رحنا للريسطو شييييك على الاخر واااو جميييل ....ايا خلاص قعدنا ،زعما لعبتها حشمانة دوموندينا واش ناكلو و انا حكمت la fourchette احم ههههه و كليت غير بالشوية باش منتبهدلوش ههههه و صمت قاتل بينا بففف نكره الصمت -احم احم -واش بيك حصلتلك واقيل ههههه -هيهيهي لالا محصلتليش -ايييه واش تحكي؟ -امممم والو بصح انت عندك! -انا؟؟ مشكيتش! -احكيلي على روحك مثلا -ااه اا.... -علاش كل ما نسقسيك هاد السؤال تتهرب؟ -مزال الحال باش تعرفي -بصح علااااش؟؟ -ااووووف اوكي اوكي حكالي زيزي "كيما تقول رزان" حكايتو شحال غاضني سورتو كي ماتت مرتو باينة بلي تاثر بزاف ،دموعي كانو ويدان بلا ماننساو الخناين 👌 -واش بيك تبكي -حكايتك تصلح فيلم تركي😭😭 -اااه تتمسخري بيا؟ -لالا لالا سيبون تاثرت شويا اوووه نروح للتوالات نغسل -اوكي مطوليش كنت نمشي و نتزعبل فرحانة حتى نشوف السي سامر مع وحد ال*** في طابلة في الزاوية يتمعشقو ,bien طحت في الشبكة موسيو سامر فرحت من قلبي اوموان نلقا سبة باش يخطيني! رحت لعندهم و كان عاطيني بالضهر بديت نسفق حتى دار لعندي و صحبتو تخزر فيا كي البهلولة: رو-bravo السي سامر ....شكون هاد ال*** اللي راهي مشرفتنا الليلة؟؟ ...-منسمحلكش تهدري عليا بهاد الطريقة! سا-اه ر روان؟ رو-انت كرمينا بسكاتك احسن ما نشوهلك وجهك الجميل.... و انت يا السي سامر هكا في الدار يا مرتي يا حبيبتي تخرج برا تدير رايك؟؟ سا-اسمعيني رو-منسمع واااالوو انسا بلي تعرف وحدة اسمها روان باي.✋👊🏻 اوووف تهنية منو امشي طريق السد دك نهدر مع خالتي فطيمة و نبعد على هاد la famille اصلا خلاص عييت منهم... رحت بالزربة غسلت و رجعت للطابلة: حم-اهلا شرفتي ...وين كنتي؟ رو-لوكان نحكيلك متامنش حم-خيييير؟ رو-لقيت هاداك البهلول تاع سامر مع وحد الطفلة لعبتها زعفت ليكيديتو و جيت اوووف تهنيت منو!😆 حم-قتلك تصلحي ممثلة ،هيا امشي نروحو راح الحال رو-هيا امممم عجبني الحال اليوم مع حمزة سورتو بعد ما تعرفت عليه مليح و ولينا des amis proches مع مرورو الايام. (يمشي في الشركة مع الصبح و هي وراه)
رو- Bonjour Monsieur اليوم عندك 2 اجتماعات الورق المطلوبة كلهم حاضرة و كاين بعض الاوراق لازم تسينييهملي...... (لحقو للمكتب تاعو) حم-جيبيلي قهوة و الغي قاع واش عندي اليوم دخل للمكتب و خلاني كي الشمعة عند الباب يخي بهلول يخي علاش نلغيلك واش عندك ،عندك خدمة لفوق راسك 😬 جبتلو قهوتو و قعدت نستنا توضيح بابتسامة صفراء🙂 -احم حمزة راني نستنا! -في واش؟؟ -توضيح الغاء اعمالك تاع اليوم malgré عندك خدمة لوكان تقعد للعام الجاي متكملهاش و....... -اااااه روان راسي راهو يوجعني متزيديليش -اوكي و درت و جيت خارجة حتى قالي اصبري عاودت درت ليه: -وي موسيو (مع الشدة على الياء👌) -تخرجي معايا اليوم؟ -ا wtf راك معايا؟؟😱 -لالا مع الجن اللي وراك... اليوم راني مقلق و حاب نخرج نحوس بصح محبيتش نروح وحدي! -ياااو طليت على قلبي -اوكي جيبي صاكك و ارواحي للطونوبيل -اوكي واااااااعععع هادا حمزة قالي ادا نخرجو نحوسو ووووو ازدق اردق و راني فرحانة بعدو خلوني ندير العرس اوو رفدت صاكي جرية و هبطت كي دخلت للطونوبيل قاعد يخزر فيا طرطقت بالضحك و قتلو: -ساضع حزام الامان متخزرش فيا هكا ههههههه -ههههههه هيا ضعيه! خرجنا داني للبحر و قعدنا ندورو في الرمل و نقسرو و نضحكو و نرشو في بعض بالماء هههه كنت لابسة هكا داك النهار
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حتى تجي وحد الزرزومية المعري كتر من المغطي تدور و تحوم بحمزة و تدير روحها زعما تبحرت تفووو على وجهك القذر امشي طيري لسقت فيه و انا كنت نخزر من البعيد اعععع تقلقت نضت رحت ليه حكمتو من يدو ووقفت قدامو خرز فيا متفاجئ خنزرت في هاديك البهلولة رو-تبحرتي madame؟؟ ....-ايه بصح مدموازل (و تبسمت لحمزة) رو- Ah bon تباني بولادك هههه لا علينا كاين لابوليس لهيك راكي تشوفيهم؟؟ ميقصروش ادا حبيتي يوصلوكك للدار قاع ههههه باي باي. وجبدت حمزة باش نروحو هي شنفت و راحت و حمزة قعد يضحك اااه نعميلها عينيها اللي تخزر فيه 😏 عاودنا ولينا للسيارة هاد المرة بلا ما خزر فيا درت السبتة هههه زدنا درنا حتى بدات كرشي تاع التبهدايل تقرقر احيييي ديك الحشومة ههههه رحنا فطرنا و رجعنا للدار ااااه كنت عيانة مزية غدوة ويكاند رميت روحي فوق السرير و عطيتها برقدة كي الحلوف و قاعدة نشخر ههههه نضت برك طيبت العشاء طبعا كرشي قبل كلشي 😉 و غسلت الماعن كي السكران طبعا امبعد كونيكتيت شوية حتى تلحقني انفيتاسيون اممم شكون هاد العبد فتحت عينيا مليح نشوف اوووو مديري بعتلي انفيتاسيو هيهيهي اكسيبتيتو ،حكينا شوية حتى رقدت و خليتو يبعت في لي ميساج وحدو هيهيهيهي شريرة انا 😈.
يتبع........
°°°°°°°°°°°°°°°°°°°°°°° واش رايكم في البارت؟؟ واش هي توقعاتكم؟؟ متنساوش التفاعل .حبكم
