قلتلكم بلي عدلت الماكياج تاعيو كنت حابطة في الدروج حتى نحس بيد تجبدني و تحط منوم على فمي و من تما ما حسيت بوالو.
*عند حمزة* كنا قاعدين كيفكيف و دخل رسيم بش يدي عروستو ،بداو يتصورو مع لافامي -زيزي -امممم -نروح نعدل ماكياج تاعي بش نخرج شابة في les photos و نرجع. -اوكي بصح مطوليش -اوكي bb راحت رزان و بقيت نسناها حتى عيطولي بش نتصورو انا و رزان قلتلهم بلي طلعت تعدل الماكياج و مزال مرجعتش : رماس-انا نروح نشوفها 😯 حم-متهبليش اقعدي راكي عروسة! رم-و بالاك كاش ما صرالها الفوق رس-دك نقول لكاش وحدة تطلع تشوفها راحت ام رماس و رجعت وحدها: ام رم-اه... اه (تلهث) ماكاين حتى ....حتى واحد لقيت هاد الورقة في الارض....هاك(لحمزة) فتح الورقة و غير قراها بطا يخبط و يعيط حم-يا الرخييييس هكا تدير....لوكان جيت راجل اخرج و اتفاهم معايا ماشي تتخبا و تخطف فالنسااااا 😠😠 رم-واش كاين حمزة ...وش صرا لرزان؟؟ رسيم-هات الورقة (داهالو من يدو)
Oops! This image does not follow our content guidelines. To continue publishing, please remove it or upload a different image.
رس-شكون هاذا اللي تلاقيتوه في الترك؟؟ حم-واحد ال*** دنا لرزان و انا ضربتو و كان يستاهل نزيدلو! رم-اهئ اهئ مكانش لازم نخلوها تروح وحدها😭 حم-متبكيش رماس خلاص انتوما روحو للاوتال و انا نروح لل la police . رس-كيفاش نكملو العرس و رزان مكانش؟؟ انا نجي معاك! حم-متتمسخروش راكم عرسان كملو عرسكم وانا دك نفريها. ام رم-حمزة عندو الحق انتم روحو واحنا دك ندبرو ريسانا. رم-انا منقدرش نعرس و صحبتي مخطوفة!! المهم قنعو ام رماس و حمزة العرسان بش يروحو و حمزة طااار للمخفر و كي جا خارج جاه مساج ......
*عند رزان* فتحت عينيا لقيت روحي في شمبرة تعيييف ،الارض معمرة دمومات و الضوء خفيييف و انا مربوطة في كرسي في الوسط سييت نفتح الرباط بصح والو عاقدينو مليون مرة بففففف ،وانا هكاك نتخبط حتى تنفتح الباب و بطبيعة الحال دخل هاداك الرخيس تاع الترك : -اوووو اهلا فراشتي راكي شابة اليوم -متحشمش تخطف مراة يا *** -سقمي هدرتك bb -واش راك حاب مني و شكون انت اصلا؟؟ -خسارة عليك بالخف نسيتيني! -ايه نتا هاداك ال*** اللي حب يدنا ليا في الترك و راجلي عطاك اللي لازمك😤 دنا لعندي وشدلي وجهي بيدو سييت نحيها بصح كان اقوى مني -انت و راجلك راح تتحاسبو هنا..... انا كرييييم منسمح لحتى واحد يمسني ولا ياذيني ،فهمتي bb -ايه وامبعد اذا انت كريم وانا تان رزان وش يفرق؟؟ -الفرق هو انو انا اكبر مافيا و تاجر مخدرات و انتوما زوج بهالل خرجو في طريقي و قلقوني 😌 نحى يدو من وجهي و جاء خارج وانا قعدت مصدومة و نندب في جد بابات زهري الحلوف منين خرجلي هدا تان؟؟ ماكان خاصني غير همو!! قبل مايخرج قالي -امممم اسمك شباب بصح خصارة رح ينمحى من الوجود.
خرج و جاو 3 رجال طوول و عرررض و انا راكم تعرفوني بينازة جيت كي النملة قدامهم ههههه ،خلاص خلاص ماشي وقت الضحك لازم نخاف شوية احم، واحد فيهم هبط لعندي فكلي يديا 😂😂 وانا تنعكشت فوق راسو هههههه وقف سيا يبعدني عضيتلو يدو حتى سال الدم و هو يعيط و صحابو شايخين ضحك ههههه حتى عيط لواحد صاحبو شدني و هبطني و انا نتخبط بين يديه حتى قستو في 😶 علابالكم خلاص تلقني طحت في الارض و ولا وجهو حممممر و يعض في يدو و حالتو حالة ههههههه جاء صاحبهم الثالث و يبان واعر عطاني بكف ريبلي فمي حتى دخل كريم : كر-بهالل انتوما 3 حمير قد البوطو مقدرتوش لبينازة ... (شبعهم بخس يستاهلو 😏) وانت يا الشابة راكي اقوى من اللي توقعت ،(دار لرجالو ) انتوما اخرجو !! خرجو هادوك البوطوات ههههه و دنا كريم لعندي و هو يخزر فيا بكل خبث ركب الكاميرا تاع تلفونو باش يصور واش رح يصرا😞 وبدات الفيديو و هو بدا يهدر و يتبهلل زعما يهدد في حمزة بفففف يعيي هو مازالو يهدر و انا رحت عندو و باطراف اصابعي طبطبتلو في ضهرو دار لعندي : -مزال مكملتش الجياحة تاعك؟؟ -اااااه ؟؟؟😮 -وش راك دير حمبوووك ؟؟ -روحي بعدي متقلقينيش! -هيهيهي خفتك!😐 رفد يدو باش يضربني شديتهالو و عوجوتها و عطيتو ضربة لرجليه جبتو في الارض (دايرة kick boxing 😏) وقف وجهو حمرررر و عينيه شاعلين بالنار (حقيقة بديت نخاف) شدني من رجليا رفدني و خبطني مع الحيط راسي طرطق 🤢 و عيط لرجالو ربطوني مع الحيط 😢 وليت نشبه لكبش العيد (ههههه هم يضحك و هم يبكي) بالسيف ما قدرولي امبعد دخل السي البهلول عاود بدا الفيديو بفففف يعيي و جاء ليا و يعطيني بوحد الدبزة (بونية) لكرشي عاودت تقييت الحليب اللي رضعتو 😂😂 و زاد كمل على جدي بكف سناني رابو....تبسمت و قتلو: -يا وحد الفرشة ربطتني باش تضربني ههههه اضرب اضرب بصكو علابالك لوكان تتلقني واش ندير فيك يا وحد الخواف....تفووووه.
انا قتلو هكا و هو الجنون طلعولو لراسو ولا يضرب برك و انا نضحك عليه .....معلاباليش شحال جاز وقت المهم كي عيا مني حبس : -واش عييت -بلعي و متخلينيش نعاود نولي ليك -هههههه عمبالك راني حابة نعرف حاجة ،اما فيديو راح تبعتها لحمزة ؟ الاولة اللي قلبتك فيها هههه ولا الثانية اللي ربطتني باش تقدر تضربني ههههه يخي حالة يخي -صافي انت ما تنذعريش اااه بصح علابالي وش لازمك غدوة نتفاهمو.... عيط لرجالو يفكوني دخلو يرعشو وانا شابعة عليهم ضحك كي كملو رماوني في الارض و جابلي واحد فيهم الماكلة و خرجو يجرو بففففف ماكلة دايرة كي وجوهم ما مسيتهاش خليتهالهم ....كي جيت نرقد تفكرت حمزة sur راه مقلق عليا واش ندير باش نطمنو عليا....اييييه تفكرت تلفوني راني مخبياتو (في صدري😳 كنت شاداتو في يدي قلقني خبيتو تما) جبتو مزروبة باش نبعت مساج لزيزي دخلت للتوالات و غلقتها بالمفتاح باش ادا دخلو مينحونوليش 😏 شعلتو و داااك الزهر الحلوف اللي عندي كان 2% يعني رح يطفا بفففف بالزربة بعت مساج لحمزة و معلاباليش ادا وصلو و لا لا بصكو طفا التلفون....توضيت و خرجت صليت و قاعدة ندعي في ربي و نبكي..... الصراحة غاضتني عمري امبعد رقدت.
*عند حمزة* لحقني مساج كي كنت خارج من المخفر لقيتو من عند رزان oh my god افتجات (على قول بن غبريط ) طمنتني على روحها بصح مقاتليش وين راهي😔....امبعد تفكرت وييي رسيم يعرف بيان في l'informatique دونك يقدر يحدد مكانها من خلال المساج اللي بعتاتو ،عيطتلو قالي نروح عندو لدارو (مساكن خرب عرسهم 😁) رحت نجري لعندو لقيتو للدرك يسكت في رماس مسكينة و هي عينيها منفخين بالبكا الصراحة نحسهم خواتات مش صحابات ،راح جبد الpc تاعو و انا طمأنت رماس دالي التلفون و بدا يخلط فيه و في الpc.......
يتبع......
------------------------- وش رايكم في البارت؟؟ زعما يقدرو يلقاو رزان؟؟ متنساوش التفاعل .حبكم😙