى نحس حاجة c'est pas ça كشغل واحد مورايا ،بديت نزرب في الخطوات و نشوف في الضل تاعو بدا يزرب تاني اووو وين جاي السي خونا كي قريب يلحقني ،شمرت على رجليا و بديت نجري كي حسيبة بالمرقة ههههه ،اووو متضحكوش اصبرو السيد بدا يجري مورايا هو يجري و انا نجري هو يجري وانا نجري درنا الماراتون ،حتى لحقت عند وحد الحيط مكاش وين نزيد نهرب ،اغتنم الفرصة و حكمني ،بديت نعيط غملي فمي درت باش نشوفو بانلي خيال تاع راجل طويل و موسكلي بصح مبانليش وجهو علاجال الضباب بصح ريحتو قعدت في نيفي...... ،و بعدها محسيت بوالو.

☆سهام☆
جاز نهار سامط و يعيي كي العادة و العوايد قريت و درت شوية مع ياسمين و قسرنا حتى شبعنا امبعد ،رجعت للدار ريحت شوية و نضت ندير العشاء مع ماما:
رز-اعطيني زوج حبات طوماطيش
سه-فاش نعاونك
رز-اممم ديري الشلاضة
سه-اوكي......قيس و هاجر طولو اليوم مجاوش
رز-ايه موالف كي يطول تجي هاجر وحدها اليوم مجاتش .
سه-بالاك كي الشتاء راهي معاه يرجعو كيفكيف
رز-بالاك....هاداك ماشي تلفونك اللي راهو يصوني
سه-ايه تلفوني دك نجي
رحت لقيتو قيس يعيط جاوبت
سه-الو
قي-الو سهام؟
سه-لالا خيالها...وين راكم؟
قي-كيفاش وين رانا علاش هاجر مرجعتش للدار؟🤤
سه-لالا عمبالنا راكم راجعين كيفكيف علاش واش صرا
قي-يااااا ربيييي وين راحت هاد الطفلة؟
سه-بالعقل فهمني واش كاين
قي-الصبح خرجتها من الكلاصة امبعد مزادش بانت
سه-هبلت انت تخرجها في هاد البرد
قي-يرحم باباك سهام متزيديليش
سه-حوست عليها مليح؟
قي-حوست بارتو في الليسي و برا مكانش!
سه-نقول لماما؟
قي-لالا خلي نزيد نشوف امبعد نقولك
سه-اوكي صحا
قلبي طاح بين رجليا وين راحت هاجر و واش راه صاريلها دركا؟ يا ربي الطف بينا!

يتبع......

¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡¡
واش رايكم في البارت؟؟
واش صرا لهاجر؟؟
متنساوش التفاعل .حبكم😙