😍عشقت استاذي😍 👮‍♀️الشرطية و السجين🕵️‍♂️

بارت 14

غير لحقنا خبرني الطبيب بالصاعقة اللي حتى كي سمعتها بوذني مامنتش ،ايه رزان ماتت ،رزان راحت عند خالقها
دك-عضم الله اجركم..... تبعني موسيو نكملو الاجراءات
رم-اااااااااه اهئ اهئ اهئ 😭 علاش رحتي و خليتيني يا رزاااان علااااش ااااااه 😭😭😭
رس-اشششش خلاص رماس ادعيلها بالرحمة و متعذبيهاش بالبكا 😢
شدني رسيم بصكو قريب طحت جابتلي طاطا زينب الماء رشتني بيه و كي فطنت مليح شربتلي بكيت و عيطت درت حااالة حتى دارولي مهدأ الصراحة كانت صدمة كبيييرة بالنسبة ليا و مقدرتش نتقبل فكرة انو رزان ماتت ،قلتلكم بلي حنا خواتات و من طفولتنا واحنا كيفكيف ،جات خالة رزان مسكينة وجهها صفففر حالتها كانت تشف هاديك خالتها الوحيدة كملنا اجراءات نقل الجثة و ديناها لدارها بصح خالتهة مخلات حتى واحد ينحي الغطا على وجهها قاتلك عاداتهم هكا ،تفوووو على هاد العادات اللي مخلاتنيش نشوف رورو حتى اخر مرة في حياتي طاطا زينب و سي علاء مقدروش يروحو للحبس يخبرو حمزة كانو مشغولين و تاني جاتهم واعرة اييييه واش راح يصرا فيه ،رحنا انا و رسيم عندو ،وتاني باش ندو اذن من الادارة باش يحضر الجنازة غدوة .

*عند حمزة*
كنت قاعد مع سالم نقسرو كالعادة ،اليوم لازم تفطن رزان و راني متفائل و ان شاء الله خير ،اليوم طولو والديا مجاوش مالفين على 3 تاع العشية يجو بصح درك راهي ال6 و ماجاوش ،معليش يكونو مشغولين!
هكدا كنت نصبر في روحي و غايس حتى فطني العساس و قالي بلي عندك زيارة ،رحت لقيتهم رماس و زسيم ،معليش بصح الحاجة اللي دخلت فيا الشك هي عينين رماس كانو حمورا و منفخين ،بديت نتقلق قعدت مقابلهم و شديت التلفون في يدي:
حم-سلام cv ؟
رس-كيفاش راك ،مليح؟؟
رماس مقدرتش تحكم روحها بدات تبكي
حم-رسيم متقوليش ...(سكت)
رس-ااا حمزة....
حم-رزان م ما ماتت؟؟؟😯
رسيم هبط راسو و عضملي الاجر ،منقدرش نوصفلكم واش حسيت في هديك الدقيقة يبست في بلاصتي وليت نضحك بالصوت و نقوللهم مكاش منها مقدرتش نامن! "ماشي ساهلة" هاداك الضحك ولا بكا و عياط...وي راجل يبكي بصح علاجال مرتو حبيبتو ،ماتت مضلومة ،خرجوني باش نحضر الجنازة ،مقدرتش نحمل هادوك الاجواء تاع البكا و الحزن زادو عليا همي 😦 و خالتها ما خلاتنيش نشوفها سلمت على راسها بلا ما نحي عليها الغطاء و مرتي جماد متتحركش كيفاش رزان اللي كانت تسوطي و دايرة جو و ضحكتها مالية الدار راهي دكا قدامي متتحركش و مغمضة عينيها ،اااااه مجات جوز هاديك الليلة حتى تقطعت من الحزن مقدرتش نرقد ليل كامل و مخلاونيش حتى نرقد قدامها ،محبيتش ندير المشاكل donc سكت!
اليوم الدفينة 😔 و هو يوم الجمعة ،طيبو النساء و صدقو الماكلة ،و حنا رحنا دفناها... جاز نهار كحل كامل النساء كانو قاعدين يقراو في القرآن و عينيهم مغرغرين بالدموع بصح صبرو!
جاز هاداك النهار بالسيف غلقت على روحي في الشمبرة و ماكليت ما شربت اصلا خلاص صماطت الدنيا.....دوشت و فرغت الماء السخون فوقي ،قد ما يكون سخون ما رحش يلحق سخانة اللي راهي داخلي... كي كملت بدلت حوايجي رحت للمقبرة بالسرقة باش ميسقسونيش و ميهدروش معايا مارانيش مليح ،بعدو عليا!........ تكيت على قبر العزيزة و بديت نهدر معاها و بلا ما نفيق لقيت روحي نبكي
-البارح جابولي خبر موتك ،مامنتش قلت راهم يكذبو و كي رحت للدار حسيت بلي راح تجي تعنقيني و ترحبي بيا كيما العادة بصح مجيتيش رحت لشمبرتنا قلت بالاك نلقاك تما بصح ملقيتكش وليت نحوس عليك كي المهبول في الدار و هوما يقولولي راهي رااااحت بصح انا مامنتش،كيفاش رحتي و خليتيني؟ شكون اللي راح يداويلي جروحي؟ شكون اللي راح يحس بيا؟ ضعت انا  شكون بيا؟ منيش قادر نستوعب بلي رحتي خلاص؟ متقدريش ترجعيلي؟ يا رزان علاش رحتي ياك علابالك بلي منقدرش نعيش بلا بيك علاش خليتيني وحدي؟ لمن نشكي؟ لمن نبكي درك؟  كيفاش راح نحمل غيابك؟ صوتي تبحبح و انا نعيطلك بصح مجاوبتينيش ،دموعي تحجرو في عينيا بصح درك راهم وديان ،يا رزان ارجعيلي ارجعيييييي😭😭.
بعد ما فقدت الامل و نشفو دموعي رجعت للدار نكركر في رجليا ،بفففف غدوة على ال8 نرجع للحبس ،ديك السماطة بصح اوموان نبعد شوية على هاد الجو الكئيب رقدت و مارقدتش في نفس الوقت حسيت غير بالشمس على وجهي ،ودعت عايلتي اللي زادو كملو عليا  بالبكا و عاودت وليت للحبس 😑

يتبع........

♤♤♤♤♤♤♤♤♤♤
واش رايكم في البارت؟؟
واش راح يكون جديد في حياتهم؟؟

متنساوش التفاعل .حبكم😙