احححححممممم المشاهدين الكرام افضل تخلو هاد البارت تقراوه مور الفطور باش منفطركمش و ندي ذنوبكم مخصنيش نتشوط في جهنم ههههه اللهم اشهد اني بلغت 😌😜😳
☆☆☆☆☆☆☆☆☆☆☆☆☆☆☆☆☆☆☆☆
كنت خارجة حتى جاء شدني رجعني معاه
-ارواحي لهنا وين هاربة
انا قلبي تقبض موالفة نقبض على المجرمين و ندخلهم للحبس و دركا راني منهم اعععع ندمت و حبيت نرجعها مي مكاش كيفاش بديت نترعد (نرعش ) بكلي ...
قاعد يخزر فيا مخلوع امبعد تلقني و عنقني بقوة 😑 (علابالي حلقة كامل تعناق هههه)
-سمحيلي راني كنت نحوس على وحد البوات و كي ملقيتهاش تقلقت و عيطت عليك سمحيلي...
يا حييي هادا السيد باغي غير يعتذر و انا درت قاع هاد الفيلم ..معليش اوموان ربحت تعنيقة هههه
اصبرو اصبرو رفدت راسي راح نهدر و تجي عيني في عينو يااا شحال شابين عينيه واااو يهبلو و يبرقو خلاص اااخ دخت
-واش مزال مقلقا مني
-حركت راسي لالا
-ربي يخليك ليا (باسني في خدي 😳)
شدني من يدي و خرجنا و انا مازلت تحت تاثير الصدمة تاع البوسة احم..قال للخدامات يحوسو مليح على البوات و انا ما تحرويتلوش .
هبطنا للجاردان كان كي المهرجان مش حفلة و حنا هابطين شد في يدي و تبسم معيا ،و انا رجعتلو التبسيمة ...كي هبطنا كامل كانو يشوفو فينا و يسفقو و السي موموح حفلة كامل و هو مكركرين معاه ..عرفني على قاع الضياف بالواحد و انا همي الوحيد هو وينها حبيبتو؟ زعما ماجاتش؟ راه كان راح يخطبها اليوم كيفاه متجيش ..
زاد شوية كركرني لداخل الفيلا:
-واش بيه جدك
-والو برك حبيتك نبدلو اللبسة انا وياك
-علاش واش بيها تاني
-مابيها والو مقبيل لبست على ذوقك و دكا دالتي
-مفهمت والو مي معليش
داني لشمبرة وين نبدل و مع اللي يفتح الباب بانتلي لبسة هندية تهبببل
-واااو شحال شابة هادي ليا؟
-وي
-اه مرسييي
-حتى انا راح نلبس كيما انت
-بصاح؟
-وي...نروح نسقسي الخدامة اذا لقاو الباطة و نجي
-اوكي
خرج قيصر و انا لبست هاديك اللبسة جيت نهبل و زدت سقمت ماكياجي و لبست المجوهرات اللي كانو تما
غير كملت سمعت دقان في الباب فتحتو لقيت قيصر لابس لبسة هندية فووور
-جيت شباب😍
-ماشي قدك
-علاش ملبستهاش من الاول؟
-علابالك اليوم كنت راح ندير خطوة مهمة في حياتي مي مكتبتش ...معليش.
-مفهمتش
-معليش هيا نهبطو
هبطنا و كانو كامل الانضار علينا كنا كوبل بزاف شباب ..بداو الناس يسفقو و الصحافة تسقسي قيصر و هو يجاوب ...حتى خلاصت الحفلة و وصلني في الطريق قلتلو:
-قيصر حبيت حاجة اذا تبغي
-ا امري
-حبيت هاد اللبسة
-اصلا شريتها لك ليك يا البهلولة هههه
-اه مرسي بزاااف
غير وصلت للدار ودعت قيصر و بدلت عليا ديك الحالة و انصرعت حتى للصباح.
الصباح نضت نشيطة وجدت روحي و رحت للخدمة ،خدمت عادي امبعد منفحتليش نخرج فطرت غير غي البيغو مع اللي دارت ال3 تفتح الباب بقوة قريب تكسر كانت مريم وجهها كحل ميبشرش بالخير نضت نجري عندها :
-مريم واش بيك كاش واحد تبعك؟
-هاجر ختي باينة مزال مشفتيش راح نوريلك حاجة مي متتقلقيش
-غير الخير ياك لاباس؟
-اوعديني تتكالماي
-هاتي برك راكي درتيلي لادياري من الخلعة
نحيت من يدها الجرنان و اول حاجة طاحت عليها عيني هي صورتنا انا و قيصر البارح 😵
مكتوب فوقها بالخط العريض
حقيقة الاميرة صديقة الامبراطور قيصر مهري :
(بديت نقرا المقال)
هاجر البناني ابنة رجل الاعمال حمزة البناني ،عائلة كبيرة من الطبقة المتوسطة...
تعرضت للاغتصاب في سن 17 سنة من طرف مجهول الذي كاد يدخل السجن لولا سماحها له مع وصل ضمان زواجهما عند بلوغها 18 سنة ... و لكن تشاء الاقدار ان يموت عريس الغفلة ليلة زفافهما تاركا اياها ارملة يوم عرسها...
عاشت منطوية و كئيبة فترة من الزمن لكن ذلك لم يمنعها من مواصلة دراستها لاسييما وقد حصلت على المرتبة الاولى على مستوى مدينتها في شهادة الباكالوريا ..مما سهل عليها الدخول لكلية الشرطة الذي كان حلمها من اجل الانتقام من جميع المغتصبين بسبب العقد النفسي الذي سببه لها ذلك المجهول ...
قد حصلت هاجر البناني على عدة ترقيات في عملها ،و بعد وقوع قيصر مهري بين يديها بتهمة اغتصاب تخلت عن مبادئها و قامت بمساعدته و اثبات برائته ..ولم يتوقف الامر هنا فقد اصبحت من اقرب اصدقائه بعد ادخال بقية عائلته السجن للتنعم بثروتهم الهائلة و الان هي تحاول اغراءه بشتى الطرق ،و من الضاهر ان قيصر مهري يسارها من اجل قضاء مصالح شخصية فكيف لا و هي شرطية بامكانها حمايته و فتاة فاتنة تستطيع امتاعه........بلا بلا
انا هنا يا خاوتي الدنيا دارت بيا وليت نشوف كلش كحل و ليت نرجف ،خرجت من البيغو تبعتني مريم مي متحرويتلهاش..
ركبت طونوبيلتي باش نروح عند قيصر يفهمني واش كاين و اون+ راني محتاجتو ..
قاريت الطونوبيل في القاراج و دخلت للدار كان يهدر و يعيط في التلفون قربت و فهمت واش كان يقول و ياريتني ما سمعتش:
ايه امبعد.... هيه هاد الشيئ علابالي بيه.....ايه قريت الجرنان.... وي وي بلا جرنان كنت عارف اللي هي مغتصبة و ارملة...... ايه استغليها و تمسخرت بيها و علابالي طماعا و حابة غير دراهمي....
انا هنا حسيت بيدون ماء تفرغ فوقي مامنتش واش كان يقول ،خرجت نجري و نبكي خير ما نزيد نسمع حاجة اخرى ...
رحت للدار لميت دوزاني في فاليز و عيطت لسهام قلتلها راني رايحة لمستغانم علما اني في العاصمة ...حبت تفهم واش قرات في الجرنان مي مشرحتلها والو...و خديت كونجي
و فعلا رحت لمستغانم باش ننسا ههههه واش راح ننسا؟ انو تمسخر بيا و لا انا اللي كنت نتمسخر بروحي..
ايه انا اللي كذبت على عمري هو عمرو ما وعدني بحتى حاجة ..انا اللي حلمت بحاجة كبيرة عليا و ماشي من حقي ، كان علابالي بلي يحب وحدة اخرى و كان راح يخطبها... انا برك اللي درت هاداك الفيلم ..بصح علاش كان يمثل عليا ..علاش ماقاليش انو عارف حقيقتي ...
قعدت نخمم و نبكي حتى لحقت ديت اوتيل و دخلت للشمبرة دوشت و رقدت.
يتبع ...
☆☆☆☆☆☆☆☆☆☆☆
واش رايكم في البارت؟؟
واش راهو صاري ههههه؟؟
متنساوش التفاعل .حبكم😙
YOU ARE READING
😍عشقت استاذي😍 👮♀️الشرطية و السجين🕵️♂️
Short Storyساختصر مقدمتي ببعض ابيات من انشودتي المفضلة ،حيث كلماتها تلامس قلبي ،ارجو منكم قراءتها: #أنا #العاشق #لعينيك برب #العشق فارحمني #وخذني بين يديك نبض القلب اسمعني وضمد جرحي الدامي ومني إليك فاخذني وشافي مر علقمك حيث الشؤم يحمل...
