بعد اسبوع من رجعتنا عرضنا بابا للعشاء و قالي بلي عندو خبر يقولهولي . -زيزي -وي بيبي؟ -بابا عرضنا للعشاء -امممم -وشنو امممم هيا نوض نروحو -تتمسخري؟ -لالا علاش؟ -راهي ال9 تاع الصباح وهو عرضنا للعشا -بصح توحشتهم! -العشية نروحو متبهدليناش -زيزييييي -نديك للماناج؟؟ -وييييي (سوطيت عليه كي الدراري الصغار ) -هههههههه يخي بيبي يخي -اصبر نخدم شغلي بالزربة ونجي -راكي نشيطة اليوم ههههه -بصكو راني حابة نخرج ! رحت نجري خملت الدار و سيقتها بالزربة و دخلت دوشت و لبست هكا:
Oops! This image does not follow our content guidelines. To continue publishing, please remove it or upload a different image.
رحنا للمناج لعبت لعبت لعبت حتى شبعت هيهيهي و قرقرت كرشي -زيزي -اممممم -خلاصت l'énergie -ههههههه فهمت فهمت امشي كاين restaurant قريب رحت عمرت كرشي bien و زيزي شابع ضحك عليا -وااااش واش تقول عمرك ما شفتني ناكل -عههههههه بصح اليوم بزيادة -اععععع متحشمنيش دك نحبس -علاش ناوية تزيدي ههههههه😂😂 ضربتو ليدو كملنا درنا شوية بالطونوبيل و شرالي زيزي لاكرام 😈 و رحنا لدار بابا كانت ال4 تاع العشية ،قعدت مع ماما قسرنا وياااا شحال توحشتها! حتى جات رماس قعدت معانا : -واش جاية تزاحمي فيا وقيل -ياااا وحد الستوتة جاية و مقلتيليش مزيا طاطا عرضتني -هاد الشي راكم مخططين من ورايا ههههه -ايه ههههه -واش البايرة كاش جديد؟؟ -هههههه justement من اليوم متزيديش تعيطيلي بايرة. -ااااا و شكون اللي رح يتبلا بيك؟؟ -رسييييم جاء هدر مع بابا و تفاهمو بعد 3 ايام الفيونساي اصلا كلش واجد!! -ياااا مبروك عليك بقرة تاعي -واش حبسنا بايرة بدينا بقرة -ههههههه قسرنا حتى شبعنا نحيت كامل هداك الشوق اول مرة نبعد عليهم قاع هاد المدة علابلي بلي مزوجة ولازم بصح مازال ماوالفتش،قبل المغرب راحت رماس و وعدتها نجي لعندها ليلة الفيونصاي كيما هي جات لعندي 😁. لحق وقت العشا رحنا نتعشاو و على الطابلة قاللنا بابا: با-يا ولاد عيطتلكم بش نخبركم....... رز-ايييييه صاح تفكرت وش كنت راح تقوللنا؟؟ حم-هههههه وانت خليتيه يهدر😂😂 فه-انا و باباك خرجنا هاد العام في القرعة تاع الحج😄 رز-يااااا صح؟؟ حم-مبروك عليكم ....وقتاش طيارتكم؟؟ با-الخميس الجاي!! رز-ااااااو وهدا وين تقولي.....خلاص راني زعفت😔 فه-خلاص متزعفيش ملقيناش وقت نقولولكم رز-خلاص يمال نقعد عندكم حتى تروحو حمزة كان ياكل نورمال كي قالت هكا حصلتلو و بدا يسعل رزان قاعدة تخبطلو في ضهرو وهو يسعل فه-باسم الله عليك اولدي هاك الماء حم-اح اح اح اح ......ااااه صحيتي طاطا رز-واش بيك وعلاش حصلتلك؟؟ با-هههههه يا بنتي راكي مزوجة ولازم تقعدي في دارك رز-بصح نتوحشكم حم-هيا حنا نروحو قبل ما تلسق في الكرسي هههههه فه-بالسلامة اسناو نوصلكم للباب با-حمزة بلا منوصيك على رزان والدار في غيابي حم-روح مهني سي سمير!
نهار الفيونساي تاع ريري كان بالاربعاء و غدوة بابا و ماما يروحو للحج تفاهمنا انا و زيزي نروحو لعند رماس امبعد نباتو في دار بابا ،جاز فيونصاي شباب و ريري كانت تهبل هي اصلا شابة و زادت تهلات فيها الحفافة و رسيم تان كان شباب يعني كوبل والمو بعض ،اما انا فكنت لابسة هكا
Oops! This image does not follow our content guidelines. To continue publishing, please remove it or upload a different image.
و كنت دايرة خيماري بصكو ميكست 😑 زيزي كان قاعد قدامي متضحكيش...متشطحيش....متنوضيش بفففف خص غير يقولي متتنفسيش وين نروح يروح معايا لاسق فيا -زيزي معليش تخليني نروح ل la salle de bain !! -وي bien sûr -لالا نروح وحدي متجيش معايا عيب!!😞 -متطوليش ومتهدريش مع الرجال في الطريق -بففففف c'est bon مرقتها 😠 -هههههه نتمسخر برك رحت ل salle de bain سقمت ماكياج تاعي و جزت عند ريري هدرنا شوية لالا بزاف ههههه و زدت رحت ناكل حتى يطفاو الضواوي -بففففف هادو ماجاهم يطفو الضو غير كي نجي ناكل زربت مسحت يديها و جات مولية و تخبط في عبد و كوم هي بينازة جاها حيط ههههه جات راح تبعد و تتقرقب برجلو شدها من يدها و رجعها للور (اتخيلو الرومنسية يااااه) و يجي وجها مع وجه السيد وفي هذه اللحضة رجعو الاضواء و لقاتو رسيم 😶 -سمحلي mais واش راك تدير كي البوطو في وسط الطري........ مكملتش هدرتها و تلقا حمزة موراها عينيه شاعلين بالنار شدها من يدها و كركرها حتى لدار باباها كانت فارغة بصكو كامل معروضين للفيونساي: -اي حمزة وجعتي اححح اتلقني -......... -حمزة اتلقني stp -وش كنتي تديري معاه؟؟ -والو جيت راح نطيح شد....... -بهلول انا؟؟ ااااه خليتك دقيقة درتي غرضك؟؟ يولو الضواوي نلقا مرتي معنقة الراجل....... -حمزززززة!! -واااااش؟؟ -اولا مكنتش معنقاتو كنت راح نطيح شدني !ثانيا منسمحلكش تشكك في شرفي بصكو انا اشرف من الشرف و ثالثا منسمحلك تشدني من يدي و تكركرني كي الكلب تاعك برا ،فهممممت؟ حمزة فاق على روحو من عياطها و علابالو بلي راه غالط بصح دار هكاك في لحضة غضب قعد وحط راسو بين يديه و قال بكل حنية: -رزان ،مقصدش .....علابالك بلي نغير عليك و منحملش كاش واحد يمس مرتي. -حمزة ،دك ماشي كل ما تزعف تبدا تعيط و تهدر برك علابالك بلي الهدرة اللي تقولها تجرحني! -سمحيلي رورو نسيي نشد روحي. -معليش مام انا منقدرش نزعف عليك
ناضت رورو بدلت حوايجها و دخلت للكوزينة دير العشا حتى تحمس حمزة عنقها من اللور -وش راهي تطيبلي الشابة تاعي -اممم شخشوخة كيما تحبها -اممممم نموت عليها -ديجا علاش راك واقف بلا فايدة ارواح عاوني! -انا؟ في الكوزينة jamais ههههه 😂 لبستلو الطابلة -يااااه والله غير واتاتك ههههه -اتمسخري بيا اتمسخري ....وش ندير؟؟ -دير الشلاضة! -كيفاش؟؟ -متسماطش😐 دارو كيفكيف العشا وهوما يتمسخرو و يضحكو حتى دخلو سمير و فهيمة: فه-اممم واشنو هاد الريحة الشابة؟؟ سم-حمزة ؟؟😮 حم-شفت يا عمو واش دارتلي بنتك ؟ههههههه رز-قوليلو ماما بلي واتاتو الطابلية ههههه فه-هيييه يعطيكم الصحة باينة تشهي الماكلة انا نروح نبدل و نجي تعشاو لافامي كامل كيفكيف و سهرو و جاء الوقت اللي يرقدو فيه . *في الصباح* -رورو بيبي هيا نوضي رز-.................. -رورو هيا بش نوصلوهم للمطار -ااااااه نسيت هيا نوض اجري ناضو يتسابقو على التوالات و كالعادة رورو هي اللي تربح ههههه
يتبع......... ●●●●●●●●●●●●● وش رايكم في البارت؟؟ وش رح يصرا بعد ذهابهم؟؟ متنساوش التفاعل .حبكم😙
