Without You
Part -13 (unicode)
ဒီနေ့ကျောင်းမှာ သန့်ရှင်းရေးနှင့် လေ့ကျင့်ခန်းလုပ်ရမည့်အချိန်ပါ၍ ဘေးဘေး အိမ်ကနေ စောထွက်လာခဲ့သည်။ ကိုမြတ်ကိုတော့ ဖုန်းဆက်ပြီး လာမခေါ်ဖို့ ပြောထားပြီးသားမို့ ကျောင်းကို အစောကြီးထွက်လာခဲ့သည်။
ဖေဖော်ဝါရီလဆိုတော့ ကျောင်းတွေလည်း နောက်လဆို ပိတ်တော့မယ်။ ပြင်ဦးလွင်မြို့ကလေးက မနက်စောစော ပေမဲ့ အချမ်းဓာတ်က မလျော့သေး။ လက်နှစ်ဖက်ကို အိပ်ကပ်ထဲထည့်ပြီး လျှောက်လာမိသည်။
ဒီနေ့အခန်းသော့က ဘေးဘေး ဆီမှာဆိုတော့ စောစော မသွားလို့မရလို့ အစောထထွက်လာခဲ့ပေမဲ့ ကျောင်းရောက်တော့ ဘယ်သူမှပင်မရောက်သေး။ တစ်ကျောင်းလုံး ကိုယ်တစ်ယောက်တည်းပေမဲ့ ခဏနေရင်တော့ သက်နှင့်ကလျာတို့ လာပါတော့မည်။ ထို့ကြောင့် အခန်းထဲဝင်ပြီး ခုံတွေစီ သန့်ရှင်းရေးတွေလုပ်နေမိသည်။
ခါတိုင်းဆိုရင် ဒီလို မနက်အစော တာဝန်ကျရင် ကိုသုက လိုက်ပို့ပေးတတ်သည်။ အဲ့တစ်ခုတော့ ချစ်ဖို့ကောင်းသည် ကိုသုက။ ဆရာမ စားပွဲကို ရှင်းနေရင်း ညက ကိုသု ဖုန်းဆက်သည့်အကြောင်း စဉ်းစားမိ၍ ဒေါသပင်ထွက်လာသည်။
ကိုမြတ်နှင့် ပေးစားသည်လောက် စိတ်တိုဖို့ကောင်းတာမရှိ။ ကိုမြတ်ကို ဒီအတိုင်းပဲ သူငယ်ချင်းအနေနဲ့ ခင်တာဆိုတာ ကိုယ့်စိတ်ကိုယ်သာ သိသည်။ အခုတော့ ကိုယ်နဲ့ အရင်းနှီးဆုံး ကိုသုကမှ အထင်လွဲ ရတယ်လို့။
"မကောင်းတဲ့ကောင် ကိုသု"ဆိုပြီး မကျေမနပ် ပြောမိသည်။
ထိုစဉ်"မင်းက ငါ့ကို မကောင်းတဲ့ အကောင် လို့ ပြောတယ်ပေါ့ ဟုတ်လား ဘေးဘေး"ဆိုပြီး အနောက်သို့ ဆွဲလှည့်ခံလိုက်ရလျှင် အနောက်မှာကိုသု
"နင် ဘယ်တုန်းက ရောက်နေတာလဲ ကိုသု"
"မင်းစားပွဲကိုရှင်းနေတုန်းကပဲ"
"ဒီနေ့ နင့်ဂျူတီ မပါဘူးလေ ဘာလို့ အစောကြီးလာတာလဲ" ဆိုတော့
"မင်းမနေ့ညက ဖုန်းဆက်တုန်းက ငါ့ကို ချိုးသွားတဲ့ အချိုးက ဘာလဲ ပြောစမ်း မြတ်သုတညီ"ဆိုပြီး ဘေးဘေး ပုခုံးကို လှုပ်ပြီး အော်လေသည်။ ပုခုံးကို အားဖြင့် ဆွဲကိုင် အလှုပ်ခံလိုက်သဖြင့် စိတ်အရမ်းတိုသွားမိသည်။
YOU ARE READING
Without You
Romanceေကာင္ေလးႏွစ္ေယာက္ၾကားမွာ ငယ္ငယ္ေလးကတည္းက အႏိုင္ယူလာမႈေတြက တစ္ေန႔ သဝန္တိုျခင္းေတြနဲ႔အတူ အခ်စ္အျဖစ္သို႔ေျပာင္းလဲသြားေသာအခါ သုတေက်ာ္ဆိုတဲ့ ခပ္ဆိုးဆိုးေကာင္ေလးရယ္ ျမတ္သုတညီဆိုတဲ့ေကာင္ေလးရယ္...သူတို႔ဘာေတြဆက္ျဖစ္မွာပါလိမ့္္ ေပ့ါေပါ့ပါးပါး အခ်စ္fancyေလးပါပဲ
