😍عشقت استاذي😍 👮‍♀️الشرطية و السجين🕵️‍♂️

بارت 11

حبسنا كي كان رسيم يسيي يلقا مكان رزان...

          ●●●●●●●●●●●●●●●●●●●●●●

قلت لكم كان يخلط وانا ماني فاهم في جدها والووو حتى قالي:
رس-ارواح ارواح راني لقيت بلاصتها!
رم-صااااح وقتاش نجيبوها؟؟😀
حم-وين جاية هاد البلاصة؟؟ جامي سمعت بيها!!
رس-هاد البلاصة جاية شوية بعيدة ساعة هكاك بالطونيبيل بصح معروفة بلي غير تاع المافيا ملازمش تروح وحدك!
حم-واش نديرو؟؟
رم-رسيم ماشي هشام (اخ رسيم) بوليسي ،اتفاهم معاه!
رس-هاداك واش كنت راح ندير!!
عيط رسيم لخوه و حكالو كلش و تفاهمو غدوة على ال7 تاع الصبح يخرجو و يروحو لتما .
حم-انا نروح دكا هاديك هيا
رس-واش هاد الهدرة حمزة ،الليلة تبات عندي
رم-ايه اليوم تبات عندنا و غدوة نروحو كامل كيفكيف
(خزرو فيها تاع متروحيش غدوة 😁)
واش وقيل عمبالكم انتم تروحو وانا نقعد نسنا في حضاراتكم؟؟ رجلي على رجلكم غدوة!!
رس-من نيتك؟؟
رم-لا لا من ريتي
حم-علابالك بلي رانا نتعاملو مع اكبر مافيا في dz و هادا خطر كبير عليك رماس
رم- pas question غدوة نجي يعني نجي
خزرو في بعض بحزن وقالو في نفس الوقت
حم و رس-كيما تحبي يا لالة.

*عند رزان*
كنت نائمة في امان الله حتى نحس بيدون ماء تكب عليا بفففف هكا ينوضو الناس؟؟ و ماء بارد مع صبح ربي نضت عين مفتوحة و عين مغمضة نعيط
-يااااا  وحد الكلب هكا ينوضو الناس؟؟
-سقمي هدرتك خيرلك!
-ههههه ضحتني و منيش قادرة...واش راح ديرلي تضربني كيما البارح هههههه
قرب لوجهي و حط صبعو على نيفي
-اليوم طريقة اخرى ماشي كل يوم نسيرجو القديم bb
ضربتو يدو و نحيتها من وجهي
-و واش قادر ديرلي؟؟
-امممم ماشي درك ،ادخلي اغسلي و دك نجيبلك ماكلتك امبعد نتفاهمو.
-ماكلتك تاع الرهج خليها عندك ما عندي ما ندير بيها!
-افففف وقتاش تركحي انت؟؟
-تحلم!!
خرج و خلاني مغزلة نضت غسلت توضيت و قاعدة ندعي ربي يفرج عليا حتى يدخل كريم و بسمة خبث على وجهو
-كيفاش راهي ضيفتنا؟؟
-هات من الاخر!
-افففف شحال مزروبة
دنا لعندي و شد خيماري🤤
-نحي يدك😡
-واذا منحيتش؟؟
-تشوف واش نديرلك
-هههههه ضحكتيني....امممم يادرا واش راه مخبي مور هاد الخيمار؟
-بالاك تسيي!
-اوكي!
و في لحضة غفلة جبد الخيمار و هبط شعري الطويل على كتافي و هداك الكلب بدا يصفر
-وااااو هادا قاع مخبياتو مور الخيمار
بلا ما نفيق عطيتو بكف و عاودت درت خيماري بالزربة
-اممممم عرفت نقطة ضعفك ....من اليوم نقدرو نتفاهمو!
-اخر تحذير ليك بالاك تزيد تمس خيماري...والله غير ندفنك في بلاصتك بلا رحمة
-ههههه متتقل.......
قبل ما يكمل هدرتو سمعنا خبيط في الباب خرج هاداك اللي ما يتسماش و غلق عليا الباب بففف منقدرش نهرب امممم درك يكون مشغول بضيافو واش ندير....واش ندير؟؟ ااااه لقيتها ،نضت طبطبت في الباب و قاعدة نطبطب حتى فتحولي هادوك الزوج حيوط تاع كريم واحد فيهم ضربتو طيحتو كي دنا ليا صاحبو جبدت فرشيطة و غرستها في يدو (كي حطولي الماكلة ديت الفرشيطة و خبيتها عندي😏) و رحت نجري نخرج من باب نلقا باب افففف بزاف كبيرة الفيلا اووو واقيل تبحرت رحت نطل من وحد البالكون لقيتو يطل على الجنان و لابوليس عند الباب واااااو فرصتي ،تعنكشت في التاقة و بديت نسوطي كي الشادي من تاقة لتاقة حتى لحقت للاخر تاقة اممم شوية بعيدة على الارض.....معليش ،غمضت عينيا و سوطيت اااااااااه...... oh my god عضامي تكسرو اااا يما مقدرتش نوض....و بعد محاولات عديدة قدرت نوض كي جيت راح نخرج درت للباب تاع الدار لقيتو مفتوح ،معلاباليش واش خذاني حتى دخلت درت يمين و يسار😁 اووووهااا هذا ماشي حمزة؟؟ والله غير هو راهو واقف مع كريم ،داااك الكلب راهو يهدد فيه دك نوريلك جيت راح ندخل للصالون (كانو تما) حتى نشوف في كريم يصوب المسدس لحمزة😣 كان باين مقلق و عينيه حممممر و عروقو راح يطرطقو ....معرفتش واش ندير؟؟ كيفاش هاد الكلب فوق ما خطفني و هددني و نحالي خيماري فزق هاد الشي راح يقتل راجلي قدام عينيا؟ اواااه مكاش منها..
خذيت نفس عميق و قررت واش ندير !

يتبع....

________________________
واش رايكم في البارت؟؟
واش راح تدير رزان؟؟
متنساوش التفاعل .حبكم😙