جازو الايام بالخف ،و رجعنا للجزائر مكاش جديد من غير انو قررت نتعالج عند هاد الطبيب بلا ما يسمع حمزة malgré راني خايفة يسمع و يزعف عليا!
المرة اللي فاتت رحنا عند هاد الطبيب و قالي بلي عندي ضعف تبويض ،و بدينا العلاج، وعندي كل 4 شهور موعد عندو بحكم انا منسكنش تما...
،وليت كل 4 شهور نروح تما غير بالتحلال و نتحجج برماس و الذراري و حمزة بدا يشك كاينة حاجة 😟.....
بعد 5 حصص علاج رجعنا انا و زوجي للندن للحصة ال6 بعد تحلال طويل و عريض للسي حمزة ،كي رحنا و كملت فحص:(الحوار بالانجليزية)
دك-مدام درك مكلاه نكملو العلاج! رز-علاش دكتور مكانش تحسن؟ دك-لالا بصكو راكي حامل ،الف مبروك رم-يويويويويويوييييي رز-اسكتي فضحتينا في بلاد الناس هههه ....صاح دكتور؟ معنتها راح نولي ام ؟ دك-وي مبروك و درك راكي كاي امراة تقدري تنجبي رز-ااااه يعني بريت تماما؟ دك-وي!
متقدروش تتصورو شحال فرحت ،رجعلي الامل بعد ما ياست.... اممممم درك كيفاش راح نقول لحمزة؟ معليش كي يسمع بلي راني حامل ما يقول والو ،ايييه مقلتلكمش اليوم عيد زواجنا ال3 ، قلت لحمزة نروحو نتعشاو وحدنا في كاحتفال.....و في وسط العشاء
-حمزة عندي زوج حاجات نقولهم لك ،واحد يفرحك و واحد يزعفك.. -ايييه؟ -الاول هو انو في المدة هادي اللي فاتت كي كنت نجي لهنا كنت نتعالج عند وحد الطبيب تاع امراض النساء😶 -احم(حط المغرف) بلا علمي اون+ شكيت كاينة حاجة ....رزان شحال من مرة هدرنا في هاد..... -و الخبر التاني هو ...... -خير واش من قنبلة راح طرطيقيها؟ -احكم روحك -راني واجد -انا حامل حمزة! -منك بالصح -وي عمري😿 رفدني و قاعد يدور بيا و يعيط فرحااااان شحال كنت متمنية هاد اللحضة من زماااان ، كيما قلتلكم حمزة فرح بزاااف و العائلة الكل فرحتلي خاصة امي ،و بعد 9 شهور جبت طفل سميناه "قيس".
THE END OF THE FIRST STORY....
،درت الكرونيك تاع حمزة و رزان و زربت في النهاية تاع الكرونيك الاول باش نبدا الجزء الثاني اللي راح يكونو ابطالو "اولاد حمزة و رزان" و اللي راح تكون البطلة الاساسية هي "هاجر" البنت الصغرى هي اللي راح نركزو على حياتها ...... و طبعا لازملنا الطابع الفكاهي و الطوايش تاع الخاوة باش تحلا الحكاية راح تفهمو كثر بعد ما نحط اول بارت من الجزء 2 .... نلتقي في التكملة تاع "عشقت استاذي" اللي راح تكون تحت اسم "الشرطية و السجين" و دائما من كتابتي و تاليفي مع احداث من قصة مغربية من كتابة JijitaLove اللي نشكرها بزاف كي سمحتلي ناخذ من قصتها و نترجمها للجزائرية .......و في la fin،متنساوش التفاعل بصكو يحفزني MERCI.
الغلاف الجديد راح يكون هادا :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
