رواية هوسي بإبنة عدوي (مكتملة بدارجة المغربية )

الاجزاء السابعة

🕎هوسي بابنت عدوي 🕎
♨️oumaima mega♨️
☠26☠
عليها و عطاتهااا لجراا و لكن غير بشوية باش مطيحش فيها و وفاء معنقاها مدورة يديها على عنقها و كتشوف في داك المطار بعينيها و كترمش مافهماش علاش ماماها كتجري و علاش تخباو من عمها و علاش لبسو هادشي الحاجة لوحيدة لي استنتجتها أنها هي و ماماها هاربين و لكن مناش معرفتش ........👌👌👌احم
بعد مرور ساعتين و نرجس هازا وفاء و كتمشا بيهاااا دازت من واحد الخلااا خاويي على رجليها الحمدالله مكانوش صحاب لحسنات اما ميعقلوش لا عليها لا على بنتها والشمش متسالكش دايرا خدمتها في هاد النهار مطنطنة كتمشا و عيااات كليااا و المشكل في هادشي كااامل وفاء نعسات ليها في كتفها هي حيدات الشد على راسها و غطات بيه راس وفاء على الشمش حتى وصلات لمنطقة فيها الفيلات تاهيا خااالية كتر من داك الخلااا و سيدة عيات بزااف ولات غير تجر في رجليها و دور في راسها و تليفون في يديها مرة مرة كيفيبري كتقفز كتشوف كتلقا أنيس هو لي كيصوني مكتجاوبش كتخليه يصوني و كتكمل هي في طريقها تتلقا شي بلاصة و تهرس لاكارط او تهرس تليفون و لا تشوف اش دير بيه حتى خرجااات لشارييع و لكن اينا شارع معرفتش بالضبط طموبيلات كيدوزو باستمرار و ناس تهما غاديين بزااف و لابسين جلالب و من لهيه كينين محلاات و فراشااات محطوطين في الارض و الغوااات أكيد هي فشي منطقة شعبية و لكن فين بالضبط معرفاش
الصوت : خيتيييي حيدييي من طرييييق .....دارت كتشوف لقاااات كروسة عامرة كرموس سايكها واحد و هابط في الهبطة وهو الكروسة كيجريو و تابعهم واحد بجرية عامر فموو زعبول و كيدويي : هاك تخلص في ربعة تخلص في ربعة ...حيدات من طريق و كتشوف فيهم جاوها فحال العجب اش وصلها هي لهادشيي فينك اسعد مشيتي و خليتها بوحدها وهو يصوني ليها تليفون تانيي و هي تشوف لقات انيس و هي تخبطووو مع الارض بعصاب
أنيس واقف في وسط الطريق و اي طموبيل واقفة او طاكسي مكيخرجش الا تيقلبوه و حاط تليفون في ودنو و كيحاول يصوني ليها : جاوبي انرجس جوبييي خرااااااا ....و خبط تليفوون مع الارض
أنيس : غنقتل مكووووم كاملييين لماااا لقيتوهااااش نرجييييس .....و دايرين بيه طموبيلات و كلاكسونيو دار ازمة تمااا
أما نرجس قطعات داك الشانطي و دخلات بين الناس في دوك المحلات و كتفكر اش غدير فين غتمشي معندهاش حتى لكارط بونكير و مغتقدرش تستعملها أكيد أنيس غيكون ضارب حسابو لهادشيي و هي داخلا بين الناس و كشابكة دنيا حتى كتسمع شي صوت انثوي كيدوي من وراها : لالة
هي سمعت لالة مبغاتش الدوور قلبها غيوقف
الصوت : لالة نرجس لالة....و هي تدور غير نص دورة باش تشوفها من التحت لفوق بنت لابسة كسوة طويلة طلعات عينيها كتقشع إيمان و هي دوور و بدات كتزرب و تخلط مع الناس و هي تبعتها و كيدفعوها الناس
إيمان : لالة لالة وقفيي عافاااك
نرجس كتمشي بزربة حتى خرجااات من برا المحلات من لهيه نيشان في الاحياء الشعبية دراري كيجرييو العيالات بالبيجماات جالسيين دراري واقفين في راس الضروبة كيتكيفوو قهيوة على قد الحال فيها الناس كيلعبو دامة هي شافت هادشي بقات كدور في راسها معرفات فين هي عمرها شافت هادشي طول عمرها في العز و أكل الوز بغات ترجع و هي تخرج ليها إيمان في وجهها
إيمان : لالة علاش كتهربي مني ...وهي تبغي تجاوزها و تمشي
إيمان : لالة شنو واقع اش جابك لهنا عطيني نهز ليك المدموزيل
نرجس كتحني راسها : لا لااا لاا حيدي انا غنمشي
إيمان : لالة شنو وقع علاش مرجعتيش للدار شنو واقع نقدر نعاونك انا خدامتك تحت يدك الالة كنت معاك منين تزادت لالة صغيرة وفااء غنعاونك عطيني نهزها عليك
نرجس كتشوف فيها بحدر مبغاتش الثيق و الدرية من عينيها باينا مفهما والو و هي تحط إيمان يديها على وفاء و هزتها من عندها حتى نرجس عطاتها ليها نرجس صافي عياات بالمزييان جلست في طروطواار و جامعة رجليها و تامن الجلسة راقية و دارت يديها على وجهها و بدات تتبكيي إيمان مفهمت والو جلست حداها و هي خاشية وفاء في الحضن ديالها
إيمان : شنو واقع الالة عاودي ليااا شنوووو واقع
نرجس : هيء هيء أنيس قتل ليا راجليي هيء هيء ...إيمان ضربتها ليها على الوجه مافهمت والو كيفاش أنيس قتل ليها راجلها لي هو خووه
إيمان : لا لالة قالوو بلي سيد انتااحر
نرجس كدير براسها لااا و كتبكي و حيدات يدها من وجهها : لا لااا حبيبي ميمكنش ليه انتاحر أنا كنعرف سعد مزيااان هو سيفط ليا رسالة في ايمايل و قالي بلي أنيس لي قتلو و قالي نهرب هيء هيء
إيمان كتشوف لتحت كتستوعب هادشي لي كتقول : لا لالة ميكونش هاد الايمايل غير لعبة ولا شي حاجة باش يتاهمو سي أنيس و يورطوه
نرجس دارت براسها لاا : داك الامايل هيء شخصي كنعرفو غير انا وياه هيء هيء وهو قالي نهرب ماشي نتابعو كون وصلني قبل مكنتش نرجع هنا لمغرب كنت نبقا تمااا ولكن انااا خايفااا بزااف لا يلقاني انا ووفاء هيء هيء منين دار في خوه هاكا اش غيدير فيا انا و بنتي هيء هيء مخصوش يلقانا و سعد قالي نهربو🕎هوسي بابنت عدوي 🕎
♨️oumaima mega♨️
☠27☠
إيمان : و كان كيبكي في الجنازة ديال سي سعد بكا بزااف (كتشوف في نرجس كتبكي و كترعد و باين فيها العيا بزااف ) نوضي الالة نديك لشي اوطيل ولا شي حاجة
نرجس : لالااا لااا لا مشيت شي اوطيل غيلقاني أكيد انا عارفاه هو سعد عندهم هاد السلطة
إيمان : ميمكنش كيفاش حتى غيلقاوك
نرجس : نتي مكتعرفيش السلطة ديالهم فين كتوصل و عاد دابا شد حتى الثروة ديال راجليي
إيمان : و غتسمحي فهادشي كاامل
نرجس : اللهمااا هاكاا ولا يقتلني انا وبنتيي غير خليني عطيني وفاء انا غنمشي نشوف شي بلاصة و لا شي حاجة
إيمان و هي تسمع الصوت لمعدة ديال نرجس : لالة واش كلتي شي حاجة نديك لشي ريسطو
نرجس مرضاتش و هي تحني راسها و قالت بصوت خافت : معنديش الفلووس ...و زيرت على يديها مسكينة لهاد درجة وصلات بيها غير مات سعد رجعات والو و مديراش حتى احتياط متوقعتهاش
إيمان : ماشي مشكيل اناا غنخلص خيرك سابق عليا الالة و لابغيتي تبقاي معايا حتى في الدار واخا ماشي مستواكم
نرجس : مكيهمش اهم حاجة نتخبا انا وبنتي
إيمان : هي القضية دتخبية كاااينااا في داك الدرب مكندنش واحد فحال سي أنيس ميمكنش ليه يفكر بلي وحدة فحالكم الالة غيجيو لهنت
نرجس : شكرا احبيبة معرفتش كيفاش غنقدر نرجع ليك هادشي والله (وكتبكي )
إيمان : معندك ماترجعي ليا الالة نتي وسيدي الله يرحمو كان فضلكم كبير عليا و هنا دابا كنرد فيها يلاه الالة يلاه جهدنا نمشيو
نرجس حنات راسها و ناضو بجوج إيمان هازااا وفاء و من وراها نرجس غادا و كتشوف جنابها خرجو من داك الحي شعبي و بداو كيدخلو في الدروبة لمضايقيين و كيدوزو على النااس و الشماكرية كلشي كيشوف في نرجس و هي غادا
الشمكار 1: ناارييي الكرووور دخلو عندنا اصحبيي
الشمكاار 2 مبوااق : الفرمااج اصحبيي ...هي كتشوف فيهم بتخوف و كتحني عينيها
إيمان : مخافيش منهم الالة انا معااك ...و خرجو من ديك الدريبة لقاو ثلاتة فحالها دخلات إيمان من درب الوسطاني كان مضيق شوية و باب كيشوف في في بابا و العيلات مسرحين رجليهم تما و المروات كيشطبو على الباب و البيبان محلولين كطلع منهم الريحة ديال الغداوات و الغوات و بشكليطة دايزا من تم كروسة فيها حمار راكب فوقها دري صغير كيجمع القراعي ...كدوز بيناتهم نرجس كلشي كيبقا يشوفيها حتى حشموها كااع حنات راسها وصلات قدام واحد دار مافيهاش الباب دخلو كانو تما دراري صغار كيلعبو و كيجريو كان أشبه برياض مي مخرب كلو بيوتا من الفوق و لتحت و البيبان كيتشابهو واحد حدا واحد اتاجهت إيمان لواحد دروج وحبسو الدراري الحركة و خرجات شي مرا لابسة بيجمة مطلعها تالراس و شادا من كراطة و كتشوف فيهم طلعات إيمان في دروج و من وراها نرجس هازا جلايلها و كتشوف في هادشي لي في شكاال هو يجي واحد الدري غير صغير شوية سمر مطلع راسو و كيشوف فيها و الضحكة و ريوكو سالو ودار ليها بيدو قلب : أي لوف يووو جو تييم ...و جاو دراري من موراه وييي وييي حميدة ويي اليي نرجس غير كتشوف فيهم صدموها بقات إيمان طالعة و هي موراها حتى وصلو لطابقة التانية ووقفات قدام واحد الباب علاين يتحيد من بلاصتو وهي دق و حلاات الباب كان الظلاام في ديك البلاصة
إيمان : مي مليكة
صوت من لداخل : إيماان جيتي دخلي ابنيتي دخليي
نرجس باقا كتشوف و هي دور عندها إيمان : دخلي الالة مي مليكة راني جبت معايا الضياف
مليكة : مرحبا بضيف الله دخلو ....و شعلاات إيمان الضو كان بيت صغيير بزااف صغر حتى من الحمام ديال وفاء الحيوط ديالو مصبغين بصباغة صفر نقشرة و كلو حصاير و فيه ربعة الفرشات وسطهم طبلة صغيرة و كبة ديال الكواش مطويين و جيها لوخراا كين بزاااف دالماعن و بوطة صغيرة و البيت فيه ريحة دالمرقة في القنت ناعسة مراا غلييضة بزااف و البشرة دايلها سوداء حازما راسها بزيف حياتي و خارج شوية الشعر شايب من حدا ودنيها و لابسة بيجامة طويلة غير شافتهم ناضت و ضحكت باين فيها الطيبوبة في وجهها
مليكة : مرحبا مقلتيش ليا الضياف كون خملت دنيا و قاديتها بدات كتمسح في الفرشة لي حداها
مليكة : مرحبا ...نرجس ردات عليها بابتسامة و لبات طلب ديالها حيدات السباط من رجليها و مشات جلسات حداها إيمان مشات قادت الفراش و حطاات وفاء تكمل نعاسها (هاد درية مفهمتش كيفاش ناعسة و هاد روينة دايرا بيها )
مليكة : مشاء الله ( شافت في إيمان ) واش كاورية
إيمان : لا مي مليكة هادي لالة نرجس لي خدامة عندها
مليكة : ااه لالة مرحبا بيك
نرجس : لا لالة نتي عيطي ليا غير نرجس
مليكة : غير سمحي لينا لقيتي هاد روينة
نرجس : لا لا بالعكس انا مرتاحة هاكا
إيمان دارت المقراج ديال الما فوق البوطة : لالة نرجس غتبقا معانا امي ملكة معندها فين تمشي
مليكة : وعلاااش ابنيتي شنو وقع على معاودت ليا بنتي إيمان بلي نتي بنت الدار الكبيرة
نرجس حنات راسها بحزن (كانت امي ملكة بنت الدار لكبيرة ) : راجلي مات و مبقا عندي والو لا باش نعيش لا والو ...و هي تجيها لبكية🕎هوسي بابنت عدوي 🕎
♨️oumaima mega♨️
☠28☠
و هي تعنقها مليكة و هي تخشي وجهها في كتف مليكة و بدات كتبكي
مليكة : صافي ابنيتي صافي نتي غتبقاي معايا هنايااا الوقت لي بغيتي مرحبا بيك دارك هادي ابنيتي الله ترملتي و نتي باقا زوينة و صغيرة ياربي صبري ليك صبري على ود بنيتك ابنيتي غير صبري
وفاء بدات كتفيق على صوت ملكة الجوهري الغليض و هي تحل عينيها كتشوف في الحصيرة خارج منها خيط و ناضت لقات راسها ناعسة على بطانية حرشة و هي تنوض لابسة ديك العباية و جوج فولارات فوق منها جلست و دورت عينها ليمن و ليسر و دارت شافت فيهم
وفاء: فين أنااا ؟؟
نرجس ناضت و كتمسح في دموعها و إيمان ناضت عندها
إيمان : مدموزيل فقتيي ؟؟
وفاء مطرطقة فيها عينها و هازا شلقومتها الفوقانية : فين انا و اش هاد البلاصة لمسخة
إيمان : مدموزيل فيك الجوع
وفاء : واش مكتسمعيش اش كنقول ولا راكي صماكيتي
نرجس غوتت : وففاااااء
وفاء و هي دور عندها : ماما فين اناا واش هاد البلاصة كي دايرا شو غير ريحتها ياااع
نرجس : وفاء غنضربك
مليكة : غير خليها ابنيتي ههه راه ممولفاش تبركالله زويونة تشبه ليك
وفاء بتبجح : واش كدوي عليااا ؟؟ من نيتك ...و هي تنوض ليهاا نرجس و جراتها من دراعها : اعتادريي منهاا داباااا
وفاء : اييي مامااا قصحتنييي اي هيء هيء
مليكة : غير خليها علييك ابنيتي راها ماقالت والو مسكينة
نرجس : لااا خاصهااا تعلم تحتارم راه مبقاتش كيف كانت باها لي كان حمينا صافي مااات ....هي كانت كتبكي و سمعت ديك مات برغم من الصغر ديال سنها ولكن كتعرف الموت
وفاء طلعت فيها راسها بصدمة : كيفاااش مااات
نرجس نزلت عندها و شدات ليها من دراعها : سمعي انا وياك لي بقيناا غير انا وياك باباك صافي مبقاش معانا في هاد الحياة وحنا مغنبقاوش ساكنين في ديك الدار غنسكنو عند موك مليكة مؤقتا بينا لقينا شي بلاصة انستقرو فيها انا وياك .....وفاء كدير براسها لاا و كتبكيي
نرجس : واخا تبكي ابنيتي مغيرجعش صافي مشاا صافي
وفاء : هيء هيء هيء لا لاااا هيء هيء لاااا لاااا ماماااتش....و هي تعنقهااا و بدات كتبكيي معاهااا جتى بكاو معاهم ملكة و إيمان
في العشية جالسين مجموعين على طبلة معمرين أتاي و الخبز ووفاء جالسا في الحضن ديال ماماها و باينا فيها باكية و متكية على صدرها (اصعب حاجة هي الموتة دأحد الواليدين )
نرجس : تاكلي حبيبة ...دارت ليها براسها لااا
إيمان : قوليليا امدمزيل لي بغيتيها نجيبها لييك
وفاء متسوقتش ليها و طلعت فيها راسها : يلاه نرجعو لدارنا فيها عمي و عمتي
نرجس : غير نساي ديك الدار من ليوما هادي هي دارنا
وفاء : لا لاا ميمكنش بغيت نرجعو لدارنا
نرجس : هاديك مبقاتش داركم
وفاء ناضت و كتغوت : لااااء انااا مغنبقاااش هناااا انا بغيت دارنا انا مغنعيش في هااااد الوسخ
نرجس : وفااااااء
ناضت ايمان و شدات منها : مدموزيل نخرج دوريي شوية
وفاء : حيدي يديك عليا اناا مغنعيش معاااك هنااا لبغيتي عيشي الراسك اناا بغيت نرجع لدارنا....و هي تنوض نرجس و هي تهز يديها تال سما و عطاتها ليها الحنك و هي تشدها إيمان
إيمان : لا لا الالة مدربيهاش ...وفاء شادا من حنكها و كتشوف فيها و كانفخ و تفش و غتبكي و هي تعنقها إيمان و خشاتها فيها كتبكي
مليكة : مضربيهاش ابنيتي راه ممولفاش هادشي
نرجس : لاء هي خاصها تعلم و تأقلم داك الايام ديال الفلووس و الفشوش سلااو
مليكة : لاحولة و لا قوة الابالله
إيمان : صافي صافي عفاك الالة متبكيش عفاك
وفاء : بغيت بابااااا ...و كتبكيي بحرقة مسكينة
اليوم التالييييي .......👌👌كلشي ناعس في الارض مليكة مجبدة لهيها و إيمان حداها و وفاء ناعسة حدا نرجس و كتهتهت مسكينة و الدموع و نرجس ناعسة جنب و كتشوف فيها : كيفاش غتأقلمي ا وفاء سمحليا ابنتي بزااف هادشي لي قدرت علييه كلشي على قبلك نتي ا حبيبة ...و عنقتها و غمضت عينيهااا
مع ثلاتة دالعشية تقريبا جالسة مليكة و كتعاود لنرجس على درب و الحارة كيف دايرين و تهدر ليها على الناس لي تما ووفاء تكبرت تاعيات على الماكلة في الاخر جات جلست في الطبلة و كلات الخبز و اتاي على قلبها هو لي كين هاد الساعة حتى دخلت إيمان لعندهم جايا سخفانة نرجس قفزت غا بوحدها
نرجس : مالكي ا ايمان يااك لبااس شنو واقع
إيمان داخلا و في يديها صويك : هههه والوو غير جايا هاربة عميمير سكر و جاي كيحيح حدانا و في يدو موس و انا سلت منوو
نرجس دارت يدها فوق فمها : اويليي
مليكة : ههه هادشي عادي عميمير هو هاكااا (هما يسمعو الصوت دخل لحاارة ديالهم )
عميمير : و دويو الحزاقة يدرب ديال الحزاااق مالكم تحزقو عليااا نوضو كاملين غن*ويكم اليوما واحد واحد ....وفاء مبرقة و دنيها و هي تمشي نرجس دغيا حطات يديها على ودن وفاء
مليكة : شتو دخل هنا دسر
إيمان كتحل في داك الصاك : هاهو غينوض ليه عيسى و يوريه تعربيط كيف داير هانا الالة جبت ليك كاع الوتائق ديال وفاء كيفماا طلبتيي ....كيسمعو الحيحة برا تحلفي عليها🕎هوسي بابنت عدوي 🕎
♨️oumaima mega♨️
☠29☠
الحرب نايضة
مليكة : غيكونو ناضو ليه الدراري غير طلقيها راه سكتو ...حيدت ليها نرجس يديها من ودنها و مشات تشوف الوثائق لي جابت إيمان
نرجس : مزيان دابا غنقدر ندخلها لمدرسة
إيمان : ماشي دابا متخيليش سي أنيس اش داير في الدار محيح بتقلاب عليكم
وفاء بفرحة ناضت : بصح عميي كيقلب علينا يلاه اماما نمشيو عندو ياك كين حتى فهد و عائلتوو (هاهيا غتجبد ليهم الفيلم ديال فهد قفزو بجوجات ) واخا بابا مكينش منقدرش نتخيل الدار بلا بابا ....نرجس و إيمان شافو في بعضياتهم يلاه غتغوت و هي تنوض ملكة واخا ركبيها ضارينها ناضت
ملكة : اح اح على ركابية وفاء تعالي نتفرجو في المضاربة
وفاء دورات وجهها ليها : اينا مضاربة ؟؟
ملكة : اجي و تشوفيها ....شدات ليها من يديها و خرجتها من الباب
إيمان : أكيد وفاء فاش غدخل المدراسة غتنساهم و غتبان ليها شي حاجة اخرى
نرجس : انا غنحاول معاها قولي ليا على أنيس
إيمان : اااه جرا على لالة سليمة (هي شدات من فمها ) و قالت ليا لا رجعتي نعطيك هادي و تتقوليك عيطي ليها ....عطاتها ورقة فيها عنوان في أكدير و نمرة تليفون
نرجس : ياكما قلتي ليها انا هنا
إيمان : لااا اويلي متخليش سي انيس ولا فحال الحمق كيغوت بسميتك و كيهرس في كلشي دخلت لبيتك باش نجيب ليك سنسلة و الخاتم لي قلتي ليا لقيتو مداير الوارد و الشموع في بيتك الالة و حاط كسوة دالعروسة و دار فيها تصويرتك و كاتب في الحيوط كامة سميتك الالة
نرجس : شنووو واش هادا حمق
إيمان : كاع الخدامات قالوليا بلي كان باغي يتزوج بيك الالة فاش ترجع
نرجس : هه واش من نيتو انا نتزوج بيه راني كنت مرت خوه زعمة
إيمان : معرفتش مهيم راه مريب دنيا
نرجس : و أكيد انشاءالله ميلقانيش ربي ينتاقم منو قتل ليا رجلييي
عميمير : واااا درب الحزاااقة كلكم حزاااقة ....مليكة ووفاء واقفين الفوق و كيشوفو من مورا الحيط كيشوفو واحد هاز موس و دايرين بيه قشلة ديال الرجال
وفاء طلعاات عينيها في ملكة : شناهيا حزاقة
ملكة : سميت الدرب ابنيتي
وفاء : كيفاش الدرب
ملكة : قوت الديوور و الحوانت كيتسماو درب
وفاء : اااه حنا كنا ساكنين في فيلاا مكانش عندنا درب و هادا مالو كيغوت
ملكة : سايب
وفاء : كيفاش سايب ؟؟؟؟
إيمان جبدت ليها سنسلة رقيقة الماسية و خاتم راقي ديال المرياج ديالها كتشوف فيهم بحزن
نرجس : حبيبي سعد
إيمان حطات يدها عليها : الله يرحمو مسكين الله يرحموو
دااااز شهر تقريبااا على هاد الحادثة إيمان مبقاتش رجعت للديك الدار و هي كتجمع حوايجها باش تمشي ليبيا عند ختها كانت كتخدم على هاد الاساس باش تجمع الفلوس ووفاء متأقلماتش مع الوضع بتاتا بنهار و ليل كتبكي بغا ترجع فحالها لعيشتها لحياتها لفهد أما نرجس كانت كتمشي لقياضات و المداريس باش تخليهم يقبلو ليها بنتها في المدرسة باش تكمل قرايتها حيت معندهاش الانتقال و هادشي صعب عليها المهمة أماا أنيس مبقاتش كتسمع عليه والو لا عليه لا على العالم ديالوو دابا عندها عالم جديد خاصها تعيش فيه و تحفضو مزيياان
وفاء جالسة حدا ملكة و باقا بنفس لبسة ديال الاول كاع : دابا صافيي حتى إيمان مشاات فحالهااااا
ملكة متكية على جنبها : أيه ابنيتي مشات لبارح فاش كنتي ناعسة
وفاء شداتها البكية : ولكن هي مودعاتنييش
ملكة : راها باستك و بكات علييك غير نتي مافقتيش بيهاا
وفاء: لاء لاء هيء هيء مكانش خاصها تمشي مكاانش عليها تمشيي فحالها
ناضت ملكة : متخافيش ابنيتي باقا معاك انا و ماماك
وفاء : ياك مغتخليونيش ياكوو فحال فهد و بابا و دابا إيمان
ملكة : و شكون غيخليي هاد الملائكة وحدها تعالي عندي ....تعانقوو هي وياها
نرجس راجعة لديك الحارة بديك العباية و طالون هما لي عندها مسكينة و غير مشيرا بشعرها و لكن باقا قرطاسة و زوينة راجعة فرحانة هو يوقف عليها عميمير سيد قلدة و باينا فيه قتاال كاع وجهو غرااز قدامها هي ولات كترعد
عميمير : القرطاسة ديال الضرب أش خبارك الزين مانشوفوكش ...حنات راسها كيفما وصاتها ملكة وإيمان و بغات تجاوزو هو يشدها من خصرها و دورها ولصقها مع الحيط و كيبغج ليها خصرها هي ولات كلها كترعد و كتحيد ليه في يديه
نرجس قلبها غوقف بالخلعة : ب ب عد منيي عافاك
عميمير : اححح على بعد مني كيف تخرج من فمك كيف لعسل من نهار شفتك و قلبي كضرددك ههه عاود دردك زيد درددك ....كتحاول تحيد ليه يديها و فمو كاسر دنيا شراب و هي كدور في عينيها ياربي تلقا شي حد يعاونها
الصوت : نتااا باقيي هنا طلق من السيدة ....دور راسو كان دري مفورمي و طويل و بيض و لباسو فحال دوك صحاب الطاليان لي كيكونو جايين من براا مربي الشعر واصل تحت ودنو و الكارو في الفم و خاشي يديه في جيبو يكون في ديك العشرينات فحال هوكاك
عميمر : مالك ا عيسى تاني راني جيت غير نشوف مرتي عندكم🕎هوسي بابنت عدوي 🕎
♨️oumaima mega♨️
☠30☠
عيسى دور وجهو لنرجس بانت ليه سيدة غتموت بالخلعة و لاخر حاط يدو على كرشها
عيسى : طلق من السيدة ا عميمر بلا صداع ولا ناري غيتفرجو فييك ليوما
عميمر حيد يدو منها و هي تهرب دغيا
عيسى : كنقول لموك قلب على درب الحزاق ولا غنخلطك يلاه دووك من هنا
عميمير : هاهو غادي ولكن شوف هاديك الزويونة ديالي تفاهمنا منلقاش شي ميخي حداها ....و مشاات هي طارت دغيااا لدار و دخلت مخلوعة كترعد
وفاء ناضت : مامااا جيتي
نرجس كتلتقط انفاسها : اووووف الحمدالله
ملكة : امدرا ابنيتي
نرجس ضحكت : ههه صافي قبلوها ليا في هاد المدرسة لي حدانا و قاليا نجيبها مع جوج باش دخل لقيسمها
وفاء : لااااء انا مبغيييتش نقراااا هنااااا بغيت مدراستيي
نرجس : وفااااء ....و هي دور و مشات تقنت و بدات كتبكيي
ملكة : لا حول الله راني رادا الغدا شوية نحط ليكم
نرجس شافت فيها بنص عين : اووف مع الجوج غنمشي نشوف داك المحل لي قلتي ليا علييه
ملكة : اه اه راه هدرت معاه برحت لولة و قالك غير أااجي هو غيخدمك تما
نرجس : ههه مزيان منها نيت نشري الادوات لوفاء و نجيبو التقدية راه مبقا والو تقريبا
ملكة : لي قسم الله غنكلووه
نرجس : مزيان و خاص وفاء تحفظ الطريق حيت من وراها غندوز نيشان عند هاديك السيدة لي مقابلة معانا لتحت
ملكة : شكوون ؟؟؟
نرجس : ديك المرة غيتة يمكن
ملكة : و اش غديري عندها نتي
نرجس : ههه قالت ليا نسيق ليها و غتعطينا الفلوس
ملكة : اويلي غتسيقي لغيتة لا لا بنيتي
نرجس : مي ملكة خاصني دروري نجيب لفلوس باش ناكلو راه علاين مايبقا والوو
ملكة : لا حول الله و حتى الصحة عندي مبقاتش انا انوض نحط الغدا
نرجس : غير خلييك امي ملكة انا غنحطوو وفاء دوزي لطابلة تاكلي باش نديك لمدرسة
ملكة : لا لا بنتي مغتعرفيش تحطي انا نحط ليكم ...و ناضت
نرجس دارت عند وفاء : اجي تاكليي
وفاء مربعة يديها و كدير ليها براسها لا و مغوبشة و هي تنوض عندها نرجس و جلست حداها
نرجس : شوفي ا وفاء هاد المدرسة زويينة بزااف انا شفتها حسااان من ديك للمدرسة لي كنتي كتقراي فيها هادي غتعرفي على بنات جداد و تلعبي معاهم في ساحة
ملكة : و توليي تلعبيي معاهم قدااام الباب
وفاء : اناا مابغيت نلعب مع حتى وحد انا بغيت مدراستي
نرجس : ميمكنش لا رجعناك لديك المدرسة و عرفةك ساكنة هنا و باباك مات شنو غيقولو عليك الفقيرة تبغيهم يعيطو ليك الفقيرة
وفاء طلعات راسها فيها وحلات عينيها و كدير ليها براسها لا
نرجس : شفتي تانا كنفكر فيك و سجلتك في مدرسة جديدة مكيعرفك فيها حتى واحد اش بان ليك ...حنات راسها كتفكر بلي هدرت ماماها صحيحة
مليكة : هانيي اولداتيي....حطات ليهم طبسييل عاامر عدس كيفور رييحتو عاطية
وفاء : يااه ريحتو زوينة ....و شدات معلقة و بدات كتاكل و نرجس كتشوف فيها و كتبتاسم كتحس بيها بدات تأقلم شوية الحمدالله ودارت عند ملكة لقاتها تهيا كتشوف فيها و كضحك ضربو دوك العديسات لي في الطبسيل و ناضت نرجس شادا من يدين وفاء و غادا بيها غتخرجها و كتقاد ليها في الكسوة
وفاء : ماما ماشي هاد الكسوة قدامت بزااف
نرجس : لا لا كتجيك زوينة بزااف دابا نشري لبنتي صغيورة وحدة اخرى ويتك ويتك على زيونات ديالي هههه و العوينات الخضرين ياختيي ....وباستها في حنكها و عنقتها وفاء بفرحة و قدات ليها شعرها و شدات ليها من يديها و غادييا بيها و كيدويو هبطت فيها من الدروج و هي تلقا غيتة مرة عريضة الفورمة المغربية عندها تكون في ثلاتينات و دايرا زيف حياتي على راسها عاكساه
غيتة : نرجس عنداك تنساي
نرجس بابتسامة : لا متخافيش العشرة نكون عندك انشاء الله
غيتة كتغامز عليها مع العيالات ديال تما : مزيان نيت واحد الطواليط عندي خاانزاا حاشاك تغسليها ليا
نرجس : ماشي مشكيل كنستأدن منك ....مشات جارا بنتها و كتسمع الضحك من وراها بالرغم انها مرضاتش حاولت تحافظ على الابتسامة ما امكن و مشات بالدرية
غيتة : هههه وهادي هي الكاورية لي قلتو
عيشة جات لعندها : ياختي لي شاف داك طالون و داك الشعر و العينين زورق يتصدم
حياة : هههه تانا عندي شي غسيل تجي تغسلو و نلوح ليها
ديك 20 درهم هههه
عيشة : ياختيي صدمتني كتبان شي حاجة هي وبنتها
غيتة : شي حاجة غتجي تسكن في الحارة عند مي مليكة الله يهديكم مهيم تسناوني نلبس جلابتي و نهبطو للسوق مجموعين
وصلات نرجس لقدام بابا المدرسة ابتدائية راكم عارفين لي كين بلامانوصف و كين مول لباني واقف على برا و العيل العيل كيطيير من تماا مع الطيور كين لي منقي كين لي مسخ كين لي داخل بالمرقة في فموو و في حوايجو كينا لي مشعكة مهيم الانواع و الاشكال
وفاء : واش غنقراا هنااا
نرجس : ااه تعاليي ندخلووو ....دخلت من الباب العساس خلاها تدخل راجل كبير مسكين و مشات دريكت الحراسة تما كان المدير واقف غير شافها جا عندها دغيا
المدير : هههه مرحبا مرحباااا هادي هي البنووتة (بغا يقرصها من حنكها و هي تبعد وجهها و شافت فيه بتكبر)