جازو 4 ايام فطنت سلمى و تحسنت حالتها ...دارو الجلسة الاولى ...
سمعو الاقوال تاعهم و هو في فمو غير كلمة وحدة
*انا مغتصبتهاش*.... و كيما علابالكم جامي نفوت شي جلسة تاع اغتصاب donc كنت حاضرة
،بقا المحامي تاع سلمى يخلط حتى عيا اما قيصر مدارش محامي😶 يا سبحان الله و بحمده السيد غارق في الدراهم قادر يعطي رشوة و يخرج كي الشعرة من العجين و زيد حتى المحامي مكاش 😵 اففف هاد السيد عمري لا شفت واحد كيفو.....
كملو الاستجواب و دار القاضي عندو
قض-سي قيصر تحب تضيف حاجة؟
قي-انا عمري ما قستها
سكت القاضي شوية امبعد نطق بالحكم:
-احم...نضرا للادلة الموجودة و شهادة الطبيب و كذلك شهادة الانسة فقد قررت المحكمة الآتي:
ان السيد قيصر مهري متهم بجريمة اغتصاب و ضرب و تسبب تشوهات للانسة ...لذا حكمت المحكمة حضوريا على السيد قيصر بالزواج من الانسة سلمى مهري لمدة عامين او السجن 15 سنة.
سلمى-قابلة نتزوج بيه في الاخير هو ولد عمي
قيصر-اسمحلي سيدي القاضي لكن نرفض رفض تام الزواج بسلمى و نفضل السجن ولو كان مؤبد!
كامل تشوكينا surtout انا كيفاش يتحبس 15 و هو قادر يتزوج سلمى و يتهنى ،حنا مزالنا تحت تاثير الصدمة و تطيح سلمى تتغاشى بعدها حكم القاضي بانو الجلسة تاجلت...
دينا سلمى للطبيب المشرف عليها ،دخل فحصها و رجع لعندنا ...
خبرنا انو سلمى حامل في اسبوعها الاول اتصدمت و تفكرت نهار سمعت اني حامل كيفاش حبيت ننتحر شحال من مرة غاضتني بزاااااف و عاهدت نفسي نرجعلها حقها ...
زاد قاللنا الطبيب انو سلمى تعرضت لصدمة خلاتها ترجع للغيبوبة ،يماها قعدت تبكي و تندب و انا طلبت نشوفها ،لقيتها مكسلة و الخيوط لاسقين فيها...
زادت غاضتني و زدت نقمت و كرهت هاداك الحمار (حاشا القاريين هههه) رجعت لل commissariat directement عند قيصر قلت للبوليس يتهلاو فيه عطاوه حتى ولا كلو دم ،ملي كملنا قعد و رفد يديه
"اللهم اني اشكي همي اليك ،لا ملجأ لي من قدرك ..اللهم انصرني على من ضلمني و عاداني و اذاني فهو بيدك و لا ملجأ لي من غيرك"
كنت واقفة شفت فيه و خرجت ...
رجعت للدار تعشيت و خملت شوية و قعدت نتفرج حتى نعست رحت لبلاصتي نرقد حتى صونا تلفوني مع اللي جاوبت سمعت الخبر تصدمت و الدنيا دارت بيا
كان عيطلي بوليسي قالي اللي مريم دارت accident و راهي في السبيطار ...
قلبي تقبض مريم هي صحبتي الوحيدة و لوكان كاش ما يصرالها نموت 😣
رحت بدلت حوايجي بالزربة و خرجت نجري رحت للسبيطار لقيت والدين مريم و خوها تاع فرنسا "ياسين" (هابل عليا من نهار شافني و عرض عليا الزواج plusieurs fois و يخدم بوليسي تان) يماها كانت تبكي دايرة حالة:
هج-خالتي كوثر واش صرا لمريم؟
كو-اهئ اهئ كان عندها شغل و كي جات راجعا للدار تقلبت بيها الطونوبيل و جاتها الضربة في راسها
هج-و وينها درك؟؟
كو-في قاعة العمليات اهئ اهئ اهئ 😭
هج-اهئ اهئ لوكان كاش ما يصرالها نموت
جا ياسين عنقني :اششش متبكيش هي متسحقش اللي يبكي عليها تسحق اللي يدعيلها
هج-معنديش غيرها
يا-حتى هي معندهاش غيرك منعرف واش عاجبها فيك هههههه
هج-هههه والله غير نعتاقلك هئ هئ (نبكي و نضحك)
يا-حتى انا بلا اعتقال راح ندخلك للحبس
هج-بصكو تاع باباك
كوثر-واش متسكتوش حتى عند الطبيب و تضاربو
هج-هو اللي بدا
يا-لا هي اللي بدات
كوثر-خلاص سكتونا
رحنا قعدنا و انا بقيت ندعيلها و نخمم ..دخلت في دوامة افكار خرجني منها ياسين:
يا-مكان لاه تقلقي روحك مريم قوية و راح ترجعلنا
هج-ان شاء الله
يا-هيا ارواحي خرج الطبيب
عمي موسى-دكتور كيفاش راهي بنتي
دك-الضربة جاتها في راسها مي اجتازت مرحلة الخطر و دخلت في غيبوبة
كوثر-دكتور نقدرو نشوفوها؟
دك-وي مي غير من الزجاج
دخلنا شفناها مسكينة كانت تشف مربوطة قاع بالسلوكا
محبيتش نبكي سورتو قدام خالتي كوثر اللي كانت دايرة حالة شوية هكا جاء الطبيب قاللنا نخرجو ...
جيت خارجة حتى تبانلي الشمبرة تاع سلمى قلت بما اني هنا علاش منشوفهاش ...
دخلت للشمبرة لقيتها فارغة اووو حتى حوايجها مكانش ،جيت خارجة لقيت فرملية عيتلها :
هج- ختي الطفلة اللي كانت هنا....
فر-سمحيلي مي هاد الشومبر فارغة!
هج-كانت فيها مريضة اسمها سلمى
فر-لا مدام راكي غالطة
هج-اكي صحيتي
هزيت التلفون عيطت للطبيب تاع سلمى:
هج-الو دكتور سمحلي اذا نوضتك
دك-لالا اصلا راني في السبيطار
هج-ايه مليح ...تقدر تجي راني عند الشومبر تاع سلمى
دك-اه سلمى...خلاص..اه دقيقة دك نجي
جازو شي 10 دقائق مكاين والو ،و انا بديت نتقلق كنت راح نلم العناصر نديرو تفتيش لا يكون السي قيصر كاشما دارلها بصكو الهدوء تاعو معجبنيش ،مع اللي جيت خارجة جاء الطبيب:
طب-اهلا مدموزال سمحيلي كان عندي وحد المريض هاداوين كملت معاه
هج-المريضة سلمى مهري وينها
طب-اه راها في الايطاج الاخير
هج-واش داها تما العناية المركزة لا؟
طب-ايه حالتها راهي مستقرة عليها حولناها
هج-ماشي راهي في غيبوبة؟
طب-ايه في غيبوبة مي حالتها مستقرة
هج-حبيت نشوفها
طب-كيما تحبي تفضلي معايا ....
طلعنا في الاسونسور حتى للايطاج اللي راها فيه و انا نقول اذا ملقيتهاش تم اليوم جنازتو!........
يتبع.....
♡♡♡♡♡♡♡♡♡♡♡
واش رايكم في البارت؟؟
سلمى في الغرفة ولا لا؟
متنساوش التفاعل .حبكم😙
أنت تقرأ
😍عشقت استاذي😍 👮♀️الشرطية و السجين🕵️♂️
Short Storyساختصر مقدمتي ببعض ابيات من انشودتي المفضلة ،حيث كلماتها تلامس قلبي ،ارجو منكم قراءتها: #أنا #العاشق #لعينيك برب #العشق فارحمني #وخذني بين يديك نبض القلب اسمعني وضمد جرحي الدامي ومني إليك فاخذني وشافي مر علقمك حيث الشؤم يحمل...
