Unicode
စဥ့်အိုးထဲမှ ရေအေးအေးဖြင့် မျက်နှာသစ်ပြီးနောက် လတ်ဆတ်သော လေထုကို တဝကြီး ရှူရှိုက်ပစ်လိုက်ပြီးသော် စိတ်လက်ပေါ့ပါးသွားသလို ရှိသည်။ ဒီအတောအတွင်း ရခဲ့သမျှ ဒဏ်ရာများကိုလည်း တစ်ဝက်လောက် ကုစားပြီးသား ဖြစ်သွားသည်ဟုပင် ထင်ရ၏။
ကိုယ့်ကိုယ်ကိုယ်လည်း အံ့ဩရပါသည်။ ကြွေနှင့်ဝေးရာ ထွက်ပြေးမည်ဟုဆိုကာ ကြွေ့အငွေ့အသက်တွေရှိနေသော ဒီနေရာလေးကိုမှ ထပ်ပြီး ရောက်လာခဲ့ပြန်ပြီ။
အလည်သက်သက် ရောက်လာခဲ့ခြင်းတော့ မဟုတ်ပေ။ ထိုဒေသရှိ နယ်မြို့လေးဆီသို့ လက်ထောက်ဆရာဝန်အဖြစ် တာဝန်ကျဆဲ အခိုက်မှာ ယခင်က ရောက်ခဲ့ဖူးသော ရွာလေးဆီသို့ ကျန်းမာရေးဟောပြောစစ်ဆေးခြင်းတို့အတွက် ရောက်ရှိလာခြင်းဖြစ်သည်။ ဆေးရုံအဖွဲ့ထက် တစ်ရက်ကြိုလာပြီး ယခင်က တည်းအိမ်လေးကိုပင် ပြန်သွားရာ ဝေ့ကို မှတ်မိပေးကြသဖြင့်သာ တော်သေးသည်ဟု ဆိုရမည် ။
မနက်အစောကြီး တည်းအိမ်မှ စုရပ်သို့ ရောက်သွကာ ပြင်ဆင်စရာရှိသည်များကို ပြင်ဆင်ပြီး ဆေးရုံအဖွဲ့က တော်တော်နှင့် ရောက်မလာသေးသဖြင့် ဖုန်းဆက်ကြည့်တော့ မြို့နယ်ဆရာဝန်က အရေးပေါ်ခွဲခန်းဝင်ရသဖြင့် နောက်ကျမည်ဟု ဆိုလာသည်။နယ်မြို့လေး၏ ဆေးရုံဖြစ်သဖြင့် ဆရာဝန် ၊ ဆရာမများက များများစားစား သိပ်မရှိလှ ။ လူစုထားပြီးသား ဖြစ်နေသဖြင့် လယ်ယာအလုပ်မအားသည့်ကြားမှပင် ရောက်လာပေးကြသော မျက်နှာလေးများကို ကြည့်ကာ ဆက်ပြီးစောင့်နေ၍ မဖြစ်တော့သည်ကို တွေးမိသွားသဖြင့် စိတ်အိုက်သွား၏ ။
"မမ ... မမ ရွှေရုပ်ရောက်လာပြီ
နောက်မကျသေးဘူးမှလား ၊
ကားက မနက်အစောကြီးကရောက်ပြီး အိမ်က လာကြိုတာလည်း နောက်ကျသွားလို့လေ ၊ ရေလည်းချိုးနေရတာနဲ့မို့ နည်းနည်းလေးနောက်ကျသွားတာ အဟီး "စိတ်အိုက်နေဆဲမှာပင် လေပြည်သဖွယ် တိုးဝင်လာသော ပုံရိပ်လေးတစ်ခု ။ မျက်လုံးဝိုင်းဝိုင်း ၊ ဆံပင်ရှည်ရှည်ဖြင့် ထိုပုံရိပ်လေးဟာ ကြွေနှင့်ပင် ဆင်တူလွန်းလှသဖြင့် ဆန္ဒလေးတစ်ခုဟာ အယောင်ယောင်အမှားမှား ထွက်ကျလာသည် ။
YOU ARE READING
ရွက်ကြွေ (GL-OC)
Romanceကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။