😍عشقت استاذي😍 👮‍♀️الشرطية و السجين🕵️‍♂️

بارت 4

دخلت للصالون وعيطت:
-oh my goood!!!
دارو الضياف و هنا كانت المفاجأة نطقو في نفس اللحضة:
-رزااان؟؟
-حمزززة؟
سمير-تعرفو بعض؟؟😕
حمزة-وي تقرا عندي (كذااااب هههه)
فهيمة-ربي يوفقكم.... رزان ارواحي نعرفك
-اوكي
فه-هادا علاء وليد عمي و هادي زينب مرتو و حمزة وليدهم الوحيد
رو-تشرفنا (بابتسامة عريضة)
جاز العشا و حمزة كلا رزان بعينيه و هي حشمانة و حمممرة.
كي جاو خارجين حمزة غمز لرورو اللي ذااابت في بلاصتها...طلعت تجري للشمبرة تاعها و عيطت لرماس
-ريري ريري علابالك واش صرا؟؟؟
-بلعقل وش بيك؟؟
-ريري عندي ليك وحد الاخبار هههه 😂😂
-واااش كاين متخلعينيش؟؟؟
-جاو الضياف
-ايييييه
-وحمزة وليد وليد عم ماماااااا ههههه 😂😂
-قولي والله 😃
-والله يا ريري و قعد عشا كامل ؤخزر فيا وقبل ما يخرج غمزلي ههههه شحال راني فرحااااانة
-ههههه منيش مامنة
-واللللللللللله ههههه
وكملو ليلة كامل يضحكو و يتمهبلو و رزان ميتة بالسعادة .
خلاص weekend و دخلو يقراو و كلش استمر عادي غير ان علاقة حمزة و رزان تطورت من استاذ و طالبة لاصدقاء مقربين ....و هذا ينطبق على حمزة برك بصكو رزان قعدت كل يوم تزيد تعشقو 😍
وحد النهار كانت رح ترقد حتى صونا تلفونها نوميرو متعرفوش مجاوبتش بصح قعد غير يعيط و يعاود حتى جاوبت
-افففف شكون هاد الصامط اللسقة اللي عندو ساعة يعيطلي
-هاد الصامط اللسقة هو حمزة هههه
سمعت صوت راجل تخلعت و كوبات بصح عاود عيطلها
-واش بيك علاش كوبيتي ؟؟
-اه منيش موالفة نهدر مع الرجال في التلفون و اون+ منين جبت النوميرو تاعي؟؟؟
-جبتو من القمر خلينا دركا من جياحتك........
جابو الليل كامل يجياحو و يضحكو مع بعض و رورو تعشق في ضحكتو 😍😍

♡عند حمزة♡
ولينا انا و رورو des amis intimes و بديت نحس روحي نحبها لالا نعشقها بصح خفت من ردة فعلها و خفت تزعف و تروح ،بصح اليوم استجمعت شجاعتي هههههه مالقري علابالي بلي نوقف قدامها نضعف ،قلتلها غدوة نروحو نفطرو كيفكيف وهي قبلت اوووف مزية ديسيدت نعترفلها بعد ما تكمل تاكل باش ما نكوبيلهاش لابيتي ههههه.

♡عند رزان♡
انممممم شحال راني فرحانة كي ولينا قراب لبعضانا و اليوم قالي نروحو نفطرو كيفكيف مع الاول ترددت بصح حسيتو حاب يقولي حاجة الوغ قبلت و رقدت بكري بش غدوة السبت نخرجو كيفكيف 😍.

الصباح:
لبست حوايجي هكا

ورحت نجري جزت على رماس قعدت عندها شوية و جاء الوقت اللي نروح ليه للrestaurant هادا هو

وقعدنا فطرنا حتى شبعنا انا مقدرتش نهبط عينيا كان بزااف شباب المهم بدا يهدر:
-اااه رزان حبيت نقولك حاجة
-هههههه وي تفضل
-رورو علابالك بلي عندنا مدة واحنا مع بعض ....ااا و انا في هاد المدة ....اااا رورو انا 😶نحبك 🙈
-ااااه حمزة......
-رزان متفهمينيش غالط ادا مكيش حابة......
-وشكوون قال منيش حابة.... حمزة انا نعشقك 😘
من الفرحة رفدها و قاعد يدور بيها و هي ميتة بالفرحة و الناس الكل يخزرو كاين اللي فرحولهم و كاين اللي...علابالكم 😑😑 .
خرجو يديهم مشبكين في بعض و فرحانين قررو يجوزو نهار كامل كيفكيف صافي راحو كلاو لاكرام و راحو للماناج و لعبو حتى شبعو و في الاخير ركبو في البابور و كان الليل بدا حمزة يعيط:
-انا نحب هاد الطفلة و نموت عليها
-حمزة فضحتنا اسكت!😦
-خلي الناس يعرفو بلي انت تاعي انا وحدييي
-هههههه مهبولييي نحبك
-هيا نهبطو نروحو نتعشاو
-اوكي
تلفون رورو صونا:
-الو وي ماما!
-وين راكي رزان؟؟
- راني مع حمزة
-اه اوكي مزال متجوش؟؟
-نتعشاو ونجو منطولوش رانا في الماناج 😄
-اييييه طوالو رجليك
-ماما ياااا مقتلكش ولا خلي كي نجي للدار نحكيلك
-اوكي مطوليش باباك راهو يسقسي عليك
-اوكي باااي.
(رزان تعتبر امها كيما صحبتها الوغ حكاتلها على حمزة من قبل بصح مزال مقالتلهاش واش صرا اليوم)

-حمزة
-وي رورو
-بابا راهو يسقسي عليا لازم نولو
-كملي قبل ماكلتك امبعد نروحو
-لالا c'est bon شبعت
-اوكي هيا نروحو
وصلها للدار دخل سلم على يماها و رجع لدارو.

-مامااااا محكيتلكش
-بلعقل اقعدي و احكيلي
-حمزة داني نفطرو امبعد....
-اييييه امبعد
-قالي بلي يحبني
-اييييه وقتاش يجي يخطب؟؟
-مااامااا هاداوين السيد اعترفلي حبيتي يجي يخطبني 😑
-رزان بنتي انا يماك و مكاش اللي يعرف مصلحتك خير مني (الجملة اللي مكاش ام جزائرية مقالتهاش هههه) يا بنتي انا نخاف عليك مالقري علابالي بلي حمزة راجل مليح و جامي نشك فيه بصح ....منقبلش تقعدي معاه في علاقة غير شرعية يعني ما يربط بينكم والو!😶
-ديري فيا كونفيونس ماما و ثيقي في تربيتك
-روحي ربي يسهلك و بالاكي تنساي.....
-علابالي ماما علابالي (عنقو بعض)
-روحي ترقدي يا بنتي
-bonne nuit mama
-bonne nuit
قبل ما ترقد رورو عيطت لرماس ههههه لازم تبشرها:

-اممممم شدي روحك الخبر القنبلة
-ااااه هيا رزان حرقتيلي راسي واش صرا؟؟
-اليوووم
-اييييه ؟؟
-اعترفلي حمزة بحبو ولينا اون كوبل و جوزنا نهار كامل كيفكيف😋
-ياااااااا قولي والله رورو 😃
-والله و بدا يعيط بلا حشمة اناااا نحب هاااد الطفلللة برا والناس كامل يخزرو ههههه
-يا والله غير مهبول استاذي
-هههههه شفتي انا هبلتو 😜
-ههههه هيا بون نوي غدوة نتلاقاو
-اوكي بون نوي

بلا منطولو بزاف و نعاودو كل يوم نفس الروتين
رزان وحمزة كل يوم مع بعض و اذا ماتلاقاوش يهدرو في التلفون. رماس فرحت لصحبتها ودائما معاها. حمزة رح يخطب رزان بعد ما تجيب الباك و هدر مع باباها و حط عليها اليد .
يتبع.....

♤♤♤♤♤♤♤♤♤♤
وش رايكم في البارت؟؟
هل هذه السعادة رح تدوم؟؟
هذا اللي رح نكتاشفوه مع الايام!!
متنساوش التفاعل .حبكم😙