Unicode
"ဒေါက်..ဒေါက်..ဒေါက်"
"ဘယ်သူလဲ ."
"ကျွန်တော်တို့ ဘန်ဂလိုလေးရဲ့ ဝန်ထမ်းတွေပါ လိုအပ်တာလေးတွေ လာ ပို့တာပါ "
ဘာကိုမှ မမှာထားပါဘူးဟု တွေးတောနေရင်းမှပင် ရည်မွန်သည့် အမျိုးသား တစ်ယောက်၏ အသံမို့ ဘာကိုမှ သံသယမရှိခဲ့သည်ကပင် စိမ်း၏ တုံးအမှုများဖြစ်၏ ။ ကြွေ့ကို ကြည့်မိတော့ ဝေနှင့် ဖုန်းပြောနေတာ မြင်လိုက်ရသည်မို့ စိမ်းကိုယ်တိုင်ပင် တံခါးထ ဖွင့်ပေးလိုက်မိသေးသည်။
ထိုလူများကို မြင်သောအခါမှာတော့ ကြောင်အမိသွား၏။ အခန်းရှေ့တွင် ရပ်နေသော ဝန်ထမ်းဝတ်စုံဖြင့် လူ နှစ်ယောက်ထဲက တစ်ယောက်ကို စိမ်း သိနေသည်ပဲ ။ ကြွေ့ကို သဘောကျလှပါသည်ဟု ဆိုကာ မိဘတွေခေါ်ကာ ရောက်လာခဲ့သူ။ ထိုလူက ဖေဖေ့ အထက်လူကြီး၏ သား ဖြစ်နေပြီး ဒီကို ဘယ်လိုရောက်လာတာလဲဆိုတာ သံသယ ဝင်မိချိန်မှာတော့ နောက်ကျသွားခဲ့ပြီ။
အခန်းထဲကို အလျှင်အမြန် ဇွတ်တိုးဝင်လာကြပြီး
ကျန်တစ်ယောက်က တံခါးကို ဂျက်က်ချလိုက်သည်။"ခင်ဗျား .. ဒါ .. ဘာလုပ်တာလဲ .. "
အိမ်မှာ မြင်ခဲ့ဖူးသလို ထိုလူ၏ လှောင်ပြုံးများကို ထပ်မြင်လိုက်ရပြန်သည်။
"ဘာတွေလောနေတာလဲ
သိချင်ရင်စောင့်ကြည့်ပေါ့ "စိမ်းကိုတော့ ထိုမျှလောက်သာ ပြောပြီး ကြွေ့ ကိုသာ တပ်မက်လွန်းစွာ ကြည့်နေ၏။ တစ်ကိုယ်လုံးကို ကြည့်နေပုံက ဝါးမြိုတော့မတတ်မို့ ကြွေဟာ သူကိုင်ထားဆဲဖုန်းလေးပင် လွတ်ကျသွားရှာသည်။ နေရာမှာတင် ကြက်သေ သေနေကာ ကြောက်လန့်နေသော ပုံစံလေးကို ဒီနှစ်တွေအတွင်း မတွေ့ရသည်ပင် အတော်ကြာခဲ့ပြီး ထပ်တွေ့လိုက်ရ၏။
"ငါ့လူကို
အဲ့လို ကြည့်စရာမလိုဘူး "ကြွေ့အရှေ့ ပိတ်ရပ်မိတော့ စိမ်းကို တွန်းဖယ်လိုက်ရာ အသာလေး လဲကျသွား၏။
"ဟာ နားညီးတယ်..
ဟျောင့် သားကြီး မင်း သူ့ကို ကြိုက်သလိုလုပ်လို့ရတယ် ပါးစပ်ပိတ်သွားရင်ပြီးရော ၊
ငါက ရွက်ကြွေကိုပဲ စိတ်ဝင်စားတာ သူလာမနှောင့်ယှက်စေနဲ့ "
ŞİMDİ OKUDUĞUN
ရွက်ကြွေ (GL-OC)
Romantizmကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။