حبسنا كي دخلت رزان للصالون
□□□□□□□□□□□□□□□□□
خذيت نفس عميق و قررت واش ندير....وي لازم ندير هكا ،دمعو عينيا جاز بين عينيا شريط حياتي ،تفكرت بابا و ماما...... رماس اللي راني sur بلي راهي دايرة حالة تفكرت اول مرة شفت حمزة ،الايامات اللي جوزناهم كيفكيف ،نهار دنا ليا هاداك الكلب في الترك 😡.....هادا كامل جاز بين عينيا في دقيقة ،مفقتش لروحي حتى رحت نجري و الدموع يشرشرو عنقت حمزة و هو مازالو مشوكي حتى........
*عند حمزة*
نضنا الصبح بكري وجدنا رواحنا و تلاقينا مع هشام و جماعة الشرطة تفاهمنا على الخطة و رحنا للموقع هاداك ،كي لحقنا دخلت للفيلا حوست بعينيا على رزان بصح ماكاش دخلني للصالون و قاعد يبتزني و يطلق في صماطتو عليا ،مع الاول قاعد مسايسو بصح طلعلي الزبل للراس جاوبتو و قاعدين نتزايدو في الهدرة حتى vraiment تقلق و خرج الكابوس تاعو صوبو عليا هو ما يهموش جايو القتل حاجة عادية اللي قلقك اعطيه برصاصة ....هو جاء راح يطلق حتى نلقا رزان جاية تجري لعندي عنقتني و ياريتها ما جات ،الرصاصة اللي طلقها كريم جات فيها وي جات في العزيزة اللي ضحات بروحها على جالي
حم-رزااااااأاااأاااااان لااااااا
رز-اااااااه ن نح نحبك
وطاحت بين يديا و غمضت عينيها و ماعلابليش اذا غمضتهم للابد ولا نقدر نزيد نخزر فيهم مرة اخرى؟ ،وفي لحضة غضب جبدت الكابوس تاعي و فرغتو في هاداك الكلب ،وي وليت مجرم قتلت عبد ،اااه يا ربي انا انا حمزة قتلتو؟ منيش مامن و في نفس الوقت مانيش نادم! و لوكان نصيب نقتلو 100 مرة ،قاطع حبل تفكيري رسيم و رماس كي دخلو مع هشام و la police بدا هشام يعيط:
هش-حمزة؟؟ نتا قتلتو؟؟ (متفاجئ)
رم-رزاااااان ( حطتها في حجرها) رزااان ياااا يما يااا يما رسييييم عيط للاسعاف 😭😭
رس-شوفي اذا مزال قلبها ينبض؟؟
هش-يااا حمزة واش درت علاش هكا علاش؟؟ علابالك بلي قتلت عبد....يا حمزة علاش خالفت الخطة تاعنا؟؟
جاء ليا بوليسي دارلي les menotes و انا مازالني تحت تاثير الصدمة!
حم-نحي يدك.... رزان رزااان دك ..دك منروحش معاها للسبيطار؟؟
هش-حمزة فهمني علاااش تقتل فيييه؟؟
حم-كييييفاش هادي يقتل مرتي قدام عينيا ،رح نسلم عليه مثلا؟؟
هش-بصح متفاهمناش هكا يا حمزة خلاص طفرت دركا
رس-كيفاش رح يدخل للحبس دركا؟؟
هش-للاسف معندنا منديرو!
جاء الاسعاف و داو رزان directement للكوما قبل حتى منشوفها ،ممكن لاخر مرة في حياتي!
و انا داوني للحبس! المكان اللي جامي توقعت ندخل ليه اليوم راني فيه و راح نقعد عامين! ايييه وي normalement نقعد كتر مي مع المعريفة و مشتقاتها تقدر تشق طريق في البحر ، دخلت للمكان المشؤوم ، وراولي السجناء سريري ،احم منقدروش نقولو على هاديك الحجرة المستطيلة سرير mais معليش ،رحت تكيت عليه و قاعد نخزر في ال plafond اعععع معمر بالحشرات و الخيوط تاع العناكب و الوسسسسسخ داير حالة ،منعرف كيفاه راح نقعد هنا عامين؟ قاعد نخمم في رزان ،زعما راهي مليحة؟ قدرو ينقذوها و لا لا؟؟ مفقتش بالوقت كيفاه جاز حتى جابولنا الفطور ،عفوا "العفن" مفهمتش وشنو هاديك الحاجة في الطبسي؟ المهم حاجة متنبلعش غير حطيت اللقمة الاولة في فمي رحت نجري نتقيا و bien sûr المساجين شابعين عليا ضحك! ايييه هوما موالفين ،بصح انا حمزة *** اللي عايش فالعز و الفشوش اللي بامر تتنفذ كامل طلباتي ،كيفاش حبيتوني نتاقلم هنا؟؟ فهموني واش هادا؟؟ sur راني نحلم ،يا ربي واش راح يجوز هاد العامين؟؟
لحق الليل و ما جاء يلحق....مقدرتش نرقد non seulement راني راقد فوق حجرة و زيد رزان معندي حتى خبر عليها! حبيت نقطع قشي مقدرتش نصبر ،علابالي بلي راح نهبل اذا قعدت هكا ،donc قررت نتوب و هاد المرة توبة نصوح نضت توضيت في نصف الليل كامل كانو راقدين ،و صليت و دعيت ربي و بكيت و تضرعت لربي و سبحت حتى اذن الفجر ،ناضو يصلو لقاوني نايض ،صلينا جماعة و قعدو بعض العناصر راقدين باينين بلي خاطيهم الطريق المستقيم بعد ما كملنا كنت عييت صافي غير حطيت راسي على المخدة رقدت!
يتبع.........
◇◇◇◇◇◇◇◇◇
واش رايكم في البارت؟؟
كيفاش راح تكون حالة رزان؟؟
متنساوش التفاعل .حبكم 😙
YOU ARE READING
😍عشقت استاذي😍 👮♀️الشرطية و السجين🕵️♂️
Short Storyساختصر مقدمتي ببعض ابيات من انشودتي المفضلة ،حيث كلماتها تلامس قلبي ،ارجو منكم قراءتها: #أنا #العاشق #لعينيك برب #العشق فارحمني #وخذني بين يديك نبض القلب اسمعني وضمد جرحي الدامي ومني إليك فاخذني وشافي مر علقمك حيث الشؤم يحمل...
