😍عشقت استاذي😍 👮‍♀️الشرطية و السجين🕵️‍♂️

بارت 21

استعدو للمفاجأة في هاد البارت ههههه:
               ☆☆☆☆☆☆☆☆☆☆☆

امممم جازو 3 اسابيع على زواجنا نقدرو نقولو شهر، و غدوة رمضان ايييه راح نصوم هاد العام في دار راجلي احم احم ههههه درت نيتواياج للفيلا من الفوق للتحت مسكين حمزة هبلتو كل يوم ينوض على الموسيقى à fond و انا نشطح فوق السلوم ههههه.... ايه مقلتلكمش مور ما تزوجت حبست الخدمة لتهيت غير بداري 😁 ،لا علينا ولاو كل يوم في الليل يجوني des cauchemars يجوني هكا احداث بصح Flou و راسي يزيد يوجججع رحت للطبيبة قالتلي ما بيك والو معليش خلينا من هاد السوجي ،كملت النيتواياج اليوم الدنيا راهي تشعل شعيل ،ملقيتش واش ندير قلت نخمل خزانة حمزة هههه ،رفدت قاع حوايجو حطيتهم فوق السرير بيهم بالدوزان اللي الداخل ،و نسمع لاصونات ياااويلي جاء زيزي درك يلقا الشمبرة مخلطة انا واش داني واش داني نمس ،هابطة في الدروج و نندب فتحتلو الباب و سلمت عليه ماقالي والو على الشمبرة المخلطة مزية هيهيهي دنا الحوايج في جنب و تكسل في الجنب الاخر ،كملت سقمت الخزانة و حنا نقسرو امبعد رجعت دوزانو لبلايصهم من غير البوم اممم جاني الفضول قعدت فوق السرير و فتحتو........ la photo الاولي كانت تاعو و تاع اوووبسي هادا هو و رزان؟ بصح رزان photocopie تاعي ااااو عندي اخت توام و معلاباليش ،كملت نشوف لي فوتو تاعو و تاع رزان والديها و والديه و صورة ملمومة فيها كامل لافامي بدا راسي يوجعني و عاودو رجعو les cauchemars بصح....بصح هاد المرة راهم واضحين ،انا... انا تبكمت و حبست فجاة....حمزة يهدر معايا و انا منجاوبوش....ايه رجعتلي الذاكرة 😵
-روان رواااان سمعتيني واش قتلك؟؟
(درت لعندو بصكو كنت عاطياتو بالظهر)
-انا ....انا ماشي ...ما...ماشي روان
(انخلع خزر فيا وقال)-واش بيك؟؟
-ر رج رجعتلي الذاكرة حمزة!
-اااه قولي والله؟
-حمزة انا...انا
-ايييه شكون نتي؟؟
-انا "رزان"
😱😱😱😱😱😱😱😱😱😱😱😱😱😱😱😱
-واش ...واش راكي تقولي (شدني من كتافي و قاعد يرج فيا و انا دموعي قاعدين يسيلو) روان ماشي وقت التمسخير اهدري الحقيقة شكون نتي شكووون؟؟
-حمزة انا ...انا رزان ماشي روان!
-لالا  impossible رزان ماتت لالا راكي تتمسخري
(بعد عليا و بدا يبكي) لالا راكي تكذبي رزان ماتت راكي تسمعي ماااتتتتتت.
-حمزة افهمنييي انا رزان انا انا ممتش!
-و اللي كنت نروح لعندها للقبر شكوووووون؟؟
-معلاباليش!
-درك درك خفي نوضي نروحو عند خالتي فطيمة هي اللي تفهمنا واش كاين!
-هبلت نروحو درك لتيزي وزو؟؟
-ايييه و اليوم تفرا هاد الحكاية!
لبست بالزربة و انا مرانيش مامنة كيفاش في لحضة تقلبت حياتي ،طريق كامل و حمزة ساكت بانلي مهموم و حزين عندو الحق اللي جوزو ماشي قليل ، وانا تان مقدرتش نهدر مزالني تحت تاثير الصدمة و كيما قلتلكم انا نكره السكات و كي مقدرتش نهدر رقدت ،كي لحقنا نوضني حمزة ،طبطبنا في الباب و فتحت خالتي فطيمة الباب رحبت بينا قعدنا في الصالون و نطق حمزة:
حم-خالتي حنا اليوم جيناك باش نستفسرو على حاجة
خا-تفضلو يا ولادي
رز-انا انا رجعتلي الذاكرة خالتي!
لونها انخطف و بانتلي كلي خافت:
خا-اه صح؟؟ م مب مبروك عليك يا بنتي
حم-علابالك هادي شكون؟؟
خا-ايييه ه ها هادي روان!
حم-علابااالك هااااديييي شكوووووون؟؟(بالعياط)
خا-اصبرو دك نفهمكم كلش!
حم-مادابيا و تكون بلا محسنات
خا-صرات غلطة في السبيطار ،مدولكم جثة تاع المرحومة بنتي هاداك النهار و كي فطنت رزان ،قالولي بلي فطنت بنتك و كي شفتها لقيتها ماشي بنتي! لقيتها رزان بصح كانت فاقدة الذاكرة ....حاولو يوصلو ليكم ادارة السبيطار بصح مقدروش ،تما انا قررت ندي رزان معايا لداري و نديرها في مقام بنتي......
حم-و تتمسخري بينا و تلعبي بينا كيما تحبييي؟ اااه كي علابالك بلي هادي رزان علاش قلتيلها اسمها روان؟؟ علاش تمسخرتي بينا علابالك بلي حطمتيلي حياااتييي علابااااالك ؟؟؟؟؟
رز-خلاص حمزة اهدأ شوية
حم-كيفاش نهدا و هي لعبت بيا كيما تحب ،و كي علابالك بلي انا من فاميلتها علاش مقلتيليش كي تلاقينا اول مرة بلي هادي رزان و لالا حبيتي تكملي لعبتك؟؟ ااااه جاوبي (بدات تبكي)
خا-سمحلي يا وليدي خفت نخسرها كيما خسرت بنتي
حم-و دركا راكي خسرتيها و للابد
وشدني من يدي كركرني حتى للطونوبيل و هو كي البركان الهائج ،في الطريق مقدرتش نهدر معاه خفتو🙁
و كي شفتو تكالما شوية هدرت معاه و طمانتو:
-حمزة خلاص جازت و رجعتلك رزان علاش راك زعفان
-راني زعفان على السنين اللي راحو وانا نتحسر على موت مرتي المزيف
-بصح المهم درك راني معاك متتقلقش عمري (شديتلو يدو و بستها 😶) تبسم معايا
-نهار شفتك اول مرة عرفت بلي انت رزان بصكو جامي خطيتي بالي دقيقة! لافوتو تاعك محفورة في عقلي و قلبي!
-حشمتني زعما!
-هههههه وجه الحشمة
-حاجة ما تبدلت رزان ولا روان المهم حبنا ماشي الشكليات!
-وي bien sûr

لحقنا للدار و لازم ندير العشاء  malgré كنت عيانة بصح درتلو شخشوخة😁 تشفاو على الشخشوخة اللي يحبها غاجلي ،ههههه كي شافها مات بالفرحة
-ياااااه درتيلنا شخشوخة
-وي كيما يحبها عمري
-اممممم حرت واش ناكل الشخشوخة و لا مرتي؟
دربتو على كتفو
-احشم غدوة رمضان!
-متفكرينيش bb
-حمممززززة😒
-هههههه خلاص خلاص كنت نتمسخر برك!
تعشينا و جوزنا ليلة ولا في الاحلام ،عوضنا بيها كل سنين البعد و الفراق .

-نوض
-امممم
-نوض راك روطار على الخدمة
-خليني راني صايم
-واللي صايم ما يخدمش نووووض
-اوففف كسرتيلي راسي!
اوكي كيما تحب رحت خملت الدار بالزربة اصلا كانت مخملة ههههه و كي رجعت لقيتو مازال ما ناض امممم واش ندير ايييه لقيتها طلعت فوق السرير و بديت نصوطي ناض يجري و يعيط
-بسم الله الرحمن الرحيم زلزلة زلزلة نهار الاول تاع رمضان يااا يما القيامة مادرت حتى حسنة في حياتي راح نتشوط في جهنم كي البوزلوف
دار لعند رزان لقاها شادة كرشها من الضحك
-هههههههه توب لخالقك يا كافر ههههههه
-هادي انت
-لالا جارتي ههههه لوكان شفت روحك هههههه
-بعدي بعدي تشوفي
راح بدل حوايجو باش يروح للخدمة ،و انت خملت شمبرتي و بدلت حواجي لبست جبة على غير العادة ههههه و هبطت للكوزينة بديت نوجد للفطور حتى سمعت لاصونات ....فتحت الباب و شفت حاجة  jamais توقعت نشوفها لحق حمزة يسقسي شكون و تسمر عند الباب قعد bouche b .....

يتبع......

||||||||||||||||
واش رايكم في البارت؟؟
شكون جاء لعندهم؟؟
متنساوش التفاعل .حبكم😙