Unicode
"စိမ်း .. စိမ်း .. "
နားထဲမှာ တိုးသဲ့သော ခေါ်သံလေး ကြားလိုက်ရသည့်အချိန်လေးမှာ အားယူပြီး မျက်လုံးဖွင့်ကြည့်လိုက်တော့ မျက်နှာကြက်ဖြူဖြူကိုသာ မြင်ရ၏။
"စိမ်း သတိရလာပြီ"
လက်ဖဝါးမှ နူးညံ့သော အထိအတွေ့လေးကြောင့် ဘေးကိုကြည့်မိလိုက်တော့ ကြွေ့ကို အထိအခိုက်မရှိဘဲ တွေ့လိုက်ရသည်။
"အခု ငါတို့နှစ်ယောက်လုံးသေသွားပြီး
နတ်ပြည်ရောက်နေကြတာလားဟင် ကြွေ "
ကြွေ က စိမ်း ကို ချစ်စနိုးလေး ရှိလျှက်က "ဘယ်လို ထင်လို့လဲ" ဟု ပြုံးစစဖြင့်ပင် မေးလာသည်။ စိမ်းမှာ ခေါင်းသာယမ်းပြနိုင်၏။
"ဟုတ်ပါ့မလား စိမ်းရဲ့ ၊နတ်ပြည်မှာဆို
ဒီလိုအပ်တွေ ၊ဆေးပုလင်းတွေ ရှိမယ်ထင်လို့လား "
ဟုတ်သားပဲ ။ စိမ်း လက်ဖျံက သွေးကြောထဲမှာ ဆေးပိုက်လေးတစ်ချောင်း စိုက်ထားပြီး ဆေးပုလင်းထဲမှ ဆေးရည်တွေ တစက်စက် ကျနေသည်။
"စိမ်း သတိရပြီ လို့
ဆရာဝန်ကို သွားပြောပေးရမလား "
ဆေးရုံရောက်နေတာပဲ။ ဟိုလူတွေကရော ၊ ဘယ်လို ဖြစ်သွားကြပြီလဲ ။ ကြွေကရော ၊ ပုံမှန်အတိုင်း ပြုံးပြုံးလေး ရှိနေပုံက အထိအခိုက်အရှအနာ ရှိထားပုံမရ ။
"ကြွေ ခဏလေး
အခု ဘာတွေ ဖြစ်နေတာလဲဆိုတာ ငါ နားမလည်တော့ဘူး "
"ခဏနေရင် ရှင်းသွားပါလိမ့်မယ်"
ကြွေပြောသလို ခဏအကြာမှာတော့ အရာအားလုံးကို အထုတ်ဖြေပြဖို့ မထင်မှတ်ဘဲ ရောက်လာသူက ဝေ ဖြစ်နေသည် ။
"ဝေ နင်က ဒီကို ဘယ်လို"
ဝေက စိမ်းအနားကို သေချာထိုင်ကာ ပုံမှန်အသိစိတ် ဟုတ် မဟုတ် စစ်ဆေးသည်။ ပုံမှန်အတိုင်း ရှိနေပြီဆိုတာ သေချာမှ ဖြစ်ကြောင်းရယ် ကုန်စင်ကို ရှင်းပြရ၏။
"ဒီလိုဟာ
အင်း .. အဲ့ဒီအချိန်လောက်တုန်းက
ငါနဲ့ ကြွေ ဖုန်းပြောနေခဲ့ကြတယ်မှလား ၊ ရုတ်တရက်ကြီး ဘာသံမှ မကြားရတော့တာလေ"
YOU ARE READING
ရွက်ကြွေ (GL-OC)
Romanceကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။
