Schmaltz [Own Creation]

Part - 31 : Utopia

Zawgyi

"Camelot ပြည့်ရှင် ဘာများအလိုရှိပါသလဲ..."

သူ့ကို မေးလာသည့် ထိုသူကို သူ စူးရဲစွာကြည့်သည်။ နီရဲတောက်နေသည့် မျက်လုံးများကြောင့် ထိုသူက ကျောချမ်းသလို ဟန်မျိုးပြကာ...

"ဘာများ စိတ်အလိုမကျဖြစ်နေရတာလဲ အရှင်... ကျွန်တော်မျိုး Trickster က အရှင့်ကို ဘာများကူညီပေးနိုင်မလဲ..."

"Utopia ဆိုတာ ဘယ်လိုနေရာလဲ..."

သူ့စကားကြောင့် ပေါ့ပေါ့ပါးပါးဖြစ်နေသည့် Trickster ဆိုသည့် အမျိုးသား၏ မျက်နှာသည် တည်သွားကာ သူ့ခေါင်းထက်မှ ကြီးမားသည့် ဦးထုတ်ကိုချွတ်၏။ ထို့နောက် မထူးဆန်းသည့် အပြုံးတစ်ခုဖြင့်...

"ကလေးတွေပြောတဲ့ စိတ်ကူးယဉ်ဆန်တဲ့ ဒဏ္ဍာရီနေရာတစ်ခုပါ... တကယ်ရှိမရှိ ဘယ်သူမှ မပြောနိုင်ပါဘူး..."

"Trickster! မင်း ငါ့ကိုများ လှည့်စားဖို့ကြိုးစားနေတာလား..."

သန်မာသည့်လက်တစ်ဖက်မှ လည်ပင်းဆီသို့ကျရောက်လာကာ သူ့ခြေထောက်တို့သည် မြေဖြင့် မထိတော့။

"ငါ့ကို ရှာခိုင်းတဲ့ တစ်စုံတစ်ခုက ငါ့အတွက် မဟုတ်ဘဲ မင်းအတွက်များဖြစ်နေမလား Trickster..."

သူ့လက်ထဲမှ လူ၏ မျက်နှာသည် အောက်ဆီဂျင်မဝမှုဖြင့် ပြာနှမ်းစပြုလာတော့မှ သူ ဆောင့်လွှတ်ကာ ထိုသူကို ပစ်ချလိုက်တော့သည်။ အသံအချို့ကြောင့် နီစွေးနိုးလာမည်ကို သူ စိတ်မပူ။ အိပ်ငွေ့ချသည့် အတတ်တချို့ကို သူ နီစွေးအိပ်မပျော်ခင်က သုံးခဲ့သည်ပဲ။ သူ ထိုအတတ်တို့ မသုံးလျှင်တောင်မှနီစွေးသည် ပင်ပန်းလွန်းအားကြီး၍ ထနိုင်မည်မဟုတ်။

သို့သော်လည်း Trickster နှင့် စာရင်းရှင်းရမည်မို့ သူ နီစွေး နိုးလာလျှင်ဆိုသည့် အချက်ကို ထည့်တွက်ထားရမည်။ နီစွေးကို သူ Trickster ဆိုသူနှင့် လုံးဝ တွေ့ခွင့်ပြုမည်မဟုတ်။ ထိုသူက သူ့ကမ္ဘာသို့သူပြန်ရောက်သွားစေနိုင်သည့် နည်းလမ်းကို နီစွေးကို ပေးကောင်းပေးလိမ့်မည်။ ထို့အပြင် သူ စေ ဆိုသည့်သူကိုလည်း ဤလောကမှ ဖယ်ရှားရပေလိမ့်မည်။

"Utopia နဲ့ စာရေးဆရာတွေက ဘယ်လိုပတ်သက်နေတာလဲ..."

သူ့မေးခွန်းကြောင့် ကြမ်းပြင်တွင် ပုံ့ပုံ့လေးလဲကျနေသည့် Trickster ၏ မျက်ဝန်းတို့ လက်ခနဲ ဖြစ်သွားသည်ကို မြင်ရကာ သူ့မျက်လုံးတို့ မှေးကျဉ်းသွားလေ၏။ သူ ထိုသူ၏ ခြေထောက်ကို အားဖြင့်ဖိနင်းကာ...