Unicode
"ဖေဖေ"
"ဘာလို့ အခုလို ဆုံးဖြတ်ကြတာလဲ "
တံခါးရှေ့ ရပ်နေသော ဖေဖေ့မျက်နှာတွင် မယုံကြည်နိုင်သော အရိပ်များကို တွေ့ရပြီး ယူကြုံးမရ နှမြောတသစွာ ပြောလာသည်။ သစ္စာဖောက်ခံရသူတစ်ယောက်၏ ဟန်ပန်မျိုး ။
"ဖေဖေတို့ သဘောမတူလည်း သမီးကတော့ ကြွေ့ ကို အဆုံးရှုံးမခံနိုင်တာမို့ ဒီလို သမီးမျိုး မလိုအပ်ဘူးဆိုလည်း သေလူလို့သာ သတ်မှတ်ပြီး
မမြင်ဟန်ဆောင်ပေးပါ ..ဖေဖေ "
"စိမ်း"
စိမ်းထံမှ ပြတ်သားလွန်းသော စကားကြောင့် ဖေဖေ့ကို အားနာမိသွားကာ လှမ်းဟန့်မိသော်လည်း ကြွေကိုယ်တိုင် နောက်ဆုတ်ဖို့ စိတ်ကူးများတော့ မရှိပေ။ ဖေဖေ့အတွက်တော့ စိမ်းဟာ ရူးမိုက်သော သမီးမိုက်တစ်ယောက် ဖြစ်နေနိုင်လည်း ကြွေ့အတွက်တော့ လောဘတက်စရာ ချစ်ရသူတစ်ယောက်မို့ ခေါင်းကို တွင်တွင်ငုံ့ထားမိသော်လည်း စိမ်း၏ လက်ချောင်းများကိုတော့ မလွတ်ဖြစ် ။ စိမ်းကလည်း ဘယ်တော့မှ ကြွေ့
လက်လွှတ်မှာမဟုတ်ဘူးဆိုတာ ယုံကြည်သည်။
"ဟင်း ..."
ဖေဖေ့ထံမှ သက်ပြင်းမောတစ်ခု ချလိုက်သံကို ကြားရသည်။ ဖေဖေ့ရှေ့မှာ အချိန်အကြာကြီး ရပ်နေရပါက ကြွေ အရှုံးပေးမိတော့မည်။
"ဖေဖေ သမီးတို့အကြောင်းကို သေချာလေး
စဥ်းစားခဲ့တယ် ။ ချက်ချင်းတော့ ဘယ်လက်ခံနိုင်ပါ့မလဲ ၊ သမီးတို့နဲ့လည်း စကားပြောချင်သေးတာမို့ လာခဲ့တာ အခုလိုမြင်လိုက်ရတာပဲ"
ကြွေ့ထံမှ "တောင်းပန်ပါတယ်" ဟူသော စကားကလွဲပြီး ပြောစရာမရှိတော့။ သို့ပေမဲ့ မှားသွားပါပြီဟူ၍တော့ ဘယ်တော့မှ ပြောမှာမဟုတ်တာကို ဖေဖေလည်း ရိပ်မိပုံရသည်။
"တခြားအရာတွေထက် ဖေဖေကတော့
ဖေ့သမီး နှစ်ယောက်ကို အဆုံးရှုံးမခံနိုင်ဆုံးပဲ
အဲ့ဒီအတွက် ဖေဖေပြောတာကိုသေချာနားထောင်ကြည့်ပြီးမှ ဖေဖေ့ အကြံအစည်ကို လက်ခံမလား ၊ အရင်အစီအစဉ်အတိုင်းဖေဖေ့ ကို ထားသွားကြမလား ၊ သမီးတို့ဆုံးဖြတ်ပေါ့လေ "
أنت تقرأ
ရွက်ကြွေ (GL-OC)
العاطفيةကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။
