Unicode
ဒီမြို့ကို စိမ်းရောက်လာဖို့ စိတ်ကူးနေခဲ့သည်မှာ ကြာမြင့်ခဲ့ပြီဖြစ်ကြောင်း ကြွေနှင့်ဝေပင် သိကြသည်။ သို့သော် ရောက်လာကတည်းက လွတ်လွတ်လပ်လပ် ပျော်ရသည်ဟု၍ မရှိသေး။ မလွတ်လပ်ဘူးဟူ၍ စိမ်းကိုများ ချုပ်နှောင်ထားကြသလားဆိုတော့လည်း ထိုသို့မဟုတ်ပြန်။ လွတ်လွတ်လပ်လပ် လျှောက်သွားခွင့်လည်း ပေးထားပြီး ဖေဖေ့မိတ်ဆွေဆိုသူကလည်း နေရာတစ်ချို့ လိုက်ပို့တတ်သေးသည်။
ဖေဖေ့မိတ်ဆွေမိသားစုဟာ အတော်လေး ချမ်းသာကြသူများ ဖြစ်သည် ။ တောအုပ်လေးတစ်ခုအနား သီးသန့်ဆန်စွာ တည်ရှိနေသော အိမ်ကြီးသည်ပင် ဟိုတယ်တစ်ခုအလား ကြီးကျယ်လှ၏ ။ အိမ်ဝင်းထဲ၌လည်း သစ်ပင် ၊ ပန်းပင်များဖြင့် ဘယ်နေရာကြည့်ကြည့် စိတ်ချမ်းသာစရာပင် ။ ဧည့်ဝတ်ကျေပွန်ကြပုံမှာလည်း အပြစ်ဆိုစရာမရှိ ။ တစ်ခုသာ ။
"ရွက်ကြွေလေး
ကိုယ်တို့ မြို့ကို ရောက်တုန်းလေး ဘယ်နေရာတွေရောက်ဖူးချင်သေးလဲ ကိုယ့်ကိုပြောလေ သီးသန့်လိုက်ပို့ပေးမယ် "ထို တရားခံဟာ ရောက်လာပြန်ပါပြီ ။
ကြွေ့အနားမှာ တောက်တဲ့တစ်ကောင်လို ကပ်တွယ်ကာ မျက်နှာရူးနေတတ်သူ ၊ ထိုသူဟာ ဖေဖေ့မိတ်ဆွေဖြစ်သူ၏ တစ်ဦးတည်းသောသားဖြစ်နေသောကြောင့်ပင် ဖေဖေနှင့်မေမေကလည်း ဒီအတိုင်း လွတ်ထားကြပေမဲ့ စိမ်းကတော့ နေမရ ။ စိမ်း မျက်ခုံးတန်းများ တွန့်ချိုးရလွန်း၍ သက်တမ်းတစ်ဝက်စာလောက် အိုစာသွားတော့မည်ဟုလည်း ထင်ရ၏။ ကြွေ့ကို ကြည့်လိုက်တိုင်း ကြွေကလည်း စိမ်းကဲ့သို့ စိတ်အိုက်နေပုံရလေသည်။
"ကျွန်မ
သွားချင်တဲ့နေရာ သိပ်မရှိပါဘူး "ကြွေက ခပ်တန်းတန်းပင် ဆက်ဆံသော်လည်း ထိုလူက မာနရှိပုံမရ ။ ဒုက္ခ ။ မိကြွေ လှရက်ပုံမျိုးနှင့်တော့ ယောကျ်ားသားတွေမှာလည်း ဒုက္ခ။ စိမ်းမှာလည်း တစ်ဒုက္ခ ။
"ကြွေ . ငါ
ဟိုဘက်ကတောတန်းလေးကို သွားချင်လို့
နင် လိုက်ခဲ့ပေးပါလား .. ငါတစ်ယောက်တည်းဆို ပျင်းလို့လေ "ထိုလူမမြင်အောင် မျက်စိတစ်ဖက် မှိတ်ပြလိုက်တော့ ကြွေက ပြုံးသည်။
YOU ARE READING
ရွက်ကြွေ (GL-OC)
Romanceကြွေကတော့ သူဟာ နင်းချေခံ သစ်ရွက်ကြွေလေးလို့ ဆိုပါတယ်။ ကျွန်မအတွက်ကတော့ ကြွေဟာ ကဗျာတစ်ပုဒ်ရှိတဲ့ စာမျက်နှာမှာ မြတ်မြတ်နိုးနိုး သိမ်းထားချင်မိတဲ့ ရွှေရောင် ရွက်ကြွေလေးတစ်ရွက်လိုပါပဲ ။