😍عشقت استاذي😍 👮‍♀️الشرطية و السجين🕵️‍♂️

بارت ما قبل الاخير

جازو يامات و انا منهارة ، donc قررنا نروحو للندن عند رماس،منها نبدل جو و منها نشوفها يااااا شحال توحشتها .
رحنا par bateau هههههه :
-هيا رزان اركبي!
-لالا jamais .... عمبالي رانا رايحين بالطيارة
-كيف كيف
-حمزة نسيت اخر مرة ركبنا فال bateau واش صرا؟
-ههههههه راكي على هاديك يخي مهبولة يخي ياك هاد المرة ماشي انا اللي نسوق
-بالنسبة ليا la même chose المهم راح نروح في عرض البحر!
-هههههه دك نشوفو
و اوووب رفدني كي الشكارة تاع السميد رالنا السمير الناس gاع يخزرو و انا نخبط فيه حتى عييت
-اععععع هبطني منركبش هبطني
-منهبطش😈
-اععععع دك نتقيا حطني على الارض
-هاه راني هبطتك
-افففف متعرفش ترفد مليح ،رفدتني كي الشكارة يخي حمزة يخي(شنفت زعما)
-يا عمري شحال تعجبني مرتي كي دير شنوفة(قرصلي خدودي)
-اعععع متديرليش هكا نحس روحي بيبي
-علاه نتي كبيرة؟؟
-نعم؟؟
-تصرفاتك تاع بيبي!
-بففففف يخي صامط!
جوزنا يامات في البحر هباااال غير الضحك و التمسخير و الجياحة نسيت شوية قبل ما نلحق هههههه

كي لحقنا ،ستنينا و سنينا و سنينا باش نخرجو الطونوبيل من ال garage تاع الباخرة 😋
و تجولنا شوية في شوارع لندن 😜 اصبرو نصحح تبحرنا شوية في شوارع لندن ههههه ،في DZ عطاتني يمات رماس l'adresse و قلتلها تخليهالها surprise ،بفففف خلاص اني بديت نعيا و حنا ملقيناش هاديك الحومة اللي تسكن فيها😞 .....و بعد عناء طويييييل لقينا الدار سونيت في لا صونات ،سمعت واحد جاي يجري يفتح الباب ،امبعد خرجت طفل صغييير photocopie تاع رسيم ...انا مزالني نخزر فيه شحال حلو و نسمع رماس تعيط من البعيد و جاية :
رم-يا راس الشحم شحال من مرة قتلك متفتحش الباب نهار يخطفوك امبعد.......
كي لحقت و شافتنا تشوكات حطت يديها على فمها :
رز-واش رماس متوحشتينيش
رم-حمزة هادي رزان؟؟؟؟
حم-ههههه وي رزان!
سوطات عليا عنقتني و بدات تنوح:
رز-يا البهلولة و البكى علاه ههههه
رم-توحشتك كلبة تاعي (مسحت دموعها)هيا جوزو متقعدوش برا
...-ماما شكون هادو؟
رم-نتا امبعد نقول لباباك على هاد الباب اللي تضل تفتحها
...-سمحيلي ماما سمحيلي
رم-ايييه دائما تطلب السماح و تعاود
رز-(هبطت عندو بستو) واش اسمو هاد الشباب؟
رم-هادا شباب هادا؟ هادا بوخنونة كي باباه اااااه يا رزان يا ختي هبلوني هو و اختو!
رز-اااو و عندو اختو تانيك؟
رم-ايه هادا رحيم عمرو 3 سنين و اختو شيرين عمرها عام
رز-ربي يحفضهملك
رم-اقعدي علاش راكي واقفة دوك نجي
قعدنا انا و حمزة l'appartement تاعهم واسعة و متحوفة ،حمزة حط رحيم في حجرو و قاعد يلعب معاه كان فرحان و عينيه يبرقو ،ااااه زدت تغميت ..انا منقدرش نجيبلو طفل يلعب معاه و يزهيلنا الدار ،قاطعتلي رماس حبل افكاري كي جابت السنيوة تاع ال jus ،فرغتلنا و قعدنا قسرنا شوية :
رم-ايييه احكولي درك طروشتوني ،ماشي رزان ماتت؟
رز-هههههه انا قطة ب7 ارواح
رم-ههههه و الله غير مادابينا
حم-صرات غلطة في السبيطار و سلمونا جثة تاع مراة اخرى و رزان فقدت الذاكرة.....
رز-و عاودنا تلاقينا و حبينا بعض من جديد ههههه imagine ....امبعد كي ولاتلي الذاكرة عرفت بلي انا رزان هههههه
رم-ههههه الحمد لله على السلامة ،لوكان حكاولي نقول فيلم هندو
رز-اتمسخري بيا....و نتي كيفاش راكي مع دارك؟؟
رم-اااااه و الله غير هبلوني رحيم و شيرين دايرين حااالة
حم-بصح دركا كان عاقل رحيم
رم-ايييه كي راهي راقدة ختو و شافكم عقل فجاة هههه
حم-مكاشو رسيم؟؟
رم-راهي ال4 ايه دك شوية و يجي
هكداك و نسمعو الباب يتفتح،
رم-هاه راهو جاء
ناض رحيم يجري للباب و سوطا على رسيم
رح-hiii dadyyyy (مرحبا ابي)
(رسيم رفدو)
رس-ohhh hello son ,how are you(اهلا ابني كيف حالك)
رم-شحال من مرة قتلكم متهدروش بالاونجلي!
رح-dady we have guests(ابي عندنا ضيوف)
رس-oh really who are them(اوه حقا من هم)
رح-i don't now(لا اعلم)
جاء رسيم رافد رحيم😂 للصالون يشوف شكون ،شافنا تسمر في بلاستو و قعد bouche B نضل كامل نضحكو:
حم-اهلا شريك(ناض خمس معاه)
رس-اه اهلا!
رم-شفت bb شكون جاء
رس-فهموني بصكو  vraiment مخي تبلوكا!
فهمنا السي رسيم و قعدنا كامل نقسرو و نضحكو :
رم-انا نوض ندير العشاء!
رز-نجي نعاونك!
رم-لالا اقعدي تريحي
رز-معليش خلي نجي
رحنا للكوزينة درنا شخشوخة 😂😂 هههههه نو هاد المرة بصكو رماس حبت كنت نوجد في الطابلة ،و نقسرو طبعا عندنا ما حكينا في جميع المواضيع هههه حتى سقساتني:
-واش رزان مكيش ناوية تهزي بالكرش و لا راكي تتفشي ههههه؟
هي قالت هكاك و يطيح الطبسي من يدي ،و بديت نبكي جاتني هستيريا جات عندي تجري تسيي تسكت فيا مفهمتش واش صرالي و انا محبيت نسكت ،كي سمعونا الرجال جاو رماس و رسيم حايرين فيا اما حمزة فهم واش بيا ،من نهار عرفت بلي انا "عقيمة" و هي تجيني هستيريا تاع بكاء جاء لعندي رفدني من الارض و داني للصالون غلق الباب و قعد قدامي:
-شحال من مرة قتلك متبكيش و متتقلقيش و علابالك بلي jamais نخليك ،و مانيش حاب لا ذراري لا والو المهم تكوني معايا... يا رزان استغفري مولاك راهو قضاء و قدر و منقدروش نعترضو حكمة ربي ،.....خلاص دك اسكتي .
مسحلي دموعي و سكتني كيما كل مرة ،رحت انا نغسل و هو فهمهم واش كاين ،تشوكاااو 😵 عمرهم لا توقعو نكون ..... المهم كنت في السال دو بان حتى جات شيرين هاداوين ناضت ...تمشي و تتكسل شحال حلوة دخلت لعندي شافتني جات تجري عندي عنقتني كلي عندها زماااان تعرفني ،اواه هاد الطفلة مزال مفطنت و عمبالها انا رماس ههههه ،بعدت عليا شوية ،كي شافت وجهي هربت و بدات تعيط ههههه قلتلكم مزال مفطنتش ،كي رجعت للكوزينة لقيت رماس رافدتها و تحط العشاء ،كي شافتني جيت حطت شيرين و جات لعندي:
-سمحيلي رزان و الله مكان عمبال....
-معليش رماس و انا راح نزعف عليك؟ اصلا من نهار عرفت هادي هي حالتي!
-كنت نخمم مقبيل ...ارواحي اقعدي نحكيلك
-هيا ...
-تفكرت وحدة من معارفي هنا في لندن ،هي تاني كانت متجيبش ذراري ،الطبيب اللي تروحلو يقوللها معندي ما نديرلك و حالتك مستعصية و منعرف واش امبعد راحت عند وحد الطبيب يا رزان مفاتش عام حتى هزت بالكرش ،و مكاش اللي داوا عندو و مبراش سبحان الله ،يعني راني نقول لوكان نروحو عندو.......
-لالا رماس منقدرش و مام حمزة ميخلينيش
-وعلاش واش خسرتي؟
-اون + مانيش عايشة هنا منقدرش نداوي عندو
-قولي لحمزة نروح عند رماس و ارواحي تداوي كل 4 شهور سمانة و نعار يسمع بيك حامل تشوفي!
-منيش حابة نبني امال على والو
-سيي راني قتلك معندك ما خسرتي
-نخمم و نشوف
-كيما تحبي
عيطنا للرجال يتعشاو:
رس-امممم واش درتولنا عشاء؟
رز-شخشوخة ههههه
حم-يا حييي راح نكرها هاد الشخشوخة ههههه
رم-علاش ؟؟
حم-من نهار تزوجت و سمعت رزان بلي نحبها و هي ديرلي فيها هههه
رز-هكا ؟..حق الخير يا حمزة افندي(سلم عليا من راسي)
حم-يعطيها الصحة مرتي العزيزة

يتبع.....

◇◇◇◇◇◇◇◇◇◇◇
واش رايكم في البارت؟؟
واش توقعاتكم؟؟
متنساوش التفاعل .حبكم😙