☆هاجر☆
خلينا من السوجي تاع زواجي اللي يقطع القلب
،نروحو لقرايتي و الباك ...bon الايامات اللي فاتو كنت نقرا و نوجد malgré جا العرس و الشوفة تاع سهام الخ....
باش منطولش عليكم
،نروحو لاخر يوم اللي نجوز فيه:
خدمت مليح من قبل و اليوم اخر يوم ،
وصلني الكلبون كالعادة بلا مزيتو هههه، خرج من الطونوبيل سلم عليا و تمنالي un bon courage و راح :
كنت قاعدة في الساحة تاع الليسي ،
بففف وحد الديقوطاج surtout هاد الايامات راني عاقلة زعما احم منيش ندير مشاكل كيما كنت
،بصح توحشت المشاكل هههه ،انا هكاك قاعدة و نشوف وحد الزرافة جاية عندي تمشي و تتمايل
،و باينة ناوية على كاش مشكل ،جيتي للموت برجليك bb اصلا كنت مديقوتيا ههههه إجاك الموت يا تارك الصلاة، وقفت عند راسي و بدات تمضغ في الشوينقوم و تكيل فيا من الفوق للتحت:هج-غير الخير كاشما تسحقي ولا جيتي تسكاني
...-راني نشوف واش من سلعة راح يبدلني بيها قيس
هج-يا وسمك بركاي متمضغي فوق راسي و بعديني احسن ليك و ليا
...-صافي انت البهلولة اللي راكي باغيا تدي قيس مني
هج-واش شكون قيس اللي راكي تهدري عليه؟
...-مديريش روحك بهلولة شفتكم جيتو كيفكيف الصباح
"اووو صافي المهبولة معلابالهاش بلي خويا! معليش خلي نجوزو بيها الوقت ،كملت اللعب معاها"
هج-ايه جيت معاه و راح نرجع معاه عندك مشكل؟
...-شوف و لسانك طويل يا لالة اسمعيني مليح زوج كلمات ديريهم في بالك مليح "قيس تاعي" انا و وحدي و نزيد نشوفك معاه نوريلك
هج-اوووه خوفتيني و علاش مكتوب على اسمك؟
...-راني قتلك نزيد نشوفك معاه نقطعك
هج-شوفي يا مخلوقة قيس jamais يخزر لوحدة كيما انت je suis sûr... اصلا واش فيك حاجة تعجب بف والو...الوغ غير روحي اخطيني بصكو راني حاكمة يديا بالسيف
...-قيس راجلي انت اللي راهو يلعب بيك
هج-(حكمني الضحك هههه) اااه donc معلابالكش.... انا و قيس مخطوبين و الشهر الجاي عرسنا متخميش نبعتلك invitation نتي الاولة هههه لازم تشرفينا (وريتلها الخاتم تاع خطبتي هههه)
قعدتbouche b رحت و خليتها اااه يا قيس واش يسلكك مني اليوم راك تلعبها من وراء ياسمين المهم راني ليكيديتها 🙂 ،
جوزت اليوم و خدمت مليح هكا حسيت!
حطيت ورقتي و جيت خارجة حتى لعبت عليا الدوخة و طحت ،
داوني للسبيطار انا في هاد الوقت كنت متغاشية donc سهام راح تحكي ...☆سهام☆
رحنا انا و قيس للسبيطار و خرج لينا الطبيب:
طب-نتوما اهل المريضة؟؟
قي-وي خير دوكتور واش بيها؟
طب-لا غير الخير متتقلقوش...مبروك عليكم المدام راهي حامل
سه-whaaaat ؟؟؟؟
طب- mais يكون في علمكم جسمها ضعيف شوية لازملها الراحة و التغذية الجيدة و لازملها الراحة النفسية اي متخلوهاش تتقلق...(راح الطبيب)قعدت و حطيت راسي بين يديا و قيس حكم روحو بصكو علابالو اليوم يقتل وسيم "زوجها اذا نسيتو"
سه-قيس نقولولها؟
قي-كيفاش منقولولهاش راهي يماه؟ نعل ال....
سه-بركا متسب فوق راسي مراح يفيد في والو
قي-اليوم اليوم نقتل هاداك الكلب
سه-امبعد يتربا الطفل يتيم علاجال خالو...هكا؟؟
بركا متخرط برك ...هاه راهم طاو بابا و مامارز-سهام واش كاين واش بيها هاجر؟؟
بعدت ماما شوية على قيس بصكو علابالي اليوم متفراش:
سه-ماما راح نخبطها في وجهك و بلا مقدمات
رز-انطقي برك
سه-هاجر راهي حامل 😟
رز-واااااش؟؟؟
سه-هكا الطبيب قال!
رز-ناري على بنتي واش راح دير كي تسمع
سه-و واش راح يقولو الناس كي يسمعو
رز-يندبو الناس راني خايفة اذا دارت حاجة في روحها
سه-ماما متخوفينيش
رز-و قيس واش قال؟
سه-عندو ساعة و هو يسب عند راسي كان راح يقتل وسيم.
رز-هيا امشي نروحو عند اختك
سه-انت قوليلها انا خاطيني
رز-امشي برك...رحنا عند هاجر لقيناها فطنت و قاعدة تخزر في البلافون شحال غاضتني في ليلة و نهار تقلبت حياتها sûr مراحش تقبل تخلي الطفل ،
رز-هاجر راكي مليحة؟
هج-لالا مزالني شوية ديخانة ...واش قاللكم الطبيب؟
رز-لالا راكي عيانة شوية فورصيتي على روحك قبل الباك هدا ماكان...
هج-ماما متعرفيش تكذبي باين من عينيك😐
رز-لالا مكاين والو ريحي دركا باش نخرجو
خرجنا من الشمبرة تاعها و هنا بدا بابا يعيط:
حم-اليوم نقتلو هاد الكلب موتو على يدي
سه-بابا خلاص هاجر راهي رافدة ولدو متقدر دير والو و حبيت الطفل يتربا يتيم واش بكم؟؟؟حنا مازالنا نهدرو و نسمعو عياط عند هاجر ...اوبسي واقيل سمعتنا 😣
دخلت نجري عندها لقيتها راح تسوطي من التاقة:سه-ااااااااااااااااااا هاجر واش راكي ديري؟؟؟؟
دخلو الكل و راح قيس يجري يبعدها من التاقة رفدها و هي تخبط فيه ،جاء الطبيب دارلها مهدأ حبست
![](https://img.wattpad.com/cover/147109133-288-k352674.jpg)
YOU ARE READING
😍عشقت استاذي😍 👮♀️الشرطية و السجين🕵️♂️
Short Storyساختصر مقدمتي ببعض ابيات من انشودتي المفضلة ،حيث كلماتها تلامس قلبي ،ارجو منكم قراءتها: #أنا #العاشق #لعينيك برب #العشق فارحمني #وخذني بين يديك نبض القلب اسمعني وضمد جرحي الدامي ومني إليك فاخذني وشافي مر علقمك حيث الشؤم يحمل...