رجعت للدار رقدت حتى للصبح من العيا متعشيتش même pas ،لبست بالزربة و رحت مديقوتي للخدمة بالسيف بصكو الخدمة تاع الخميس مخدمتهاش ايييه انتما نسيتوها يااااك! بفففف ديك الصماطة بلا روان هي اللي كانت مزهية الحالة و اليوم مجاتش .....لازم و في اقرب وقت نعترفلها بحبي 😳 و نتزوجو ....اه اه افريني تشو واش تتزوج و رزاااان؟ اممم ربي يرحمها ،بصح هي كانت تقولي بعد ما نموت اتزوج متقعدش بلا مراة ،اوكي ديسيديت نروح نخطب روان!
♡عند روان♡ جوزت ويكاند فوووور مع حمزة ،حبيتو و من كل قلبي و معلاباليش كشغل يجيني احساس كلي نعرفو عندي شحاااال ، bref ،جوزت نهار عادي في الدار كالعادة و كي كنت نكونيتي بعتلي حمزة مساج جاوبتو و قعدنا نقسرو ....و حسيت بلي عندو حاجة يقولهالي : -حمزة.... -وي رورو؟ -ماراك حاب تقولي والو؟؟ -ههههه انا؟؟ -لالا انا -وي كاين! -ايييه .... -شوفي بلا مقدمات و بلا سيناريوهات بصكو انا خاطيني ندخلك في الموضوع مباشرة -تفضل - أعترف أنكِ دخلتي قلبي من دون استئذان ومن دون سابق معرفة .. لقد كانت كلماتك بمثابة الدواء لكل جروحي وآلامي .. فـأنتي التي زرعتي الأمل في نفسي وأوقد شموع الفرح في قلبي بعد أن أطفأتها الأيام .. فهل تسمحي لي بأن أحبك وأقول لك جهرا أنك حبيبتي؟!.. -واااااو وليت تشعر يااااه 😁 -راني سريو روان -أعشقك و فوق العشق.. أهيم بك و فوق الهيام.. لا أرضى غيرك حبا فما قولك في إحساسي يا من بحبه أُعطر أنفاسي؟ ما قولك بحبي الكبير لك؟ و عندي اعتراف آخر يا أمير عشاقي! فسحر عيناك سر أشواقي! فأنا أهيم بتلك العينين! و أذوب بين همس الشفتين! -روان راكي صاح منك؟؟ -وي bb -ااااه شحال ستنيت هاد اللحضة ...لوكان جيتي قدامي تشوفي واش نديرلك -اووووه مزية منيش قدامك ههههه -شوفي روان راني مزروب السمانة الجاية نجي نخطبك و بعد شهر العرس. اوكي؟ -واش واش ؟؟ افريني تشو -روان اقبلي بليز مكلاه نعطلو -اوكي باي -باي.
المهم بلا ما نطولو هدرت روان مع خالتي فطيمة و دارو الخطبة عندها و الكل كانو فرحانين و بلا بلا..... نروحو لنهار العرس 😁:
نضت الصباح بالسيف كنت عيانة عندي ما جريت و انا نوجد التروسو ،منكذبش عليكم كنت حزينة ،اليوم عرسي و معندي لا ام تزغرتلي لا اخت تفرحلي ،لا وااالو كان السكاااات في داري من غير زغاريت خالتي فطيمة! غير هي و سارة اللي كانو معايا رحنا انا و سارة للحفاف ماكييت و لبست la robe blanche تما كنت هكا بصكو العرس ميكست
Oops! This image does not follow our content guidelines. To continue publishing, please remove it or upload a different image.
تصدرت و شطحت و تمهبلت حتى شبعت الغنية اللي تجي نشطح علينا و الناس حالين فامهم واش واش عرسي نزها فيه كيما نحب لازم نبروفيتي مراحش نعاود نتزوج هههههه ،كي لحق وقت العشاء حكمت طابلة و جبت الذراري الصغار هههه و قعدت ناكل و نوكللهم يااا شحال حلوين و الناس طبعا يتغامزو و يهدرو خليني منهم يهدرو واش يحبو مراحليش فيهم كي كملت رحت غسلت و لبست لاغوب بلونش مرة ثانية و شطحت مع راجلي العزيز البوقوص 😋 و موتو يا الغيارين هههه . و تزوجنا و الحمد لله هههه شرا حمزة دار جديدة سكنا فيها بصكو مقدرش يدخل دار رزان معايا 😶 نورمال نعذرو ، j'ai insisté نروحو شهر عسل للترك معلاباليش علاش برك حبيت نشوفها و حمزة بالسيف باش قبل😥. رحنا للترك بزاااف شابة ،و مام الاوتال معندي ما نقول ،قالي حمزة بلي جاء هو و رزان لهاد الاوتال و داني لنفس البلايص اللي راحولهم ،شريت بزاااف حوايج هيهيهي افلس زوجي العزيز وحد النهار كنا نمشو حتى نفتحو les lacets تاعي ، -حمزة استنا نربط صباطي -اه روان خلينا نروحو منا -علاش نحبسو عند هاد الشجرة نربط و نكملو -روان s'il te plaît surtout pas هاد الشجرة! -حمزة واش بيك؟ -خلاص والو ازربي اربطيهم هبطت باش نربطهم ما فهمت والو حتى نحس بالم فضيع في راسي ،وكشغل يجوني عباد عياط هكا كشغل فيلم في راسي وقفت ديخانة كي شافني حمزة هكاك ربطلي هو -واش بيك روان؟؟ -راسي راح يطرطق اااه -نولو للاوتال؟؟ -لالا معليش دك يحبس -كيما تحبي -حمزة نسقسيك حاجة بصح تجاوبني! -وشنو؟ -واش صرا عند هاد الشجرة وعلاش تقلقت كي حبسنا -روان خلينا من هاد السوجي -حمزة بليييز -هنا كانت تسناني رزان بعد ما كملنا الصلاة و كي رجعت لقيت كريم يتبلا فيها كي عطيتو طريحة هنا.... (سكت و هبط راسو) كل ما كان يهدر حمزة راسي كان يزيد يوجع حتى مقدرتش رجعنا للاوتال و كلش استمر عادي.
يتبع.......
++++++++++++++++++ واش رايكم في البارت؟؟ واش هي توقعاتكم للقادم؟؟ متنساوش التفاعل .حبكم😙
