Unicode
စိမ်း၏ ချစ်သူကောင်မလေး ဖြစ်ပြီးနောက်မှာ မနက်ခင်းဟာ ကြွေ့အတွက် ပိုပြီး သာယာလာသလို စိမ်းဟာလည်း ပိုပြီး အိပ်ပုတ်ကြီးလာသည်ဟု ထင်ရသည်။ ဒီအတောအတွင်း ကြွေနှင့် ပတ်သက်သော ခံစားချက်များကို တွေဝေနေရ၍ ဘယ်လောက်များ အိပ်ရေးပျက်ရက် များနေခဲ့လဲ မသိ ။
"စိမ်း .. ထတော့လေ
ဒီနေ့မနက်အိမ်ပြန်ရတော့မှာ"ယခုလည်း "အင်း .. ဟုတ်သား .. " ဟု အသံလေးသာထွက်လာပြီး ၊ မျက်လုံးလေးကို ဟိုပွတ်ဒီပွတ်လုပ်လိုက် ၊ ဆံပင်တွေကို ဖွနေလိုက် လုပ်နေပါသော်လည်း မျက်လုံးတွေက ပွင့်မလာတတ်သေး။
မနေ့ကမှ ကြွေ့ကို ချစ်ပါသည်ဟု ဆိုကာ အသက်ရှူမဝသည်အထိ နမ်းရှိုက်ခဲ့သော ထိုလူဆိုးမကြီးဟာ ဘယ်ပျောက်သွားပြီလဲ ။ ကြွေ့ကို သူ့အပိုင်ဟု ဆိုခဲ့သော ကြွေ့ချစ်သူ အသစ်စက်စက်လေးဟာ အခုတော့လည်း လူကြီးပုံဖမ်းဖို့ မေ့လျော့နေခဲ့ပြန်ပါပြီ။
ပုခုံးကနေ မကာ လက်တွေကို ဆွဲယူပြီး ထစေတော့မှ အိပ်မှုံစုံမွှားဖြင့် မျက်လုံးကို ပိတ်တစ်ဝက် ဖွင့်လာပြီး "ငါ့ မျက်မှန်ရောဟင်" တဲ့လေ။ပထမတစ်ခါမှာ စတော်ဘယ်ရီသီးကို လိုက်ရှာပြီး ဟော .. အခုတော့ မျက်မှန်ရှာနေပြန်ပြီ ။ စိမ်းဟာ အိပ်ယာက ထတိုင်း တစ်ခုခု လိုက်ရှာနေတတ်တာ ဘယ်အချိန်ကတည်းကလဲ ။ ကြွေ့ကို မတွေ့ရင်ရော ဒီလိုပဲ လိုက်ရှာမှာလားဟု တွေးမိတော့ သိမ့်ခနဲ ။
"အခုကျတော့ စတော်ဘယ်ရီသီး
မရှာတော့ဘူးပေါ့လေ ၊ "ရယ်ချင်တစ်ဝက်ဖြင့် ထိုသို့ စနောက်တော့ စိမ်းက မျက်လုံးလေး ဖွင့်တစ်ဝက် မှိတ်တစ်ဝက်ဖြင့်ပင် ကောက်ကျစ်စွာ ပြုံးလာသည်။
"စတော်ဘယ်ရီသီးက မရှာတော့ဘူး
ရှာစရာလည်း မလိုတော့ဘူး ငါအပိုင်ရသွားပြီလေ "ပြောပြောဆိုဆိုပင် လျှင်မြန်လှသော အရှိန်ဖြင့် ကြွေ့နှုတ်ခမ်းကို လိပ်ပြာလေးတစ်ကောင် လာနားသလို ဖျတ်ခနဲ နမ်းလိုက်တာမို့ ရှောင်ချိန်ပင်မရလိုက် ။ အချိန်ရလျှင်ရော ကြွေက ရှောင်မှာမို့လို့လား ။ သို့သော်လည်း စိမ်း ဟာ ထိုအချိန်အထိ သွားမတိုက်ရသေးဘူး မဟုတ်လား ။ ထိုအတွေးရတော့ စိမ်းက ရေချိုးခန်းတံခါးဝသို့ပင် ရောက်နေပြီ ။
YOU ARE READING
ရွက်ကြွေ (GL-OC)
Romanceကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။