Unicode
ပြောခဲ့ပြီးပါရောလား ။ ကြွေဟာ ငယ်ငယ်ကထက် အများကြီး ပိုလှလာသည့်အကြောင်းပေါ့။ဒါက သိပ်ထူးဆန်းသည်လည်း မဟုတ်သလို အခုမှ သတိထားမိခြင်းလည်း မဟုတ်ဘဲ ဟိုးအရင် ကြွေ အပျိုဖော်ဝင်စကတည်းက သတိထားမိခဲ့ဖူးတာပဲ ။ ထူးဆန်းနေသည်က စိမ်း၏ စိတ်ကလေးများသာဖြစ်သည်။
ဟိုးအရင် ငါးနှစ်သမီးအရွယ် ကြွေရောက်လာသည့် နေ့ကတည်းက နှစ်ယောက်အတူတူ တစ်ခန်းတည်းသုံးကြပြီး ဘယ်နေရာသွားသွား ခွဲခဲ့ရဖူးသည်ဟူ၍ သိပ်မရှိ။ကြွေက အိမ်မက်ဆိုးများ မက်သည့်အခါတိုင်းလည်း စိမ်းက ဖက်ထားနေကျပင် ဖြစ်သည်။ ထိုစဥ်ကတည်းက ကြွေ့ကို မြင်တိုင်း ကမောက်ကမ ခံစားခဲ့ရသလားဟု တွေးမိတော့ ထိုသို့မဟုတ်။ အမြဲ ဖြူစင်ခဲ့သည်ချည်းဟု ဆိုရလျှင် ဘယ်အချိန်ကစပြီး ပြောင်းလဲသွားခဲ့သလဲ မေးလျှင်တော့ တိတိကျကျ အဖြေဟာ ရှိမနေပြန် ။ သိသာသော အချိန်ကို ပြရလျှင် တစ်နှစ်တာလောက် ခွဲခွါပြီး ပြန်တွေ့ရသည့် အခုအချိန်ကိုသာ ဆိုရမည် ။ ထိုတစ်နှစ်အတွင်း ကြွေက အထူးတလည် ပြောင်းလဲ မသွားသော်လည်း စိမ်း၏ စိတ်ကလေးမှာ ပုံမှန်မဟုတ်တော့ပေ။ ကြွေ့ မျက်နှာလေး နီးကပ်လာသည့်အခါ စိမ်းရင်ဘတ်ထဲက တလှပ်လှပ် ဖြစ်လာသည် ။ အဲ့ဒါက ဘာလဲဆိုတာတော့ ကိုယ့်ဘာသာတောင်မသိချင်တော့သည်အထိ ထူးဆန်းလာသည်။
"ကြွေ ဘာလုပ်နေတာလဲ
... ဖယ်တော့ "ထူးဆန်းသည် ။ ထိုစကားကိုပင် စိမ်းမှာ မနည်းအားယူပြောလိုက်ရခြင်းဖြစ်ပြီး မောဟိုက်နေသလို စိမ်းအသံမှာ လေတိုးသံက တစ်ဝက်ဖြစ်နေသည်။
"ခဏလေး .. စိမ်း
အသံတစ်ခုခု ကြားရသလို မထင်မိဘူးလား
နားထောင်ကြည့်စမ်း ဒီနားလေးကပဲ တဒုတ်ဒုတ်နဲ့လေ "ဘုရားရေ ။
စိမ်းတစ်ယောက်သာ ခံစားမိသည်ဟု ထင်ရသော ဝဲဘက်ရင်အုံဆီက တဒုတ်ဒုတ်လှုပ်နေသည့် ထိုအရာလေးဟာ ကြွေ . ကြားနိုင်လောက်သည်အထိကို . အရှိန်ပြင်းပြင်း ခုန်လှုပ်နေခဲ့တာလား။ စိမ်း ခန္ဓာကိုယ်လေးကို တတ်နိုင်သမျှ ကျုံ့ထားဖြစ်သည် ။
YOU ARE READING
ရွက်ကြွေ (GL-OC)
Romanceကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။