نضت الصباح روطار افففف اول يوم روطار و زعما المدير قدوة للموضفين هههه بدأ الزوخ شربت قوهتي بالزربة مع يما ،وخرجت مع بابا كنت لابس هكا:
Oops! This image does not follow our content guidelines. To continue publishing, please remove it or upload a different image.
كي لحقنا تجمعو كامل الموضفين للترحيب و التعرف على مديرهم الجديد ،بدا يذكرلي بابا الاسموات مع الخدمة تاع كل واحد كنت مركز مليح و نحفظ فيهم ههههه زعما شاطر حتى لحقنا لاخر واحد ،ولا نقولو وحدة اللي هي la secrétaire "روان"كانت مهبطة راسها و مع اللي هي قصيرة تقدر تشوف غير حوايجها 😞 راح بابا لل bureau و بداو يروحو الاخرين حتى ترفد روان راسها مكانش عمبالها بلي مزالني واقف قدامها و تلاقاو عينينا مع بعض و هنا كانت الصدمة🤤 ......روان هي photocopie تاع رزان في كلش الوجه و الجسم ،طريقة اللبس كلللش قلت بالاك بدلت اسمها ،اصلا الاسموات يتشابهو! شديتها من يدها و كركرتها معايا لوحد ال bureau كان فارغ و غلقت الباب و هي بدات تترعد: رو-سمحلي موسيو واش رانا ن نديرو ه هن هنا؟؟ حم-انت رزان ولا روان؟ (بالعياط) رو-ا ان انا روان! رحت دنيت عندها رفدتلها راسها بلعقل و هي مزالها تترعد هههه : حم-نفس العينين و نفس الفم ،نفس الوجه نفس الجسم jamais ننساهم.... شكوووووون نتيييي؟ روان خافت و عينيها تغرغرو بالدموع نحاتلي يدي و هبطت راسها: رو-انا روان ماشي رزان... ممكن تكون شبهتني لهاد المراة موسيو بصح انا راني روان...نقدر نروح درك؟؟ حم-ت تقددري ت تر تروحي😔. راحت و خلاتني نخمم للحضة فرحت ،و عاود ولالي الامل انو رزان رجعت لانو عمري مامنت اللي هي ماتت افففف ضلمت بنت الناس ،درك واش راح تقول عليا....عاود هبطلي المورال لل0..... donc هادي روان ماشي رزان! كيفاش راح نقدر نخدم مع وحدة تشبهللها لهاد الدرجة راني خايف كاش مانديرلها ،جرحي مزال مابراش و عمري ما راح ننسا مرتي! المهم طلعت للبيرو لقيت بابا يستناني و يتبسم: با-علاش طولت؟ حم-انا....حاجة...كنت....(متردد) با-ههههه علابالي علابالي،مام انا في الاول حسبتها رزان حم-ااااه...... با-ربي يكون معاك ياولدي...هيا ارواح نوريلك الخدمة حم-اوكي! ورالي بابا الخدمة و مع اللي انا راسي خفيف في دقيقة فهمت كلش و bien sûr خدمتي تقريبا كامل مع la secrétaire اللي هي روان! منكذبش عليكم حبيتها و كرزان ماشي كروان ،اصبرو نفهمكم يعني كي نشوفها نشوف فيها رزان منشوفهاش روان علابيها حبيتها و خفت نغلط donc دائما نكون معاها sérieux بزاااف و مشنف هههههه وهي كي نعيطلها تبدا تترعد (ترعش) وحدها تخافني مسكينة ههههه بصح مع الوقت بدات توالفني و ماوليت بزاف sérieux يعني تلقتها شوية خليتها تتنفس مسكينة ههههه.
حم-الو مادموازل رزان ارواحي للبيغو رو-روان موسيو....حاضر (يعيطلها رزان بدون قصد و هي تصححلو ) دخلت للبيغو تترعد كالعادة! رو-وي موسيو تفضل حم-جيبيلي الاوراق تاع المنا...... رو-حاضر مو موسيو حم-مكملتش هدرتي! رو-س سم سمحلي موسيو حم-روان علابالك بلي ماناكلش العباد رو-استغفر الله موسيو حم-و ماشي لازم كل ما تقولي حاجة تختميها بموسيو رو-حاضر موسيو حم-روان 😒😒😒 رو-سمحلي patron حم-دورناها patron ههههه رو-ااااه واش من اوراق نجيبلك؟؟ حم-اااه نسيت ...ايه الاوراق تاع اخر مناقصة.... رو-حاضر موس....اه غلطت (حطت يديها على فمها) حم-هههههه معليش...تقدري تروحي هههههه هاد الطفلة شحال تضحكني كل يوم هكا معاها نفس تصرفات رزان العفوية و الطفولية! ااااه واش راني نعاني
♡عند روان♡ نعرفكم بروحي....ااااه معندي منقوللكم بصكو عندي فقدان ذاكرة مؤقت ،الحاجة اللي نعرفها هي اسمي روان و عمري 22 normalement 😶 حتى اهلي و منيش متفكرتهم! عايشة عند خالتي فطيمة اللي داتني معاها بعد ما ماتت بنتها باش نعوضها....و الحق دايرتني كي المرحومة بنتها ،راجلها راهو في الحبس مضلوم مسكين و عندها بنتها وحدة و ولد سامر عمرو 27 زينو مقبول ساكن في وهران و يجي عندنا كل weekend يزور يماه بحكم خدمتو تما ،كي رحت سكنت عند خالتي فطيمة كنت نحوس على خدمة باش منتقلش عليها malgré هي محبتش بصكو لاباس بيها مي مالازمش الواحد يتلق روحو امبعد لقيت خدمة غير هنا في alger دونك وليت نروح عندها في weekend و العطل لتيزي وزو و راح نتخطبو انا و سامر الصيف الجاي بطلب من خالتي بصح انا مانيش حابة و مقدرش نرفض طلب خالتي في نفس الوقت! قبل اسبوع جاء مدير جديد يقولو وليد السي علاء و منعرف ،شحال واعر و sérieux نموووت كي يعطلي نولي نرعش وحدي من الخوف ،بصكو النهار الاول اللي جاء فيه حكمني و كركرني لوحد البيرو و قاعد يقولي نتي رزان بفففف بسيكوبات مختل عقليا حاب يرجعني رزان بالسيف ،باينة ماثرة بزاف في حياتو هاد المراة ...لا علينا يا ودي انا كي غلق الباب تاع البيرو راح بالي بعيييد قلت هادا راح يغتصبني يااااويلي متت بالخوف من هاداك النهار وليت نخافو و كي يعيطلي رجليا يفشلو ههههههه ،بصح واش نقوللكم دااااك الزين اللي عطالو ربي ،يبان شباب عليا ههههه يعني سبحان ربي اللي خلقو! فووور و بزووور ،ايا خلينا من التسوفيج السيد يكون بولادو هههه.
يتبع.......
-_-_-_-_-_-_-_-_-_-_-_-_-_-_- واش رايكم في البارت؟؟ واش هي توقعاتكم للقادم؟؟ متنساوش التفاعل .حبكم😙
