امممم خلاصت العطلة و هادا عامي تاع الباك ،ااااه راني خايفة و متحمسة في نفس الوقت...
و احلى صدفة جات هاد العام هي انو نقرا عندو فرونسي ،حمزة كان دائما يعاوني و يقريني حصص اضافية غير ليا 😁 و انا تان حطيت راسي و حبست جياحة وتبهليل و لتهيت بقرايتي هي الصح ،
و الحمدلله جبت الباك تاعي ب15 وقدرت ندخل ادارة اعمال كيما حبيت 😉 و نشد الشركة تاع بابا من بعدو "الاستولاء على العرش هيهيهي" غير هذا مصراتش حاجة مهمة هاد العام و في العطلة le fiançaille تاعنا اووو شحال راني متحمسة و فرحانة و بعد عاجامعة نديرو العرس و نكملي قرايتي عند راجلي 😛 هكا تفاهمنا و برضاية الجميع.
ليلة الle fiançaille:
جات رماس و بنات خالتي عندي باش يونسوني و يعاونوني بصكو معنديش خواتاتي ،الحفلة راح تكون في لاصال بصكو كاين بزاف معروضين مخلينا حتى واحد معرضناهش (تقولي عرس هههه) ،ليل كامل مرقدناش و احنا نقسرو و نضحكو ههههه شحال كنت فرحانة ،لعبنا action vérité بفففف جات فيا مع بنت خالتي نجمة ويااا يما نجمة تقولك روحي اضربي باباك بكف نوورمال يادرى وش رح ديرلي 😣
رماس-جاتك مع نجمة هههههه
سليمة-هيا نونو واش تدير؟؟
رزان-بلعقل عليا نجمة راني عروسة ههههه
نجمة-امممم فكرتيني نتي عروسة .....عيطيلي لحبيب القلب قوليلو منيش قابلة بيك و غدوة نهرب و متنسايش ديري haut parleur 😈
رزان-نجمة هبلتي ؟؟😰
سليمة-هههههههههه نحير منين جيبي هاد الافكار هيا رورو
رزان-رماس متقولي والو؟؟😯
رماس-هيا هيا العروسة الشاطرة هههههه
ما لقيت ماندير مت بالخوف لوكان يزعف و يحسبها صح عيطتلو كانت 2 تاع الصباح 🙁 رن ...رن....رن...ر
ح-الو رزان؟؟
ر-هههه حمزة نوضتك ؟؟كنت راقد؟؟
ح-وش راه مسهرك حتى لهاد الوقت؟؟؟
ر-ههههه مجانيش النعاس.....
قرصتني نجمة باش نهدر 😟
ر-ح...ح....حمزة😣
ح-خير رورو واش كاين؟؟
ر-منيش قابلة نتخطبو و غدوة راح نهرب!!😶
ح-واش راكي تقولي رورو؟؟
ر-كيما سمعت!!
(البنات متمرغين بالضحك😒)
ح-شوفي عمري باينة بلي راكي تخلطي من العيا روحي ارقدي و هادي غدوة نتفاهمو عليها
ر-لالا راني بكل قواي العقلية و منيش قابلة بيك!!
ح-رزان خلي الفيونصاي يجوز امبعد نقعدو كيفكيف و نتفاهمو بيان و كوني متاكدة اللي انا جامي راح نسيف عليك حاجة ،هيا بون نوي ارقدي مليح بش غدوة تنوضي مصحصحة ههههه
ر-بون نوي😀.
نجوى-يا عمري على الرومنسية
هاجر-شفتي لوكان انا خالد(راجلها) يرميني من السطح
رزان-شفتو حصلتوني غدوة وش رح نقولو؟؟
نجمة-هههههههه يخي بهلولة قوليلو كنا نلعبو
فهيمة-يااا بناات مزالكم نايضين ايا امشو كل وحدة لبلاصتها .
هاجر-بون نوي خالتو 😅
ناضت رورو باست يماها و راحت ترقد
اليوم الموعود ههههه:
رماس-نوضي شكارة رقاااد نوضي راح الحال
رزان-خليني نزيد 5 دقايق برك
رم-نوضي اليوم le fiançaille تاعك راح الحال على الحفافة
رز-واشنووووو (هاداوين تفكرت) ياااااا بعدي.....
رم-يخي مهبولة يخي
رحت دوشت لبست و رحت مع رماس و نجوى للحفافة و البنات قعدو مع فهيمة و التحضيرات طبعا هيهيهي 😁.
كملت رزان ماكيات و مشطت رجعت للدار و الزغاريت دايرين حالة تقول عرس ههههه لبست la robe تاعها وقعدت قيس ما تتعمر الصالة و تروح.
لبست هكا:
YOU ARE READING
😍عشقت استاذي😍 👮♀️الشرطية و السجين🕵️♂️
Short Storyساختصر مقدمتي ببعض ابيات من انشودتي المفضلة ،حيث كلماتها تلامس قلبي ،ارجو منكم قراءتها: #أنا #العاشق #لعينيك برب #العشق فارحمني #وخذني بين يديك نبض القلب اسمعني وضمد جرحي الدامي ومني إليك فاخذني وشافي مر علقمك حيث الشؤم يحمل...
