😍عشقت استاذي😍 👮‍♀️الشرطية و السجين🕵️‍♂️

بارت 22

رز-م م ما ....حمزة اقرصني تشو
حمزة قرصني ااااح حتى عيطت
رز-ياااو وجعتني
حم-انت قلتيلي هههه
رز-بصح انا قلتها كنوع من انواع التمسخير ياحمزة افندي
.....-هههههه مزالك مهبولة كيما كنتي!
حم-لالا زادت ههههه
تغرغرو عينيا بالدموع نقوللكم شكون جاء ،معليش نقوللكم بصح متتخلعوش....جاو بابا و ماما اللي جامي تخيلت يرجعو بعد ما طاحو في البحر ....،فقت من الصدمة و عنقت ماما و بديت نبكي و الخناين يطايرو و حالتي حالة
حم-مراكيش ناوية تخليهم يدخلو؟؟
رز-اااه مفقتش لروحي هههههه جوزو
راحو قعدو قاع في الصالون فرحانين ،و علامات التعجب و الاستفهام على ريسانهم هههه
رز-اييه مقلتولناش كيفاش حتى سلكتو؟؟
با-ايييه حكايتنا طويييلة
حم-خليهم يريحو امبعد يحكولنا
ما-معليش معليش نحكيلكم ،قبل عامين تقريبا كي طاحت الطيارة كانت قريبة للجزائر و غير حنا الزوج اللي سلكنا بقدرة ربي ،غرقنا انا و باباك و كي فطنا لقينا  رواحنا في السبيطار apparemment لقانا وحد الراجل طيب على شط البحر دانا للسبيطار ....قعدنا شهوور و احنا مراض و هاداك الراجل مخلاناش نروحو حتى هزينا صحتنا ،امبعد بدينا نحوسو عليكم ،سمعنا بلي رزان ماتت ايماجينيو هههه و كي زدتو بدلتو سكنة زاد صعب علينا باش نلقاوكم ،والحمد.لله جينا لهنا اليوم و لقيناكم هههههه.
با-وي سوفرينا باش لقيناكم مي الحمد لله على كل حال
حم-اووووه انا راني روطار نخليكم نتلاقاو العشية
راح حمزة و ودعاتو رورو و رجعت عند والديها
ما-ااااو حمزة يقري في رمضان؟؟
رز-لالا راهو يخدم في الشركة تاع بابا علاء
ما-اااه كيفاش حتى؟؟
رز-اييييه قصة طويييييلة لوكان نحكيلك واش صرا في هاد ال3 سنين يا يما ،متامنيش
ما-احكيلي!
رز-(حكاتلهم كلش من الاول بال ب و ت)
با-يا بنتي هدا الشيئ الكل صرا في غيابنا
رز- et oui!
ما-ايييه وين راهي رماس؟
رز-رماس كيما قتلك تزوجت و راجلها جاتو خدمة في  l'Angleterre و هي مسكينة كانت حالتها حالة بعد موتي هههه صافي قررو يعيشو تم!
ما-اييييه ربي يهنيها
رز-امين..... هيا نفرزلكم شمبرة تباتو فيها
با-هيا
ما-انا نقعد معاك !
رز-كيما تحبو
ريحو بابا و يما شوية و انا عرضت عجوزتي و شيخي للفطور و تان باش نديرلهم surprise ههههه عاونتني يما ندير الفطور و زاد جاء حمزة العشية محمل بالساشيات واش من شاربات واش من فلون واش من قلب اللوز واش من فواكه ما خلا ماجاب قتلو بلي والديه راهم جايين فرح مسكين ،راح قعد مع بابا يتفرجو ماتش و انا فرزت الكوزينة ،ماما وجدتلي الطابلة و كي كملنا رحنا غسلنا و بدلنا وقعدنا حتى جاو يما زينب و بابا علاء دخلو للصالون لقاو بابا و ماما تما اوووه تشوكاو بالمقلوب هيهيهيهي😁
زين-اه فهيمة؟؟
فه-هههههه ايه فهيمة ارواحي ارواحي
سلمو على بعض و قعدو
علا-ايه فهمونا دركا ههههه
سم-(حكالو🙃) هادي هي!
حم-وعندنا خبر اخر ليكم
زين-غير الخير؟
حم-روان رجعتلها الذاكرة!
زين-ايييه بالباركة عليك
رز-انا رزان مش روان!
زينب و علاء bouche b 🤤
و حكاولهم تاني 😐....
دارولهم surprise هيهيهي و زادو حكاو لخالة رزان بلا بلا و رجعو فهيمة و سمير يعيشو في دارهم......

*بعد عام:
-يا يما علابالك بداو يتهامسو الناس
-علاش؟؟
-عندي قريب عامين زواج و مجبتش ذراري و علابلك بلي الفارماسيان حفضني كل شهر نروح نشري تاست من عندو!
-نديك عند لالة خيرة تدلكك.....
-ماما خلينا يرحم باباك هيك خيرة ادا دلكتني يخرجو مصارني!
-امالا نروحو عند طبيبة
-ايه هكا صح
-العشية نروحو عند مادام سليمة يقولو عليها مليحة
-اوكي!

العشية رحنا عند هاد الطبيبة ...فحصتني و هنا كانت صدمة حياتي!
طب-مدام انت متقدريش تجيبي ذراري اي "عقيمة" بصح باذن الله مع العلاج ممكن تبراي
رز-اه ان انا؟؟
طب-وي مدام و منكذبش عليك ،يقدر العلاج ميفيدكش يعني c'est pas sûr.
فه-يعطيك الصحة دكتورة.....رزان بنتي امشي نروحو

شدتني ماما و انا رجليا مانيش قادرة نرفدهم كركرتني يما للدار و غلقت على روحي في الشمبرة
،من اللي كنت صغيرة و انا نحلم بالنهار اللي تكبر فيه كرشي و يكون داخلي كائن صغير يشبهلي و لا يشبه باباه ،نحطو في صدري و نحن عليه يكبر بين عينيا و يدخل يقرا وانا نقريه ،يجيب الباك تاعو avec mention و انا نزغرت عليه ،يتخرج و نديرلو حفل كبييير ،يتزوج و نفرح بيه ،يجيب ولاد و يعيطولي ماني!
هاد الاحلام الكل تلاشاو بكلمة من الطبيبة و vraiment تحطمت، عيطت... خبطت.... كسرت.... و بكييييت و يما مسكينة محروقة عليا عند الباب و تحلل فيا نفتحو..... منيش حابة نشوف حتى واحد ،و ماراني حابة نهدر مع حتى واحد الحاجة الوحيدة اللي حبيت بيبي يكون تاعي و نحطو في حضني....هادا ماكان!
كي هدأت شوية طحت على ركايبي وقعدت نبكي دم الارض تشمخت ولات بركة دموع، شعري طلع في السماء و عينيا تنفخو ولاو حمووووورة وليت نخلع ، معلاباليش شحال جاز عليا وقت وانا في هاديك الحالة حسيت روحي يبست في هاديك la position بصح غير دموعي اللي منشفوش....جاء حمزة وقاعد يطبطب في الباب و يعيطلي بفففف sûr قاتلو ماما ،دك يتزوج عليا؟ ولا يقعد مع وحدة "عاقر"....كي شافني محبيتش نحل الباب ولا كسرو و دخل جاء يجري عندي وقفني و عنقني ،زدت قويت في البكا و زيرت عليه ،كلي راح يهرب شحال كنت محتاجة حضنو!
-اشششش خلاص متبكيش
-حمزة مراحش نقدر نجيبلك ولد كيما كنا نحلمو😭😭
-معندي ما ندير بالطفل المهم انت تكوني معايا!
-متكذبش على روحك مكاش راجل ميحبش يولي اب
-خلاص اغلقي هاد السوجي
طبعتو و بديت نعيط
-كيفاش نغلق هاد السوجي كيييييييفاش ؟؟ كيفاش حبيتني ننسا بلي انا منقدرش نجيب طفل و نفرحك؟
كيفاش حبيتني ننسا بلي هاد الدار راح تقعد هكا ساكتة بلا روح وبلا ملايكة يجري و يضحك فيها؟ اهئ اهئ كيفاااااش كيفاش؟؟؟؟
عاودت طحت على ركايبي هاد المرة ماشي باش نبكي هاد المرة بصكو رجليا مقدروش يرفدوني هبط حمزة لعندي و عنقني و قعد يمسحلي على شعري و يسكتني حتى رقدت و حطني على السرير.

يتبع.......

¤¤¤¤¤¤¤¤¤¤¤¤¤¤¤¤¤
واش رايكم في البارت؟؟
واش راح يكون مصير رزان؟؟
متنساوش التفاعل .حبكم😙