(ممنوع النشر او الاقتباس اية فكرة من افكار رواية حقوق النشر محفوظة من طرف التطبيق و اية وجود تطابق سيتم ازالة الحساب كليا )
ملخص
هو ملك في العالم السفلي ....هو رجل اعمال مجهول ارستقراطي .... اسمه بين قائمة النبلاء ....معروف باسم الريكس ... يتسم با...
🕎هوسي بابنت عدوي 🕎 ♨️oumaima mega♨️ ☠141☠ أصبحنا و أصبح الملك للله وفاء واقفة في دارهم قدام المرايا و كتشوف في شعرها لمسرح و كتقيس في البشرة ديالها الرطبة و كتشوف في ضفرانها مقادين الخلعة ركبتها مسكينة وجهها ولا صفر اويلي طلعات وجهها في المرايا الشفار لي طوال و مسكرين و الفم لي مداير ليه تحديد أويلي هادشي ميمكنش وفاء : أناااري عندك نكون فاش نعست تما تسكنت (البكية شداتها في عينيها ) اناريي ياميي هادشي مممملكة واااا ملللكة هيء ملكة ....ملكة دخلات مخلوعة للدار ملكة : مالكي اوفاء ...و مخرجة فيها عينيها وفاء دارت بتعابير باكية : ملكة شوفيييي هيء هيء يديي و لحميي ملكة شدت من يديها بخوف و مخرجة عينيها : مال يديك اناااريي وفاء مخرجة عينيهااا😭 : تسكاااانت شوفي يدي و شعري مصايب و لجمي رطب تسكاانت هيء هيء ملكة طلعت فيها بخوف : اعود بالله من شيطان الرجيم اجي اجي جلسي دابا نجيب تبخيرة تسناي ...بغات تمشي وهي تشد منها وفاء وفاء : لا الااا املكة متخلينيييش بوحدي ملكة بخوف : متخفيش ابنيتييي غنجي دابا غي بقاي هناااا وفاء كتشوف في حالتها و الدموع كيهبطووو صافي عند بالها الجنون لي ضربوهااا و لا شي سحر الله ياربي منين تسلط عليهم هادشي دخلت ملكة بجرية هازا مجمر مابين يديها موقد ووفاء باقا اتشوف في المرايا و تندب ناضت ملكة عندها ملكة : حيدي مضربيش وجهك راه سيفطت عيسى يجيب ليك شي تقاوت من عند العطار متخافي من والو وفاء 😭😭 : زعمة يكونووو سحرووونييي هيء هيؤ حيت غنتزوج ملكة : حيت غتخراي واخدا دمياطي غتكوني اتقاسيتي انا نشوف ليك شي فقيه يدير ليك روقية ابنيتي الله ياربي الله عيسى دخل : هانا ا ملكة هاهيا شبة و ااحرمل ثالتة معقلتش عليها بنتي وفاء مالكي ملكة ناضت عندو شدات من عندو تقاوت و مشا هو لعند وفاء شد ليها من وجهها عيسى : حبيبتيي وفاء مالكيي وفاء كتبكي و توريه : شوف شوف ا عيسى هيء شعري ولاا مسرح و لحمي رطاااب و ضفاريي مسيبيييين هييييييء عيسى باستغراب : كنظن هادشي مزيان لاا وفاء : ولاااا غير بوحدهم هيء هيء عيسى عنقها بخوف عليها : اعود بالله ...و دار عند ملكة لقاها جيبااا المجمر كيطرطق و حطاتو حداها و دارت قبضة في يديها و كدوزها على راسها ملكة : عين شابة في دابة عين درورة طيح في المطمورة عين دوزة في البدوزة ....ووفاء مخلوعة ملقيا ليها راسها ليها وعيسى شادها ماعلينا رجعو شوفات في ديك الساعة راه مكانتش غيتة أما تقوليهم ساحرة ليا الولدي ههههه ماعلينا بقات تخربق عليها تمااا زعمة راها مسكونة و ارتاحت كتحس براسها مزيانة الحمدالله ناضت لبست حوايجها بزربة و عيسى بقا تما كتبخرو ملكة دايز دايزا دوزة وحدة عاد خرجتها ملكة للطاكسيات بعدما ملكة تحلف و عيسى يحلف و لكن ملكة لي غلبت صافي خرجتها للطريق باش تركبها مجا فين وقفو في الطريق حتى وقف عليهم طاكسي سبحان الله تهما جاتهم من الجنة و الناس مع وفاء معطة دغيا دخلات في الطاكسي و جلست دريطسيو في إتجاه ديال الاوطيل و كتدوز بيديها على رقبة ديالها لي باقا رطبة بزاف وفاء بخوف : الحمدالله بدات تحراش مفعول ملكة كيقضي مول الطاكسي : قلتي شي حاجة الالة وفاء : ءءء؟؟ لا لا ماشي معاك مول الطاكسي : سمحليااا الالة وفاء باستغراب حيت كيعاملها باحترام زائد و الناس كيشيرو ليه و مكيوقفش ليهم هزات كتافها ماشي سوقها أصلا و دارت تتشوف في الشرجم و حاطة يديها على حناكها و كتستغفر الله وكتشوف في الطريق و من مورا الطاكسي هااالة من السيارات السوداء الخاصة بالريكس رسميا كترافقها حاليا ولات محجوزة مول طاكسي كان كيسوق بخوف شديد و حدر بزاف في القيادة ديالو مستدرك أن الشخصية لي راكبة معاه شخصية مهمة جدااا حتى وصلات لأوطيل في خاطرها خلصاتو شد من عندها الفلوس وهو حاني راسو حتى نزلت من تما مداتهاش فيه فعليا حيت كانت كل ساعة تقيس في رقبتها تشوف واش حراشت (الله يعطيني عقلك الالة وفاء ) طلعااات للخزانة تما لقات حنان واقفة كتلبس و تقاد في حوايجها و هي تخنزر فيها و كتفكر بلي هي نعست هنا بلا شعور أكيد غتكون دارت ليها شي حاجة وفاء : بقات في الحجاب حنان هزات راسها و دارت عندها كتشوف فيها : معاياااا ؟؟؟ وفاء : سحااارة ناري و نعرفك نتي لدرتيها مشيتي فيها من عندي غير مشاداكش متلبسة ....وفاتتها و دازت و حنان هازا فيها حجبانها كتقول مع راسها هادي مالها على هاد الصباح دخلت وفاء الخزانة كتبدل و كتنكرز و تعاير في خاطرها لبست حوايج الخدمة و شدات حويجها لخرين سدات عليهم باش مايقرب ليهم حد سيرتو حنان خرجت من الخزانة كتخنزر في حنان و حتى حنان ماشي من العاكزين تهيا كتهنزر فيها حتى تفرقو و كل وحدة مشات الخدمتهااا وفاء هازا مطريالها : انا تسحر ليا الكلبة الحمارة اناااا وفااء غير بلاتي نحصل عليك شي بلان بالله منعقل علييك بففف غنصبح على هاد الغواتي تانيي....هزات يديها دقااات واحد جوج و دخلات لعندو كان داك الراجل لمعصب نيت 🕎هوسي بابنت عدوي 🕎 ♨️oumaima mega♨️ ☠142☠ كان جالس في داك الكرسي و مخنزر و معصب وفاء كتلقا البيرو كامل تقريبا وراق كيرونووو مزيان نزلاات كتجمع فيه تحت من البيرو دوك الوراق كل نهار نفس الحالة كتبقا محنية كتجمع حتى كيتقسم ليها ضهرها حينت المشين مكتقدرش تحيدهم جاو تحت البيرو حتى ناضت و قالت سالات هو يغووت : اوووووو مييييغض(قفزها و كمش الورقة و رماهاااا في الارض جات حدا صباطهاااا) جمعييي دااااك الزبل ....هو كيخنزر فيها هي دارت ليه واخا براسها قبل ماتحنى تجبدها هو يتحل لباب بحدة و دخل منو ااريكس كيتمشى ببطئ في إمبراطوريتو و كيخنزر في هاداك العميل لي غير شافو ناض من الكرسي بسرعة ووجهو مخطوف و كيشوف فيه و حنا راسها : م مسيو الريكس ...وفاء تهيا تبلوكات كتشوف في الريكس و حلات فمها شوية بصدمة من دخولو المفاجائ الريكس بصوت خشن منكه بصوت بنبرة غضب : هزوووووو ....و عينو تحولت لكاغيط لي مليوح حدا صباطهااا هو شاف في الكاغيط ورجع شاف في الريكس وهو كيسري ليه الخوف بين عروقو : و و واخا اسيدي ...و نزل حدا رجليها هز لكاغيط و الريكس باقي كيشوف فيه من الفوق ووفاء كتشوف في داك العميل بنفس تعابيرها المصدومة عطاهم الريكس بضهرو و هو غادي متاجاه لباب : المرة الجايا غتشطبو نتا ....وخرج من الباب وفاء طلعت فيه عينيها فاش كان كيهدر و كيتاسعو عينيها إتجاهو فوالله لو لم تكن واقعة في الحب لعشقته لهاد القيمة لي صرح بيها ليها لمجرد اشتكت منو عليه كان قلبها كيتاخد منحى التسارع البطيئ و هي كتشوف فيه و كترمش بهدوء و الابتسامة على شفاهااا خرجت من تم حانية راسها و كتفكر في الستون لي وقع دابا كان بمتابة الحامي ديالها وهو سيد المكان و كيف هو الوحيد لي كان قدر انه يردها للخدمة من بعد الطرد و كيف أن حتى كلمة ما كتعلى على كلمتو ابتاسمت و تمشات كتكمل خدمتها بهدوء تاام حتى وصلات عندو كان المحطة الاخيرة بالنسبة ليها دقات دقاتها الرنانة لي اختارقت مساميعو و هو جالس على الكرسي حاط يدو على نادرو و متكي و مغمض عينو وهو على علم مسبق بلي هي صاحبة الادن و في شفاهو الابتسامة الخاصة لي كتحضر كلما تواجدت هي في المكان حلات الباب عليه بقا على حالو جالس كيستمع لوقعت أقدامها من جديد و حل عينو بشوية كانت دايزا و كتشوف فيه وهي تحييه براسها و الابتسامة على فمها الريكس بابتسامتة : وفاء كيف صحبتي مزيانة وفاء كتحل في المطريالديالها باش تبدا تخدم و الابتسامة كتسيفطها ليه : الحمدالله مزيااان امسيو الريكس : اجي جلسي وفاء بصدمة : ءءء؟؟؟ ااه واخا اسيدي ...خلات كلشي معادا المنشفة لي في يديها جايا و تعصر فيها بتوتر و جلست قدامو بطرف ديال الكرسي و هي كتبتسم ليه و كتحني راسها و كتنتاظر كلماتو بتوثر طلع فيه عينيها و تولي تهبطها تاني الريكس متكي على الكرسي و كيشوف فيه بنفس تعابير لديرهم : انا فرحان ليوما (طلعت فيه راسها و ابتاسمت بدون ماتنطق حرف هو شبك يدو فوق البيرو ) بفضل الموضفين دياولي المجدين تكلاصا الاوطيل ديالي هو الاول في افريقيا هي ضحكت ليه وفرحت مسكينة من قلبها ليه : اوو مبروك امسيووو الريكس كيضحك بتقالة : هاهاها شكرا صراحة بغيت نحتافل بهاد المناسبة و لكن ملقيتش معامن ميمكنش نحتافل بوحدي و قلت علاش مندعوش الموضفة المقربة ديالي وفاء تحتافل معايا هي جبدت فيه عينيييها و الابتسامة على فمهااا فرحتها ديك كلمة موظفة مقربة كتهضر بفخر : ههه أكيد امسيو لي تآامر بيها غتكون الريكس بابتسامة : ادن انا غنعرض عليك للعشا لهاد ليلة وفاء دارت ليه براسها ااه بابتسامة عفوية جميلة كتشبه ليها الريكس تهو رادها ليها بالمثل خرجات من تما وفاء و سدات الباب و هي شاردة الدهن كتفكر باببتسامة غتبدا تخدم دكائها سيد المكان كيعتابرها رفيقة مقربة بامكانها تستاغل هاد القرب من جهة يكون حامي ديالها في هاد الاوطيل بتالي مغيحديها حد ولا تمكنت من توطيد العلاقة تقدر تطلب من الريكس يزيد امير في ترقية باش يقدر يشري ابارطومو و ترضا عليهم ملكة الحاجة الوحيدة لي في راسها دابا الريكس بغا رفيق يونسو غتكون ليه هاد الرفيق تقدري ديريها اوفاء (الريكس ماشي بهاد البراءة يا حبيبتي ) و انطالقت في دربها تكمل العمل ديالها و خلاتو من وراها بابتسامتو المعتادة لي كتسعدو ووجه الكميرات ديال المراقبة ليها كيتبعها و هي كتمشا كي الغزال بين احضان الغابة الخاصة بيها هو يشوفها كتشوف يمين و يسار و سلكت طريق مختاصر على طريقها و كتسلت لبلاصة اخرى استغرب و تعابيرو وجهو تشنجو بهاد الاستغراب و بقا متبعها باش يشوف لفين غتوصل اتاجهات البيروات لخاصين بنزار و هو مترقبها خطوة خطوة حتى اتاجهات لبيرو ديال الانجينيور امير و تقادات قبل ما دخل و بهاد الحركات شعلت البركان الناري في قلب الريكس و قلب تعابيرو لغضب شديد هو كيشوف دخولها مابين عينيه لعندو كان شاد لاسوري🕎هوسي بابنت عدوي 🕎 ♨️oumaima mega♨️ ☠143☠ وفاء دخلت عند امير بابتسامتها المعتادة طلع عينو لقاها هي و هو يضحك امير : وفاء جيتي ؟ وفاء : ااااه ههه جيت نشوف حبيبييي (جات و جلست في الكرسي قبالتتووو وحطات يديها على البيرو و دارت تعابير صغيورة فحال شي قطيطة ) توحشتاااك امير كيشوف فيها مباشرة : هه تاناااا ...و كيبتاسم كيتبادلو نظرات الحب حتى تحل عليهم الباب على غفة وفاء ناضت بلاما تشوف وراها كتمسح في البيرو و حانية راسها نزار هو هاز حاجبو فيهم : اميير تبعني امير واقف من الكرسي ديالو حتى تهز من دخول ديالو : واخا اسي نزار انا جاي ....خرج نزار فحالو امير : انا غنمشي اوفاء نتلقاو من بعد ...وخرج تبع نزار و هي بقات حانية راسها و كطل تشوف واش نزار مشا باش تخرج الريكس كينفت النيران من صدرو المشتعل انفاسو لهبية حارقة هو مشبك يدو و تعابيرو جامدة جدااا بالاظافة لبعض لمسات عروقو لبارزة و اكتملت صورة الغضب الحقيقية هو كيشوف في كميرات المراقبة بنصف عينو و بسكون دفين كيدعو الخوف و انفاسو البطيئة لي كتحاول تدخل باش تسيطر على غضب الريكس المميت و كيحاول يستحضر باستمرار وجه وفاء البريء لي كيصدو يدير ليه أي حاجة حاليا لي تقدر تأديها او تبكيها مجرد تفكير في دموع غتنزل على خدودها لواحد آخر كتاكلو في قلبو اكثر خاص حتى ديك الدموع تبقى خاصة بيه بوحدو غمض عينيه والهاتف كيرن حداه بدون مايفتح جفونو السوداء الغاضبة استخدم يديه كليكا على البوطون باش يسمع محتوى الرنين نزار : الريكس كلشي تحت سيطرة الريكس على حالو كيهضر : مبغيتش نشوف كمارتو ليوما و لا مغنعقلش على موو نزار : الريكس تهدن انا غنتكلف بييه(وقطع ) اما سليلتة ديال وفاء فنوضت العوافي في قلب الريكس وغادة راجعة للخزانة كتسلت تانيي اييه عليك اوفاء بوحدك ديرا ايسطوار مكديري والو من غير غادا جيا في الاستراحة ......لمياء و منى و ماريا مطردكين في وفاء ودنيهم و كيشوفو فيها و مخرجين فيها عينيهم منى : اواااااه متقوليهااااش ماريا : واش ديك حنان حنان لمياء : ياختي لحجاااب ياختيي وفاء 😭 : اااه بغات تحمقنيي هانتو لحمي عاد بدا يحراش و ضفاري لي باقين مسيبيين هادشي خلعنيي لمياء : اعود بالله من الشيطان الرجيم خاصكي تفوسخي وفاء : تنتي كااع ملكة خنزتنا ليوما بالمجامر و تعويدتها الشريرة لي مزال كيتردو ليا في ودني منى : ااه الطقوس هادوك راه مزيانين وفاء : هانتو شوف كيف كتشوف فيحال العقرب ....دارو عندها كاملين بنفس تخنزيرة وفاء وسطهم قالت ليهم انا لي نعرف نخنزر و مفحالي حد وحنان جالسة بوحدها و دارت تشوف فيهم لقاتهم كيخنزرو فيها حنان : مال هاد القوم يخ تفووو منهم. ...وطولااات شوفة تهيا فيهم لمياء رجعت دارت لعندهم : ياختي محشمتش وفاء : هاديك غير عينيها سم منى تهيا دارت : حضي خوايجك اوفااء لمياء كتشوف في ماريا : صافي ا ماريا دوري وجههك حشومة مريا : لا وتقولي حتى نشوف فين غنوصل انا وياها مبغاتش تحني عينيها ياختي ....دورو ماريا بزز و كملو هدرتهم على نيت السحر و الشعودة و الرقية ياختي مكيتقداوش حتى سلات الاستراحة و كلشي رجع لبوسط ديالو وفاء مشات كضرب دورة تاني بتشطيبة داك العميل شد طريق المستقيم مهزش فيها العين حتى بيروه نقيي والله الوراقي حتى مجموعين في سلة الازبال دارت عليهم تاني كان الريكس مكينش في البيرو كنظن بلي في العشيات نادرا ماكيكون دوزات خدمتها و رجعت لخزانتها و بقات جالسة تماا حتى جات 6 كتبدل وكتفكر مقاليهاش الوقت واش تمشي توقف لتحت تسناه ولا تمشي عندو لبيرو الله وعلم لبسات حوايجهاا و قادات شعرها عاودت المكياج ديالها و خرجة هابطة و فرحانة تاني باغا تعرف تمشي لداك الريسطو الراقي لي باقي ليها في عقلها و تشوف الناس الكبار كيف عيشين و اش كيديرو بقات جالسة تما حتى فاتت ستة و عاد ناضت غتنزل من الاوطيل حتى وصلات لباب ووقفت تاني بعيد شوية كتسنا فيه يجي هو كان ديجا مأنسطالي طموبيل ديالو و جالس كينتاعش بالسيجارة ديالو بينما نزلت انثى الغزال الخاصة بيه حتى بانت ليه دايزا و غادا مبعدة على لباب ديال الاوطيل و غتوقف تسناه ابتاسم من جديد و سيحارتو في فمو و حط يديه لي فيهم ليكات الجلدية على الكيدون و انطلق بشوية في اتجاهها هي لمحت سيارة مغايرا على لي قبل كتقرب منها و هو قلبها كيزدح و عندها شك واش الريكس ولا لاا بحكم الجاجة كحلة و كتحاغظ على نفسها المضطربة لي كتمنعها للمرة الثانية انها تمشي معاه ولكن كتقنع راسها بلي هادشي راه عادي عشاء عمل بين موضفة و مديرها حتى توقف امامها و شعلتالبولة الداخلية لسيارة و نزل راسو بشوية و بابتسامة و تهي بدورها طلات عليه و ابتاسمت ليه الريكس : نمشيو ؟؟ ....دارت ليه ااه براسها و حلات لباب وطلعت و هي تفكر كيف مسداتش لباب و حزام الامان لي دارو ليها الموعد لي فات و هي تزرب دغيا سدات الباب و دارت كتجبد في حزام الامان و بغات تلصقو و تضغط عليه و متخشاش ليها كانت يديها كترجف بطريقة ما هو حاضي كل حاجة اش كديرها و لهفة لي دارتها فهاد للحظة و هو ابتاسمتو على وجهو لي ولات مكتفرقوش في حضورها حيد ليكات من يدو و حط يدو الدافئة الضخمة الخشنة على يدها الباردة الصغيرة بحميمة كتحسسهها هي احست بهاد لمسة غير عادية تسبات ليها في حراكات رعشوية وهو شاد من يديها و دخل بيهم الحزام و هي طلع فيه غير عينيها لقات نظرو موجه لعندها و رجعت نزلتها بخدود موردة و درجة حرارة عالية خاصة ان لمكان مغلق و بدات كتجبد يديها من يدو بشوية باش مايحسش بيها زاد في الابتسامة ديالو هو كيشوفها كيف باغا تملص منو هاد المشاكسة بلاما يحس زعمة بغا يلعب شوية مع اصابعها العالقة بين يدو و بين السدادة ديال حزام السلام جمع يدو و هز بيها صباعها و كيحكهم بين يدو و كيتحسسهم هي تهزات ليها يديها و من حدو كيتحسس ليها يديها كتزيد نسبة الرعشة و تنفس كيزيد تهو صدرها كيزيد يطلع و ينزل الريكس هو كيشوف في صباعها : دابا هاد صبعات مقدوش يدخلو هادي ...و طلع فيها عينو هي كانت كتشوف في يديها بوجه غير مريح وفاء بدات كتسرط الريق و كتحاول تبتاسم بزز : اااه هههه هادي هي القوة ديالي ....و كتجبد صباعها من يدو رخف شوية و هي تخرجهم عندها شداتهم و ابتاسمت ليه زعمة راه موقع والو عض شفاهو بابتسامة غتجننو مافيهاش بحركاتها الطفولية هي دارت كتشوف في الطريق و جمعت الضحكة مسكينة و كتويل بفمها🕎هوسي بابنت عدوي 🕎 ♨️oumaima mega♨️ ☠144☠ و ديمارا الريكس مخلي من وراه عجاجة في الطريق الرئيسيي المعاكسة للطريق لمدينة وفاء كتشوف من الجاجة و طلت من وراها اكتاشفت غادية باتجاه معاكس للمدينة هنا قلبها شد دقات صحاح كيشطح الشرقي احسن من نورا فاتحي و عينيها تجبدو و دخلو وتدور تشوف طريق لي غادين فيها هو شافها بنص عينو كدور راسها فحال دجاجة كتنقب وشادة من اليد ديال الباب خايفة هو عفط على الفران وزاد شوية في السرعة في الطريق ووفاء الله يكون في حسن عوانها على الافكار السيئة لي طاحو عليها و كتنفس بصعوبة بكترث الخوف لي ركب فيها و الطريق طوالت عليها حتى ختارق هاد اللبس هالة من الاضواء بعيدة شوية جات في الجانب الايمن ديال الطريق من حدهم كيقربو و هي كتوضاح الصورة أكثر ف أكثر و كيفما هو متوقع كان عبارة عن مقهى فخم في الجانب ديال الطريق بكل استثنائية كان مطعم مثالي حسن من الاول لا في شكلو الخارجيي لمضاء لي كيتكون من طبقااات كين الطبقة المختصة بالمطاعم و طبقة مختصة بلي كافي و الطبقة العالية نصف دائرية كانت عبارة عن نايت كلوب فييب فقدات وفاء الوعي و هي كتنظر لهاد الريسطو و كتهندس فيه و شفاها كتحرك بكلمة وااو و عيونها كتلمع و كتعكس داك الريسطو في عيونها انعطف يمينا و سلك مسار داك الريسطو لي من حدهم كيقربو ليه و كيبان في حجمو الضخم الحقيقي حتى وصلو امامو تقريبا الباب ديالو كان كبيير بزاااف مجرد وقف السيارة بدات كتضهر المعاملة الراقية لي تليق بمقام الريكس و الانسة لي معاه فتحو ليها الباب ووجهها باقي في دهول تاام خرجت من تما و هي كتشوف في داك الريسطو خرج الريكس و دوز المفاتيح للعامل لي كان محني ليه باحترام باش يأنسطالي السيارة في مكانها و اتاجه لوفاء من جديد حط يدو في خصرها دارت عندو بقفزة لقاتو مبتاسم ليها ردات عليه الابتسامة و زيديها من جديد معاااه دخلو تما كانت شخصيتو البارزة محط أنظار لجميع و هي بين يديه و كتحول تملص منها من ضهرها و لكن مستطعاتش كان مسيطر على الوضع كانت اصابيعو الضخمة مضغوطة على الجنب ديال الخصر ديالها باحكام و كان كيتمشى مشيتو المعتادة الملكية المتبخترة و هي أنثى حداه جمعو المزيج بين الرجولة الشهمة و الانوثة الرقيقة هاكدا كانت الصورة الخارجية اما الحقيقة فكانت هي مزيرة و دامة يديها عندها و مزيرة عليها و كترمش بزااف و كتشوف في يدو الدافئة على خصرها بالرغم من الملابس إلا انها كتحس بيها ككثلة يد بارزة و ساخنة بدات كتسرط الريق و الشعور الغريب المثير كستغلغل بين الحسات الهرمونية الخاصة بيها جا عندو العامل باحترام باش يوصلهم لمكان الحجز ديالهم كان كيمشيها بيدو و الابتسامة لآمنة مكتفارقش للشفاه ديالو هي كان الرد ديالها الوحيد عليه هي انها تبادلو بمثلها بالرغم من أن الوضع غريب هزات عينيها كتشوف في الناس و لي كوبل أنظارهم إتجاهها هي ويااه و كتسمع بأدنها المطلوقة همسات كتهتف باسم الريكس و كلام اخر كيتقال عليها على أنها على الاكيد أجنبية و زوينة بشكل كبير هادشي لي كيتقال عليها عزز من ثقتها في نفسها أكثر كانت كتبتاسم لوحديها و كتحشم عجبها المديح ديالهم ليهاا بزاااف حتى سمعات منين جاها الزين الريكس راه غير طلع ليها الجوكير تكون مع الريكس طلعت عينها باش تشوف شكون تلوات ليها رجلها كانت غطيح لولا يد الريكس لي كانت شداها و يدو الاخرى حطها على كرشها بضغط و هبط حجبانو هي كانت كتشوف لتحت في رجلها و طلعت فيه راسها و هي كتناخد بزايد من يدو لي في كرشها الريكس هو مقرب ليها الوجهها بشكل قريب جدااا جداا : واش نتي بيخيير وفاء كتحول تبعد راسها و تنفس ديالها بطاء و كترمش فيه و كدير ليه براسها أااه و فحال مرفوعة و يديها تحطت على يدو باش تبعدها شوية على الخصر ديالها هو ينزل غير عينو و رجع الابتسامة على شفاه ديالو و حيد يدو ورجعو لوضعهم الاصلي عاد ارتاحت و اتاجهو لبوابة لي من لهيه وفاء كتشوف و كتستغرب شنو واش يلاه دخلو غيخرجو و كتدور تطلع فيه عينيها كتلقاه غادي في هدوئو الصامت و تمعنت فيه مزيان و كتشوف هاد الشخصية لي كانت غير كتسمع بيها و كتخاف منها كان بالنسبة ليها فحال الخيال هاهو دابا في القرب ديالها بهاد الهيبة كلها و يدو على خصرها لي مقدرتش تجاوزها و بدات و تخشعت في النظر فيه حتى وجه النظر ديالو ليها و رجعت دورات راسها قدامها و طلعت ليها تزنيكة من نيفها هو زاد ابتاسمة على ابتسامة بدات علامات ضهور النتيجة عليها و مخلي لي حداه في حلبت مصارعة مع نفسها لوااامة أويلييي ا وفاااء اويليي باركا تحسي في السيد و تشوفي فيه اش غيقول عليك جمعي عينيك و جمعي احاسيسك الله يخلييك نتي كتبغي أمير مخاصكش تخوني حبكم واااو على منيظر ....دخل المنظر في أفكارها من بعد ماخرجو من ديك البوابة كان مكان منعزل على الناس مسيو الريكس مكيعجوبش الاختلاط بالعامة لي فيهم شوشرة بزااف اماكينو المفضلة دائما هادئة هاكدا دوقو في الحياة و البيانو خير دليل على دوقو الراقي المتميز🕎هوسي بابنت عدوي 🕎 ♨️oumaima mega♨️ ☠145☠ خرجو من داك المكان المفعم بالبشرية للتراس الخاص بالريسطوو مطلة على البحر لي كان مزين بحمورة المغرب ديال الشمس كانت تما مائدة محجوزة في إنتظارهم كينين جوج ديال الكراسة و الطبلة فيها زجاجة نبيد و كأسين ديال ااشراب و جوج ديال اطباق خاوية كانت المائدة مجهزة بطريقة خاصة جدا كأنه عشاء رومنسي وفاء فاتحة فمها بشوية و كتشوف في ديك المائدة لي جات في موقع مريح للنفس بشكل راقي وهادئ وواقفة حدا الطبلة إمرأة منهدمة كتحمل آلة الكمان بين يديها و مغمضة جفونها و كتعزف آلحان هادئة بقات واقفة مكونسية كتشوف فيها لوما زيدهاش الريكس بشوية باش تتحرك حتى وصلو لطبلة و داك العميل هو لي زيد الكرسي بشوية باش تجلس سيادتها و جلس قبالتها الريكس وهو كيشوف فيها كيف كتدور في عينيها و تشوف في هاداك العميل لي كيحط ليهم الموني قدامهم من جديد شبك يدو وهو كيتأمل فيها العميل حط ليهم و نساحب و هي شافت في الريكس و ابتاسمت هز هو الموني و هزو تهو و تكى على الكرسي كيدوز غير عينيه على الاطباق و طلع عينو فيها كيشوفها كيفاش عاقدة حجبانها و كتشوف في المني بحرص شديد و هي كتختار بغا يكسر هاد الصمت و ابتاسم الريكس : وفاء ....طلعات فيه راسها و مجبدة فيه عينيها وفاء : نعام ا مسيو الريكس حط الموني و شبك يدو فوقو و كيهدر بهدوء ممزوج بصوت الكمان : المرة لي فاتت انا لي خلصت هاد المرة نتي لي غتخلصي ....و هز فيها حجبانو هي غير سمعت هاد البلان قلبها وصل لرجليها و ااركابي تحشو ودنيها تصدعو حطت الموني من يديها و طلعات راسها و كتشوف في جنابها ووجها تخطف لونووو هرب مبقاو لا ملامح لا والو و يدها خشاتهم تحت طبلة كتحسب السوانت لي عندها لي اغلبيتهم دراهم و قلبها كيضرب بجهد و هي كتشوف في هاد المكان الغالي بزاااف واش غتقد تخلصو و هي مكملاش عندها حتى 100 درهم صحيحة رجعت تشوف في الموني تاني و بدات تعرق المنظر ديالها كان فعلا كيضحك كان الريكس كيشوف فيها ببشاشة و ابتسامتو مسطرة على هاد البنت لي كيشوفها كدور راسها في جميع الاتجاهات و كترمش بسرعة و الوان الطيف دازو ليها في وجهها و دور دور و تشوف في المني حتى كيتفاجئ بيها طلعت عينيها على الموني ديالو و حطاات صبعها على شي حاجة ب 50درهم وفاء مجبدة حجبانها و الخلعة و المركة مسكينة : خ خود هادي ز زوينة بزاااف الريكس هبط عينو بهدوء و كيشوفها فين حاطة صبعها و طلع راسو فيها : واش على قرعة دالماا وفاء طلعت فيه عينيها لي مطردكاكهم : ءءء ؟؟ هادي قرعة الماا...وهبطات عينيها بصح هادي قرعة الما اويلي اميمتي اش غدير وهي غير قرعة الما ب 50 درهم ربي ربي ما شي حد يعتقها كتسولو على الريكس كان مستمتع لحد نخاع بهاد الردة ديال الفعل العفوية لجميلة لي بدرات منها لخرجات جزء من شخصيتها الحقيقية لي على وشك أنها تبكيي في اعماقها كانت كتنادي باش غديير ياربيي قرر يرحمها شوية هو يبتاسم الريكس : غير كنضحك معاك حشومة تكون اونثى زوينة و نخليوها تخلص طلعت في عينيها و بدا لونها كيرجع لمكانو لأصلي و روحها كترجع لي ستقرارها لعادي ضحكت مسكينة بعد سماعها هاد الكلمات : هه خلعتيني امسيو الريكس الريكس كيضحك بثقالة : ها هاها انا اختاريت ليك الاكل كنتمنى يعجبك ...هي باقا كتشوفيه كتستوعب اش قال و هو يوقفو حدا الصربايا وفي يديهم كروسة فيها أشهى الأطبااق الفاخرة ديال مختلف البلدان كان على قائمتها شرائح ديال لحم المقدد بطريقة راقية و طبق ديال معكرونة بالسوس البيضا مطهية بطريقة اطالية و طبق الحساء المتنوع المطهي بالطريقة .
Oops! This image does not follow our content guidelines. To continue publishing, please remove it or upload a different image.
الاسوية بالاضافة لأعداد هائلة من الاطباق الجانبية المتنوعة و عاد مشروبات لي مصاوبة بطريقة محترفة تحت الطلب كانت ديك المائدة متنوعة بكأكلها و رائحتهم كتشهي بدون سابق إنظار وفاء سرطات ريقها و هي كتشوف في ديك الاطباق و معدتها استعدت على اكمل وجه انها تستقبل كاع دوك الاطباق بجانبيتهم بكلشي ليهم عاد جابو ليهم كروسة وحدة اخرى فيها أشهى الحلويات و الميلفوي مقادين و مستفين بطريقة منظمة و استأدنو الصربايا و تحناو باحترام و توجهو لخارج الى كنتو كتسولو على وفاء فراها في الجنة احساسها لا يوصف بالسعادة عينيها كتحرك من الاطباق للحلويات باش غتبدا يا إلاهي حتى قفزها صوت الريكس الخشن الريكس : كولي ....و هز الفرشيط و الموس و هز شريحة من الطبق الرئيسي و حط فوق الطبق ديالو تهيا زعمت و استأنفات الاكل و لكن هاد المرة كانت حدرة في تعاملها كانت مستحضرة الريكس امامها كانت فيما كتدوق شي حاجة من الاطباق كتعبر على إطرائها بكل صراحة كانو فعلا اطباق فاخرة لديدة بشكل لا يوصف و الريكس كياكل من أي حاجة شكرتها كأنه عمرو مداق طاعمها بالرغم من أن هادو كانو أطباقو المفضلة و حب أنه يشاطرهم معاهاا فاش سالا هو تراجع للور بكل روقي هز منديل بيض و مسح بيه فمو و مر القهوة ديال المرة كان إنسان مكيبغيش الحلوى بصفة عامة على عكس الانسة لي معاه لي دارت لحلوى و تدوقت تقريبا نصها قبل ما تصاب بتخمة و ثقل عليها كرشها و ترجع للور بهدوء و بلاما تبين الريكس : كنتمنى يكون عجبك دوقي وفاء بابتسامة : اه اه هه هادو احسن ماكلة دقتها فحياتي ثيقني امسيو عمري كليت فحالها الريكس بابتسامة و الفنجان في يدو : كيفرحني نسمع هاكا من عندك بشكل خاص جا العميل بالقرب منو وحط ليه في الطبلة قدامو و هو حاني راسو حط ليه واحد البواط حمرة بالدان صغيرة مربعة قد طولها قد عرضها و انساحب العميل وفاء كتشوف في ديك البواط المسدودة و طلعت عينيها في الريكس ..
