مين جيت راجعة لقيتو يهدر في التلفون: ايه علابالي راني هاملك هاد الايام..........اه ايه راني مليح ......كيما تحبي نجي عندك نخرجك و ندورو حتى تشبعي.....اوكي يا لالة ما يكون غير خاطرك.......اتهلاي في روحك.......آمين بالسلامة.
تزيرت حسيت السخانة طلعتلي للراس ..زعما تكون حبيبتو؟ اكيد هادي كاش وحدة تكون في حياتو واحد كيما هو البنات دايرين بيه كي الذبان رجعت للحمام غسلت وجهي و رحت عندو: -المهم فرصة سعيدة تشرفت بيك نشكرك على كلشي و بالسلامة.. -والله ما كان علابالي 😨😨😨 -واش معلابالكش؟ -باللي داري مسكونة -كيفاش 😦 -رحتي للحمام تضحكي رجعتي عاقدة حواجبك و تقولي فرصة سعيدة واش من سعيدة واش من قدور راه خاصك العصا انت دركا ماشي مسكونة -لالا راه عندي شغالات -و الشغل تفكرتيه كي دخلتي للحمام ...اه ولا يكون lavabo تاعك مسخ ..خلاص اقعدي و غدوة نبعث شي خدامة تغسلهولك -(جاني الضحك) لالا راني غي عيانة شوية -الشنابر راه عطاهم ربي روحي ريحي و انا نبدل و نجي
خلاني و طلع ،و انا قاعدة نخمم ... زعما يكون يحبها و كي يحبها علاش يخونها معايا؟ ا ويلي علاش واش درنا انا وياه و واش كاين بينا باش يخونها معايا ؟ خلاص ندير روحي ما سمعت ما شفت حتى نتاكد.... كملت من مجلس المستشارين في راسي .. جاء قيصر كان لابس لبسة تاع الدار 😍 اصلا اللي يلبسو يواتيه ...
دخلت للكوزينة وجدولي الخدامات الدوزان و لبست الطابلية 😂😂 و بديت نخلط : قي-استغفر الله انا راجل و منخلطش كيفك هج-هههه غير وجد l'ambulance تديك للسبيطار قي-حبيت برك نعرف اذا العجينة قتلت لك باباك هج-لالا هههه قي-راكي تضاربي معاها يا بنتي هههه هج-فيك غير الهدرة ارواح وريلنا حنة يديك قي-بعدي تشوفي هج-هههههه راك تلعب معاها مش تعجنها قي-نلعب خير ما نضرب ههههه هج-هات نصف من العجينة و كل واحد يطيب تاعو قي-اوكي هاكي...هادي ماشي ريحة حريق هج-اااااا la sauce tomate تحرقت 😝😝 قي-صحيتي.... وجدي وحدة جديدة هج-ديرها انت
بقينا نضاربو بالفرينة و نضحكو و في الاخير خرجت تاعي هكا 😂
Oops! This image does not follow our content guidelines. To continue publishing, please remove it or upload a different image.
