😍عشقت استاذي😍 👮‍♀️الشرطية و السجين🕵️‍♂️

بارت 13

*عند رماس*
انا راح نهدر هنا بصفتي مش غير صديقة لرزان ،لانو علاقتنا علاقة اخوة و محبة كبيييرة و وحدة فينا ما تنجم تبعد على الاخرى ،نهار عرسي كي خطفوها منجمتش نتحمل مامنتش اللي اختي راحت و ممكن ما ترجعش! لكن رجعلي الامل لما رسيم نجم يحدد مكانها و اصريت نروح معاهم لما يجبوها....و في هاذاك النهار المشؤوم دخلت للفيلا بعد ما سمعت صوت الرصاص وشفت شوفة تمنيت ننعمى قبل ما نشوفها ....حبيبتي كانت في الارض و الدمومات تشرشر ،تمنيت في هاديك الدقيقة نعاود نقتل و بنفسي هاداك الكلب تاع كريم بصح واش نجم نعمل؟ رحت حطيتها في حجري و حطيت يدي على الجرح تاعها مستنية يجو الاسعاف ،و المسكين تاع حمزة راح يدخل للحبس! ميستهلش انسان كيما هذاك يدخل لمكان كيما هكا ، حمزة خاطيه! المهم جات l'ambulance دخلو رزان و انا دخلت معاها ،خسرت بزاف دم في الطريق و بدات فرصة عيشها تقل للاسف ،غير لحقنا دخلوها directement للبلوك و طلبو منا نتبرعولها بالدم ،رحت انا عطيتها من دمي المهم تعيش برك!
طولو بزاف الاطباء الداخل و الدنيا صحراء لا طبيب لا ممرضة ،طاطا زينب و رسيم قالولي نروح للدار بصح مقبلتش لازم كي تفطن رورو نكون قدامها!
خرج الدكتور وجهو ما يبشرش بالخير و جاء عندنا

دكتور-انتم عائلة المريضة؟؟
رم-ايييه دوكتور خير راهي مليحة؟؟
دك-منكذبش عليكم المريضة حالتها حرجة جدا، حنا درنا اللي علينا و الباقي على ربي ،منضنش اللي المريضة تجاوبت مع العملية ،نستناو اسبوع اذا مفطنتش نحيولها الاجهزة و .....(سكت و هبط راسو)

رجليا مقدروش يرفدوني شدني رسيم و داني للكرسي و طاطا زينب طرطقت بالبكا و سي علاء يسيي يهدأها كان خبر صاعق لينا الكل و مابالك بحمزة واش راح يصرالو كي يسمع؟ surtout كي راه بعيد عليها و موقفش معاها،مشافهاش! في اسبوع تشتت كامل العائلة! .

*عند حمزة*
كنت قاعد وحدي نخزر للبلافون، اصلا هادي هي حالتي دائما بعد ما دخلت للحبس و منعرف حتى واحد في اللي معايا دائما منزوي وحدي ،جاء عندي وحد الراجل يبان كبير شوية قعد قدامي و حط يدو على كتفي و تبسم ، تفكرت بابا...هو اللي يديرلي هكا....المهم قالي هاداك الراجل
-واش بيك هكا مهموم؟ احكيلي و فرغلي قلبك اصلا معندنا من غير الحكايات في الحبس نجوزو بيها الوقت!
-كيفاش حبيت تكون حالة المحبوس؟؟😩
-وانت علاش دائما قاعد وحدك و تزيد في همك ،اقعد معانا اضحك و انسى مشاكلك...انت راك ضامن يجي النهار اللي تخرج فيه بصح حنا قادرين نموتو قبل ما يخلاصو السنين!
-واش حبيتني نقولك ،انا اللي كنت عايش في العز و اللي jamais توقعت ندخل للحبس راني دخلتو!
-كامل كنا عايشين في العز يا ولدي و كامل كتبلنا ربي ندخلو لهنا ،هيا احكيلي واش درت باش حبسوك؟
-هههههه انا انا قتلت عبد ،اييييه انا قتلت و وليت مجرم ،بصح مندمتش و لوكان يعاود يحيا هاداك الكلب نعاود نقتلو...................(حكالو باقي القصة)
-اييييه يا حمزة ربي يكون في العون و تقوم المدام بالسلامة ،انا سالم كنت عايش في تيزي وزو مع مرتي و بنتي وحدة شوية صغيرة عليك ،و داروها بيا حطولي la drogue في الطونوبيل تاعي بلا مانفيق و اتاهموني بتجارة المخدرات و كيما راك تشوف راني هنا عندي عامين هنا حكمولي 8 سنين حبس ......

و من هاداك النهار تقربت لسالم و ولينا صحاب ،كانو والديا يجو يزوروني كل يومين و يخبروني بحالة رزان اللي كانت كل يوم تتدهور ،شحال راني خايف عليها لوكان تموت نموت انا تاني معنديش حياة بلا بيها
و اليوم اذا مفطنتش رزان تكون راحت عند مولاها😢.

*عند رماس*
جازت هديك السمانة و رزان لا حياة لمن تنادي حتى انها متجاوبتش مع العلاج كنت قاعدة نخزر فيها من الزجاج هاديك البلاصة اللي يبست فيها سمانة كاملة متحركتش من تم ،باش اذا ناضت تلقاني قدامها ،بصح والو ....انا هكاك قاعدة حتى جاء لعندي رسيم:
-رماس روحي للدار بدلي حوايجك و ريحي شوية وارجعي طاطا زينب راهي هنا
-لالا منقدرش نخليها وحدها
-يا رماس عندك سمانة و انت تعاودي في نفس الهدرة امشي معايا و نوعدك نرجعو لعندها
-لالا نروحو غي للكافيتيريا نشرب قهوة و نرجعو
-كيما تحبي يا لالة!
رحنا للكافيتيريا جاية juste عند السبيطار بصح انا قلبي مهوش مطمني حاساتو مقبوض.... شربت قهوة و رجعني رسيم للدار بالسيف دوشت و بدلت قشي و رجعنا للسبيطار و هنا كانت المفاجأة!

يتبع.......

~~~~~~~~~~~~~~~~~~~
واش رايكم في البارت؟؟
رح تعيش رزان؟؟
متنساوش التفاعل .حبكم😙