😍عشقت استاذي😍 👮‍♀️الشرطية و السجين🕵️‍♂️

البارت 16

فقت هاد الصباح ولا نقوللكم نضت من بلاصتي...بصكو اللي يفيق يكون رقد و انا هاد الليلة معرفتش الرقاد كيفاش داير ...
غسلت و لبست حوايجي الرسمية
هزيت سلة عمرتها ...فروماج ..كرواسون...بيض...شوكولا
مسمن...كاشير...قهوة...عصير...قاتو..
و خرجت لطونوبيلتي الحبيبة ،واش اكيد مراحش ندي هاد الشيئ لمريم ..احم
وصلت للكوميساريا directement عند قيصر 😜

-صباح النور قيصر
-النور اون برسون راه يهدر
-ههههه واش فطرت؟
-لا مزال
-اه بيان شوف جبتلك فطور
-انت عندك انفصام الشخصية ولا واش بيك؟
-علاش؟؟ 😲
-يا ختي مرة تمدي اوامر ميعطونيش ناكل مرة تجيبيلي الماكلة بيدك
-كول و سكتنا متامنش روحك 😅
-هاد المسمن انت درتيه؟
-تحلم
-علاش متقوليليش متعرفيش ديريه؟
-نعرف غير للمراقي و les pâtes و الحاجات الخفيفة
-الله يكون في عون اللي يتزوجك
-غير اتهنا  عمري منتزوج!
-علاش؟
-نكره الرجال
-و انا Barbie ؟
-كول و اسكت
-لالا نهدر صاح مني متحلميش تحبي و تتزوجي و تجيبي ذراري
-هاد الحلم تسلب مني عندو شحال
-باباك كان يضرب ماماك؟
-لا يحبو بعض و الحمد. لله
-يمال عذبك كاش واح.....
-(ضربت في الطابلة) واشنو هاد الاسئلة تحشر روحك في حاجة مدخلكش فيها وشنو هاد الدسارة تاع الزمر...

خرجت من عندو و انا نرعش رجعت للبيغو تاعي و قلبي مقبوض تفكرت نهار خطفني وسيم و نهار سمعت بلي غتاصبني و نهار عرفت بلي حاملة و نهار l'accident جازو عليا كي الفيلم...
بصح علاش تقلت من سؤالو؟ علاش زعفت عليه مدار والو هو كان يسأل عادي؟ علاش عيطت عليه؟
انا اصلا نضل نعيط علاش غير هو اللي خممت كي عيطت عليه...لالا غير كي ضلمتو

خلاص وقت الفطور نديلو يفطر و نطلب سماح 🙁
كملت خدمتي حتى لل12 كومونديت فطور ..
جاز شوية وقت ...و جابولي الفطور رفدتو و رحت عند قيصر لقيتو يصلي سنيتو حتى كمل و جاء قعد قدامي:

-جبتيلي صدقة مليح مليح جابلك ربي في من ديري الخير
-خلاص سمحلي قيصر مجبتلك صدقة ما والو جيت نطلب سماح و نقسرو برك 🤗
-اوكي في العشاء جيبيلي محاجب
-كيفاش؟
-ضربتيني و ضلمتيني و جبتيلي الفطور و سبيتيني درك كاش ما راح ديريلي قتلك واش جيبيلي للعشا باش متحيريش
-راه ماشي بالعاني
-ههههه معليش قتلك انت بالذات منقدرش نزعف عليك
-قولي عمرك دعيت عليا؟
-لالا
-علاش
-بصكو مدرتيلي والو ..كولي درك لازملك عرضة؟

المهم كلينا قسرنا و ضحكنا الحقيقة شخص ضريف و متواضع ماشي كيما كان يبان في الحفلة كامل
ودعتو و رجعت للبيغو ..
كملت شغلي لميت دوزاني و جيت خارجة حتى دخل عندي وحد البوليسي
بو-شاف هادا الدوسيي اللي طلبتي
هج-اه صحا هات نشوفو واش فيه
بو-تفضلي
هج-مرسي تقدر تروح
بو-تحياتي شاف

رفدت الدوسيي و بديت نقرا واش فيه ،اااه عينيا خرجو من بلاصتهم من واش شفت 🤤
كانو فيه معلومات تدمر سلمى نهائيا ،هههه وداك الطبيب خرايبو وحدهم ...
ما مخلي بيع الاعضاء ،اللي يديرلو عملية يطيرلو حاجا ،اللي قتلو و دالو اعضاؤو ،يحقر الفقراء مساكن...
قعدت نقرا في داك الدوسيي حتى تاكدت من كلش
قلت نهبط عند قيصر نشوفو واش نديرو:

-مساء النور قيصر
-اووو الاميرة الجميلة شرفت
-😒😒😒😒
-واش بيك شنفتي
-منحبش المجاملات
-حتى انا راني نقول غير في الحق
-المهم انا جيت نوريلك حاجا
-انا عمبالي جبتيلي ناكل ههههه
-واش وقيل والفتها هههه
-واش فيه الدوسيي؟
-شوف هادا فيه شكايات على داك الطبيب بيع الاعضاء و .... و دائما يفلت منها بصح دك نوريلو ،و هادا تاع سلمى طلبت تقرير كامل عليها و لقيت انو الكونط تاعها و تاع يماها تدخل ليه مبالغ خيالية مستحيل دخلهم شركة وحدها ..معناها راهي تدير صفقات مشبوهة لكن خصني دليل....
-شحال تخلصيني و نعطيك دليل؟
-😲😲😲😲
-واش بيك مخلوعة ؟
-من نيتك؟؟
-لالا من كرشي...هيا واش قلتي؟
-منين  راح نجيبلك هاد الدليل
-حتى انا مطلبت منك ديريلي والو
-افففف واش حبيت مقابل؟
-اولا طيبيلي محاجب من يدك مين نخرج منا و تعرضيني نجي ناكلها عندك..ثانيا نبقاو اصدقاء ..ثالثا تقابليني حتى نبرا..رابعا......
-او او وين ماشي 3 فيهم براكة
-هيا موافقة؟
-مضروب على كرشك امري لله
-انا راح نكلف اللي يجيب معلومات على الصفقات المشبوهة تاعهم
-شحال لازملك وقت
-ملي تجيبي العشا يكونو عندك!
-او وقيل والفت
-هههه الماكلا تاعكم هنا سامطة متتهلاوش في للضياف
-شح فيك المهم انا نروح عندي شغالات
-بنت عمي مازالها دايرا موتا حمارا؟
-راني جايزة نشوف حريرتها لازمها تفطن باش نكملو راني مليت من هاد اللعبة
-اه مسكينة غير انت اللي مشدودة هنايا
-هاه راني رحت هههه
(قيصر بجدية كبيرة اااه كيفاش يتحول من الضحك)
-نوصيك بحاجة بالاكي يفيق شي واحد اللي انت عارفة اللعبة تاعهم ،و ردي بالك على روحك و متكثريش الخرجات ،و اتاكدي من اللوطو قبل ما تركبي راهم يعرفوك .
-اوكي ...باي (ااوو راه خايف عليا هههه 😂)

رجعت للدار بدلت حوايجي و رحت للسبيطار عند مريم :
مر-اه و اخيرا تفكرتي اللي كاين كلبة مرمية هنا ؟
هج-و الله غير الخدمة bb
مر-ايه و البارح واش صرالك هكا؟
(جيت راح نحكيلها امبعد تفكرت قيصر قالي اسكتي)
هج-واحد دخلتو للحبس على سرقا تبعني
مر-ويلي دك نقولو لياسين و اون+ وحدك في الدار
هج-لالا مكلاه مريومة ....مام انا عمبالي هكداك امبعد شفتو دخل عند وحد المريض هنا(اه قريب متت😧)
مر-اووه خلعتيني
هج-وقتاش تخرجي؟
مر-مور غدوة
كملنا قسرنا حتى خلاص وقت ال visite رحت عند داك البرهوش:
-دكتور Bonsoir
-اه بونسواغ مدموزال
-كيفاش راهي سلمى؟
-فطنت الحمد لله
-نقدر نشوفها؟
-لا راهي راقدة
-اوكي غدوة ان شاء الله نشوفها
-اوكي ان شاء الله

رحت للباركينغ ديت طونوبيلتي الحبيبة و في الطريق تفكرت هدرة قيصر و خوفو عليا هههه حتى شدني الضحك العني الشيطان ا هاجر مكاين والو هههه...

يتبع....

☆☆☆☆☆☆☆☆☆☆☆
واش رايكم في البارت؟؟
واش راح يصرا في لافير تاع قيصر؟؟
متنساوش التفاعل .حبكم😙