Unicodeတီ ~ တီ ~ တီ
ဖုန်းဝင်လာသည့်အသံ လုံးဝ မရှိဖူးသည့် စိမ်း၏ ဖုန်းအသစ်စက်စက်လေးဟာ ခပ်ကျယ်ကျယ် ထမြည်တာမို့ ကြွေ့အကြောင်းတွေးနေရင်းက ကြွေများ ဆက်လာခဲ့လေသလားဟု တွေးမိတော့ ဒိတ်ခနဲ လှုပ်ခတ်မှုလေးတစ်ခု ဖြစ်ပေါ်သွားသည်။
'ကြွေ' ဟူသော နာမည်အစား 'Unknown Number' ကိုသာ တွေ့လိုက်ရတာမို့ စိတ်ပျက်သွားရပြန်သည်။
"ဘယ်သူလဲ ဘာပြောမလို့လဲ "
မျှော်လင့်နေသူဆီက မဟုတ်တာမို့ စိမ်း အသံဟာဘောက်ဆတ်ဆတ်ဖြစ်နေမှာ အသေအချာ။ ဖုန်းထဲမှ ရယ်မောသံကြည်ကြည်လင်လင်လေး စိမ်းနားထဲသို့ စီးဝင်လာမှ အားတုံ့အားနာ ဖြစ်သွားရပြန်သည်။
"ရွက်နုစိမ်းလား ကျွန်တော်.. ကြည်သာ ..ပါ "
သည်အသံကို မသိစရာအကြောင်းမှ မရှိဘဲ။ ထိုအသံလေးဟာ မဝံ့မရဲပုံစံလေးလည်း ရှိနေပြန်သည်။
"သြော် .. ဆရာပါလား
ဒီအချိန်ကြီးဆိုတော့ ဆရာလို့ မထင်လိုက်တာ""ဒီနေ့ည ကျွန်တော့ညီမလေးနဲ့ ရွက်နုစိမ်း ရဲ့အစ်မ ပြန်လာကြမှာတဲ့လေ ။ အဲ့ဒါ ကားဂိတ်မှာ သွားကြိုမလို့ လိုက်ခဲ့အုံးမှာလား ကိုယ်ပဲ ကြိုလာခဲ့ရမလား မေးဖို့ဆက်လိုက်တာပါ "
ကြွေ ပြန်လာပြီ။
ထိုအသိကြောင့် ထိတ်ခနဲပျော်သွားမိတာ ဝန်ခံပေမဲ့ ကြွေ အိမ်ပြန်လာခြင်းကို ဘာလို့ စိမ်းက မသိရတာလဲ ။ အသိပေးစရာ မလိုလောက်တော့အောင် ကြွေဟာ စိမ်းကို မလိုအပ်တော့တာများလား ။"ရွက်နုစိမ်း
ကျွန်တော်ပြောနေတာ ကြားရဲ့လား "ကြွေ့အကြောင်း အတွေးလွန်နေရာက ဆရာ့ဆီက အသံကြားမှ အသိစိတ်ပြန်ဝင်လာသည်။
"ဆရာ ကျွန်မအိမ်ကို ဝင်ခေါ်ပေးနိုင်မလား "
"ရပါတယ်.. စိမ်း .. ရဲ့
သြော်. ကျွန်တော်.. စိမ်း .. လို့ခေါ်ရင်ဖြစ်ရဲ့လား ""ရပါတယ်ဆရာ
ဝေတို့လည်း .. ဒီလိုခေါ်တာပဲ"ရယ်သံကြည်ကြည်လင်လင်လေးကို ထပ်ကြားလိုက်ရပြန်သည်။
YOU ARE READING
ရွက်ကြွေ (GL-OC)
Romanceကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။