It's Complicated

Chapter 50: Vanilla Lace

Chapter 50: Vanilla Lace

Jane's POV

Pasensya kung hinintay mo pa rin ako, pero kailangan ko siyang puntahan para tigilan na niya tayong dalawa. Ayaw kong may gumugulo sa relasyon natin kaya sinunod ko lang ang gusto niya, pero I'm thankful kasi finally wala ng kaba sa dibdib ko at takot na manggulo sa atin ang babaeng iyon. Pero kapag nalaman kong may ginawa na naman siya hindi ko alam ang gagawin sa kanya, kaya ngayon gabing ito. Imomonitor ko ang mga kilos niya through her social media accounts at sa mga fans niya na kilala ko. Hindi na kita gigisingin sa pagkakatulog mo, I love you Kai. Hinalikan ko siya sa pisngi after kong sabihin lahat ng iyon sa isip ko. 

.

.

.

.

Kai's POV

Nagising ako ng maramdaman ang dampi ng malamig na hangin sa katawan ko, paggising ko nasa terrace pa rin pala ako. Tumingin ako sa wrist watch ko, 11:36 na ng gabi. Napalingon ako sa kuwarto, nandoon na si Jane kaya pumasok na ako sa kuwarto. Mahimbing na siyang natutulog sa kama habang yakap yakap ang unan na gamit ko. Sa sofa natulog si Caren, ewan ko ba doon ayaw matulog sa kuwarto. Kaya hindi ko na pinilit kanina kasi natulog na din siya.

Saan ka ba galing? Hinintay kita pero hindi ka dumating, dumating ka nga tulog na nga lang. May problema ba? Teka bakit ko ba siya tinatanong kung may problema e ako nga dapat ang sumagot niyan dahil sa problema na kinakaharap ko, haist. Sorry hindi ko sayo masabi, kasi ayaw kong mag-alala ka. Hindi ko pwedeng sabihin dahil ayaw kong masira ang career mo. Mahal kita kaya sana mapatawad mo ako sa gagawin ko, hindi ko din ito gusto kaya nagdadalawang isip pa rin ako. Kanina nang umalis ka, naghahanap lang ako ng bwelo kung paano ko sayo sasabihin, tinext kita pero hindi ka pumunta kasi parang may lakad ka, or should I say may kameet ka. Sino ba 'yun? Don't tell me nakikipagkita ka kay Ela? Pero bakit ka naman makikipagkita sa babaeng iyon e galit ka nga doon. Haist para na akong baliw, kasi sa bawat tanong ko ako din ang sumasagot. 

"Mahal na mahal kita tandaan mo 'yan." Pabulong kong sambit sabay halik sa tabi ng kanyang labi. Haist mamimiss ko ang labi niya. Palagi mo namang namimiss 'yan. Sambit ng inner self ko, napabuntong hininga na lang ako sa mga sandaling iyon, hindi ko alam kung tama bang sundin ko ang pagbabanta ni Ela. Pero kahapon ko pa pinag iisipin ng mabuti kung ano ba ang mga posibleng resulta kapag ginawa ko ang bagay na iyon, sumagi din naman sa akin ang magiging resulta kapag hindi ko ginawa. Kaya hati ang isip ko sa dalawa, at hindi ko alam kung saan ko ba ilalagay ang sarili ko. Pero ngayon, may desisyon na ako. At alam kong ito ang makakapagbigay sa akin ng satisfactory para hindi ka mag-alala.

.

.

.

Jane's POV 

Naglalakad ako sa isang lugar kung saan isang liwanang lang ang makikita, ang liwanang na tila isang street light, lumapit ako doon kasi kinakabahan ako sa simoy ng hangin at sa paligid. Nasaan ako? Kasi hindi pamilyar sa akin ang lugar. Nang makalapit ay biglang lumiwanang ang buong lugar, laking gulat ko ng makita sina Mommy at Daddy na nakangiti sa akin, nandoon din sina Caren, Venise, Trisha, Racel, Matt, Anton, maging si Tita Andrea, ang mga kaibigan ko, si Anne at si Skye maging ang terror teacher ko, halos lahat ng nandito ay kakilala ko. Sina Miss Hikari din, Lyn, Jaime, Erin, Rea at marami pa. Lahat sila ay nakatuon ang atensyon sa akin, nakangiti sila kaya napangiti din ako. Nang mapansin ko si Anne ay bumulong pa siya ng congratulation kaya napakunot ang noo ko, anong ibig sabihin no'n. Napatingin ako sa suot ko, isang gown na kulay cream. Hindi naman siya mukhang pangkasal kasi hanggang hita ang split. Na tila may pinuntahan pa akong event bago ako pumunta dito. Pero bigla akong may naalala, si Kai bakit wala siya dito?