كيما قلتلكم عاودت وليت للحبس و سالم مخلانيش نهار كل يوم يصبرني و يديرلي في les leçons de morale و كان يطلعلي شوية المورال ،mais انا كحمزة تبدلت بزااااف ضعفت و تبدلو شوية ملامح وجهي ،بصح الحاجة الوحيدة اللي متبدلتش هي حبي لرزان اللي عمرو ما يموت!
تمنيت كي نخرج نلقاها تسناني في الدار و نعاودو نولو لحياتنا ،بصح التمني ميفيد في والو......
*باش منطولش عليكم باصكو كل يوم نفس الروتين في الحبس ،رح نسرع الاحداث ليومين قبل خروجي:
كنا قاعدين انا و الجماعة نقسرو بعد العشاء و انا فرحان ،مبقاش و نخرج! بصح سالم محسيتوش مليح كلي مريض وجهو صفر معلاباليش مرة على مرة يتغاشى ،ولا ميشوفش مليح دائما عيان و يقلي راني بردان في عز الصيف و السخانة! واش بيه معلابالناش؛ماعليناش كملنا القعدة و رحنا كل واحد لبلاصتو اااه تهنية اخر ليلة راح نرقد فيها في هاد الحجرة ههههه .
فطنت في الليل نشرب الماء كي جزت على سرير سالم لقيتو يرعش و يهترف رحت ليه نجري مخلوع ،قالي:
سا-ح حم حمزة ا ا انا ر رح ن نموت
حم-واش هاد الهدرة سالم؟؟
سا-راني ف في فراش الم.. موت اااه
حم-متقولش هكا سالم ت تعيش و ترجع لفاميلتك
سا-ن نوصيك عليهم ر راني كاتب لادراس تاع د الدار تحت م مخ مخدتي روح ع عن عندهم و التهى ب بهم م مع معندهم حتى واحد
حم-س سا سالم متقولش هكا!
سا-اشهد ان ل لا ا اله ا الا الله و اش اشهد ان........
و مات ،و نخلي لمخيلتكم تتوقع كيفاش كانت حالتي و ردة فعلي بصكو عييت انا نوصف في حالات البؤس تاعي! Surtout بعد ما ماتت رزان 😔
ديت هاديك لادراس من تحت مخدتو و عاهدت نفسي نروح عند عائلتو و نعاونهم قد ما نقدر و جاز هاداك النهار ودعت الجماعة و خرجت من الحبس..... ااااووووه الحرية ما يحس الواحد بقيمتها غير كي يفقدها تنفست مليح شميت الهواء النقي اممم و الشمس ،حاجات بسيطة بصح انا تحرمت منهم... عامين و انا بين 4 حيوط ،كان بابا و يما يسناو فيا ،غير خرجت جات يما تجري عنقتني و تبوس فيا بلهفة و تبكي غاضتني الصراحة امبعد جاء بابا سلم عليا و رجعنا لدار بابا ،شحال توحشتها ايييه شحال عندي مشفتهاش ،دخلت لشمبرتي لقيتها مزالها هي هي ،قاتلي يما ندوش و نرقد بصح حبيت نقعد معاهم نشبعهم ،
دوشت و شحال ارتحت بعد ما قعدت معاهم قسرنا في كلش و قالولي بلي بعد ما ماتت رزان رماس مقدرتش تحمل donc راحو هي و رسيم لانجلترا يعيشو تما بعد ماجات لرسيم فرصة عمل تما ،منها يستقرو و منها ترتاح رماس! طيبت يما العشا و عيطتلنا كنا في الصالون انا و بابا اممم شحال توحشت ماكلتها😍 وماكلة الدار متتقارنش مع تاع الحبس! لقيتها دايرة شخشوخة ايييي تشفاو بلي انا mon plat préféré هي الشخشوخة و كانت دائما رزان ديرهالي بنّتها وحدها malgré تاع يما بنينة بصح تاع رزان خير فيها سحر خاص!😢.
جاء وقت النوم رميت روحي على فراشي ااااه شحال مريح قلتلكم راح نتهنا من الحجرة تاع الحبس... خزرت في البلافون لقيتو نظيف ضحكت بلا ما نفيق بصكو عامين و انا نخزر في البلافون الموسخ تاع الحبس بصح درك الحمد لله راني في دارنا و في وسط عائلتي..
تفكرت سالم و رزان زوج ناس حبيتهم من كل قلبي و راحو امبعد تفكرت الورقة تاع لادراس ،نضت نجري للسروال اللي كنت لابسو حوست في الجيوب حتى لقيتها ،اففف مزية عمبالي تبحرت قريتها ،جاية في تيزي وزو كيما علابالكم ان شاء الله في اقرب فرصة نروح عند la famille تاعو و نشوف واش خصهم و نقعد دائما en contact معاهم ،بصح قبل لازم نروح لقبر رزان 😢 تفكرتها تغرغرو عينيا بالدموع ،دائما نتفكر كيفاش جات عنقتني باش تجي الرصاصة فيها ماشي فيا ،زعما لوكان وحدة اخرى دير هكا؟ مشكيتش!
رقدت بالسيف هاديك الليلة و كي نضت الصباح لقيت يما طيب في القهوة و دارتلي بغرير (غرايف) قعدت ستهويت معاها امبعد لحق بابا قعد معانا امبعد قتلو :
حم-بابا ياك راهم عندك المفاتح تاع داري؟
با-ايه وعلاش؟
حم-حبيت نعاود نولي نسكن تم
يم-علاش يا ولدي واش خصك هنا عندنا؟
حم-مخصني والو بص.......
با-متقولي والو هنا تقعد تونسنا و نوسوك .
حم-صحا اعطيني مفاتح الطونوبيل!
با-مراكش ناوي تولي تقري؟
حم- jamais نولي لليسي .
با-مدابيا!
يم-علاش واش راك ناوي؟
با-انا كبرت و عييت و درك جاء الوقت اللي يستلم حمزة الشركة !
حم-انا؟؟
با-خليتك تقري كيما كنت تحلم بصح درك مراكش ناوي تولي donc لازم تشد الشركة
يم-صاح يا حمزة باباك عندو الحق و زيد مراحش تقعدلي كي المراة في الدار لازم على الراجل يخدم!
حم-تفاهمتو عليا ههههه؟
با-لا رانا نهدرو في مصلحتك
حم-منيش حاس روحي واجد هاد الايام
با-كيما تحب بصح السمانة الجاية تبدا الخدمة
حم-حاضر!
كملنا القهوة و رحت للمقبرة عند العزيزة و درت شوية un peu partout شفت العباد و الدنيا و تنفست شوية ،و جازت هديك السمانة عادية و غدوة نستلم للشركة.
يتبع......
_____________________
واش رايكم في البارت؟؟
هل رح تكون كاينة تغيرات في حياة حمزة؟؟
متنساوش التفاعل .حبكم😙
ESTÁS LEYENDO
😍عشقت استاذي😍 👮♀️الشرطية و السجين🕵️♂️
Historia Cortaساختصر مقدمتي ببعض ابيات من انشودتي المفضلة ،حيث كلماتها تلامس قلبي ،ارجو منكم قراءتها: #أنا #العاشق #لعينيك برب #العشق فارحمني #وخذني بين يديك نبض القلب اسمعني وضمد جرحي الدامي ومني إليك فاخذني وشافي مر علقمك حيث الشؤم يحمل...
