رواية هوسي بإبنة عدوي (مكتملة بدارجة المغربية )

133

🕎هوسي بابنت عدوي🕎
♨️oumaima mega♨️
☠697☠
أصبحنا و اصبح الملك لله
قصر الريكس في حالة هيجان صباحي ...و تحركات كثيفة كيستاعدو للحفل ديال الليلة لي غادي يتقام في القصر ...سعاد مشات الصباح بكري و هزات الحفيدة ديالها طبعا بعدما خدات الادن من وفاء بخصوص هاد الامر باش يمشيو عند احد المصممين لي كتعرفهم حيت مراقش ليها الفساتين لي جاوها البارح ...و الخدم في حالة عمل كثيف و هما كينفدو الاوامر ...خرج الريكس من الغرفة ديالو و حواجبو على الانقضاد ديالها و كيقاد في الساعة ديالو و كيحول عينو في الارجاء حيت فاق و ملقاش الوفاء ديالو ....نزل كيتمشى بهدوء و هو كيحول العيون ديالو و بشكل منقض كيبحث عليها ... حتى بانت ليه شقرائو كتمشى مع رفيقة و كتهضر هو يستبشر بهدوء . وفاء دارت للعندو و خلات رفيقة و مشات للعندو بابتسامة باش تعنقو و تبوسو و تكون شخص لوحيد لي كيحتاضنو عاد يمشي للعمل ديالوطبعا مع تأكيد  على انه يرجع بكري
في العمارة ديال نزار ... كانت العلاقة الصباحية بين الصهباء و نزار كيعم فيها السكوت و اختلاص النظرات للجانبية و حتى ركوب ديالهم في السيارة كان كتعم بيناتهم قنبلة الصمت ...كانت دفنة كتشوف في الشرجم و نزار يدو و عينو على امام السيارة و قلوبهم كتنبض لكل وحد فيهم باسم الاخر ....بقا الامر غير مسألة كبرياء و غرور و ماضي سيء خلفو تركان آغا
في الفندق ديال تي إيس ....كانو كل من لمياء و ماريا كيعنقو في منى و كيباركو ليها بفرح انها تخطبت من أمير و كيضحكو قبل ما يلتاحقو بأماكن ديال العمل ديالهم ....نرجس كتمشى في العلية القصر و كتهدر مع خبيرات التجميل باش يكونو للعند السيادة ديالهم و سليمة كتساعد وفاء باش يلقيو الاوامر على الخدم و يشوفو في الامر ديال الحفل ليلي ....كان هادا هو المجمل و الخلاصة ديال اليوم ديالهم قبل من الحفلة
و مع بزووغ لليل و تحت هاد السماء لي بدات كتلون باللون الاسود القاتم ....إشتاعلت اضواء القصر الفخم ديال الريكس و تفتحت ابوابو الخارجية و الحديقة الكبرى للقصر تزينت باضواء الحفلات و مائدات عاليين منتشرين في هاد الجردة و العديد من الموائد لجانبية لي كتحمل اطباق رئيسية و معجنات و حلويان بشتى الانواع وعلى كل مائدة كان واقف واحد من لي شيف كيقدم الاطباق و تقامت بناية صغيرة مختصة بانواع الخمور واقف فيها نادل هو لي كيصنع هاد الخمر و الخدم و الخادمات اسطفو بلباس موحد منزلين الرؤوس ديالهم للاصحاب النفود و الطبقة المخملية ....على البوابة كانت حراسة مشددة على البوابة و انهالو السيارات العريقة لاصحاب النفود للعالي كيختارقو هاد البوابة و كيقدمو بطاقات الدعوة لخاصة بيهم مع مراقبة شديدة للوجوه ولهدايا ديل ضيوف و كيتوجهو للموقف السيارات تحت الارشاد طبعا ....عاد كينزلو من بعدها و كيتمشاو على البيساط الاحمر النساء بالكعب العالي و الرجال باحدية انيقة و نرجس و سليمة و سعاد في استقبال للحضور بابتسامات و فساتين راقية و كيلمعو تحت اضواء الالماس ....بدات كيتمتالئ الحفل باصحاب رؤوس الاموال و سيدات العالم الراقي مزينين بابهى الحلل و بدات القهقهات ديالهم كتبت على الوجود ديالهم بدات حركات النادلين بيناتهم كيقدمو ليهم كؤوس الشامبانيا تحت موسيقى الكمان العريقة و عزف البيانو و فرقة مسيقية كتكون من العشرات ديال العازفين كيطربو المكان ... بدا التوافد ديال السيارات الكثيفة و دخلت عبر الباب سيارة سوداء قاتمة كتخص عيسى لي كان جاي بكوستيم و متأنق و شعرو مقاد على طريقة عصرية انيقة و كتبان عليه الوسامة و ساعة اليدوية الفضية و الرائحة الرجولية لي كتفوح داخل السيارة ديالو
و كان من بين الحضور حتى الطبيب صهيب لي نزل من السيارة ديالو لي مركونة في احد ممرات هاد للحديقة الواسعة خرج منها بابتسامة جانبية و كوستيم انيق ابيض كيبرز على المكانة ديالو و مطلع حواجبو كيشوف في الارجاء و تمشى في اتجاه المكان ديال الحفل
أمام العمارة ديال نزار ....واقف هاد الاخير كأنه نبيل خارج من احدى قصص النبلاء بملابس انيقة مختصة بالسهرات و منزل الحواجب ديالو و شعرو على هيئة انيقة رفع الحاجب ديالو و نزل راسو و طلع يدو كيشوف في الساعة و اليد الثانية في الجيب ديالو تعطلات عليه
نزار رفع راسو بانزعاج زفر الهواء : تعطلت بزااف
صوت دفنة من موراه : انا ساليت ... نزار طلع راسو و استدار على اثر الصوت ديالها تفكت العقدة لي بين حواجبو و طلعهم شفاه ديالو انفاصلو على بعضهم بانبهار و عينو كتعكس الخروج ديالها من البناية و حيد يد ديالو من جيبو لا اراديا ...بحداء كعب عالي و بفستان ليلي مثير و مكياج مظبوط بطريقة مثالية و كتمشى للعندو حتى هي كان عندها نفس التقييم على الرجولة لي كيبان فيها رفعت الحاجب ديالها و هي كتنزل عينيها مع الهيئة ديالو ...هو حدث ولا حرج دار ابتسامة طفيفة و مد اليد ديالو ليها و بطريقة نبيلة كيهضر : ممكن نساعدك ...دفنة وقفت قدامو و رفعات حاجبها بابتسامة جانبية و حركت راسها بالايجاب و هزات يديها بهدوء و حطاتها فوق اليد ديالو و هو جمع على يدها الاصابع ديالو احتاضنهم ليها
في القصر ديال الريكس ....كانو من بين السيارات لي كيدخلو سيارة من سيارات الريكس العديدة كيسوقها سائق و الداخل فيه صديقات وفاء ....ماريا و لمياء كانو لابسين ملابس السهرة الخاص بالحفلة عينيهم خارجين في الامام و مجبدينهم من بعدما اختارقو البوابة الكبرى كيشوفو امامهم القصر ديال الاحلام كان فخم فحال شي قصر ملكي و استدعاوهم لهاد الحفل ...دخلو عبر الممر و كيشوفو في الارجاء على هاد الحديقة الشاسعة لي تزينت بالاضواء و وجود الحراسة
لمياء مجبدة عينيها بدهول : واااااو على قصر تخيلي قلبيي كيضرب بزااف
ماريا بنفس الابتسامة كتشوف في هاد المكان باندهاش : ووااااو ههه فين عيشة صاجبتنا ...و دارو عند بعضهم كيضحكو و كيوسعو الابتسامات ديالهم......يتبع