Unicode
ခရီးက အသီးသီး ပြန်ရောက်ကြပြီးနောက်ပိုင်း အတွေ့အကြုံ ပြန်ဖလှယ်ကြမည်ဟု ပြောထားကြပေမဲ့ ကြွေ့ကို ဆက်သွယ်ရမည့်အရေး ဝေ တစ်ယောက် ချီတုံချတုံ ဖြစ်နေသဖြင့် ကျောင်းဖွင့်မှသာ ပြန်တွေ့ကြတာ ဖြစ်သည် ။
ယခင်ကလောက် မဆူညံဖြစ်တော့ပေမဲ့ ကြွေ့အနားမှာပင် ဆက်ရှိနေဖြစ်ခဲ့ပြီး ကြွေ့ထံမှ တစ်ခုခု ပြောင်းလဲလာခြင်းကိုလည်း ဝေ မြင်လာရသည်။
"ရွက်ကြွေ
ကျွန်တော်.. ရွက်ကြွေ ကို ချစ်လို့ အဲ့ဒါ "
တည့်တိုးကြီး ရည်းစားစကားပြောခံရသော်လည်း ကြွေဟာ အရင်လို တုန်လှုပ်မနေတော့ပေ ။ လုံးဝကို တည်ငြိမ်နေသော အသွင်ကိုဆောင်ကာ ခပ်အေးအေးပင် တုံ့ပြန်လိုက်၏။
"ဟုတ်လား
ချစ်နေတာများ ချစ်ပေါ့ ၊ ကိုယ့်စိတ်နဲ့ကိုယ် ချစ်တာပဲလေ ၊ ကျွန်မ တားလို့ရတဲ့အရာမှ မဟုတ်ဘဲ ၊ ဒါပေမဲ့ ကျွန်မကတော့ ပြန်မချစ်နိုင်တာ အသေအချာပါပဲ "
ယဥ်ယဥ်ကျေးကျေးလေးပင် ငြင်းဆန်သော်လည်း လူတစ်ယောက်ကို ကြွေက တစ်ခါငြင်းလိုက်တိုင်း ဝေ့မှာ နေစရာမရှိသလို ခံစားရသည်။ ဝေသာ ဖွင့်ပြောမိရင် ကြွေဟာ ဒီလိုပဲ ငြင်းမှာ မဟုတ်လား ။ သို့သော် ယောကျ်ားများကို ရှောင်မပြေးဘဲ ထိုကဲ့သို့ သတ္တိရှိရှိငြင်းလာနိုင်သော ကြွေ့ပုံစံလေးကိုတော့ ဝေဟာ ပို၍ သဘောကျရပါသည်။
"ကြွေ .. အရမ်းတော်တာပဲ "
ဝေက လက်မလေး ထောင်ပြသည့်အခါ ကြွေကာ မျက်နှာလေး မအီမလည် ဖြစ်သွားသည်။
"အဆင်ပြေတယ် မဟုတ်လား
တကယ်တော့ ငါနည်းနည်းတော့ စိတ်ပူနေတာ
တော်သေးတာပေါ့ .. အနားမှာ နင်ရှိနေပေးလို့ "
နင်ရှိနေပေးလို့ ။ ထိုစကားတစ်ခွန်းဟာ ဝေ့ကို အတင့်ရဲစေတာ ကြွေ မသိဘူး မဟုတ်လား။
"ကြွေ .. ငါလေ ... "
ဒွီ!!!
"ဖုန်းလာနေလို့ ခဏလေးနော် ဝေ"
ဖုန်းမှန်ပြင်က အစိမ်းရောင် အသည်း စတစ်ကာလေးကို ကြည့်ကာ ပြုံးနေသော ကြွေ့မျက်နှာလေးကို မြင်မှ ဝေဟာ သူ့စကားကို ဆက်မပြောလိုက်ရခြင်းကို ကျေးဇူးတင်မိသွား၏။
YOU ARE READING
ရွက်ကြွေ (GL-OC)
Romanceကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။
