Without You

Part-25

Without You
Part-25(unicode)

အိမ်ပြန်ရောက်သည်အထိ ကိုသုနှင့်စကားမပြောဖြစ်။ ပြောချင်စိတ်မရှိသည်လည်းပါသည် စိတ်ပျက်နေမိတာလည်းပါသည်။ သူကလည်း ကိုယ့်ကို စကားမပြော ခါတိုင်းလိုမဟုတ်ဘူးလို့ ခံစားနေရသည်။ စာက အရေးကြီးနေသည့်အချိန်မျိုးမှာ ဒီလို ကိစ္စတွေ မတွေးသင့်တော့ဘူးလို့ပဲ ထင်မိသည်။

အိပ်ယာပေါ်မှာ ဟိုတွေးဒီတွေးဖြင့် ဘယ်လောက်တောင် အိပ်ပျော်သွားလဲမသိ မေမေ အိပ်ယာလာနှိုးမှ နိုးလာသည်။ အောက်မှာ မမကြီးတို့ မိသားစု ရောက်နေတယ်ဆိုမှ အိပ်ယာပေါ်မှ ကမန်းကတမ်း ထပြေးလာခဲ့မိလေသည်။

ဧည့်ခန်းမှာ မမကြီးထိုင်နေတာမြင်တော့ ပြေး၍ ဖက်မိသည်။ မမကြီးက ဘေးဘေးကို ကြည့်ရင်း အငယ်လေး အသားတွေဖြူပြီး လူကြီးပေါက်စလေးဖြစ်နေပြီဆိုတော့ ရယ်ရသေးသည်။

ထိုစဉ် ဘေးဘေး ဆိုပြီး မပီကလာ အသံလေးနှင့် ဘောင်းဘီကို လှမ်းဆွဲခံလ်ိုက်ရပြီးငုံ့ကြည့်လိုက်တော့ တူးတူး ပါလား။ ရုတ်တရတ်ပျော်သွားပြီး ဆွဲပွေ့မိလေသည်။ တူးတူးက မမကြီးရဲ့သားလေး ဘေးဘေးရဲ့တူလေး။ အရမ်းလည်ပြီး အရမ်းချစ်ဖို့ကောင်းသည် ခါတိုင်း နှစ်တွေ မမကြီးတို့ မေမြို့လာလျှင် မေမေတို့ကို ကန်တော့ပြီး ပြန်တာမို့ တူးတူးကို ခေါ်မလာ။ အခု တူးတူးပါပါလာတာမို့ ညအိပ်မည်ထင်ပါ့။

တူးတူးကို ပွေ့ဖက်ထားရင်း တူးတူး ဘေးဘေးကို အာဘွားပေးလေ ဆိုတော့ ပေးရှာသည်။ "ဘေးဘေးကို အများကြီးချစ်"ဆ်ိုတော့ ရယ်ကြရသေးသည်။ ဘေးဘေးကို တူးတူး တွယ်တာတာလည်း မဆန်း မန္တလေးဆင်းပြီး မမကြီးတို့ဆီသွားလျှင် တူးတူးကို တစ်နေကုန် မညည်းမညူထိန်းပြီး အရုပ်တွေဝယ်ပေးတတ်တာမို့ ဉာဏ်ကောင်းသော တူးတူးလေးက အဲ့လိုအမြဲလူလည်ကျနေကြ။

တူးတူးကို ချီထားနေတုန်း "ဘေးဘေးရှိလားဆိုပြီး"ကိုသုရောက်လာလေသည်။အထဲဝင်လာပြီး ချီထားသော တူးတူးကိုမြင်လျှင် "ဒါ တူးတူးလား "ဆ်ိုပြီး မေးလျှင် မမကြီးက "ဟုတ်တယ် မမကြီးသားလေ"ဆိုပြီးဝင်ဖြေသည်။