رواية هوسي بإبنة عدوي (مكتملة بدارجة المغربية )

141

🕎هوسي بابنت عدوي🕎
♨️oumaima mega♨️
☠729☠
دفنة كتشوف فيه و كلامو كيختارق الادان ديالها و عينو في عينيها ابتاسمت : شكرا
نزار بهدوء : غادي نخليك دابا اية حاجة بغيتي الكارد كينين لتحت و تيقي ان حتى حد مغادي يآديك هنا ... حركت ليه راسها بالايجاب و بابتسامة هادئة

في الميناء ....جالس عيسى متفطح في جلسة في اليخت لابس غير شورط و مجلس حداه لمياء مغطية غير بفوطة و شعرها فازك و مجموعة على راسها و منزلة راسها بالحشمة و عاضة شفايفها و مخبية وجهها بين شعرها
عيسى كيشوف فيها و كيضحك : ههه دابا مغتورينيش وجهك هه واش غتحشمي مني هههه ... طلع يدو باش يحيد ليها الشعر على الوجه ديالها : لمياء (لمياء طلعات فيه غير  عينيها وهو يتنهد ضرباتو على القلب ) لا مت بالقلب نتي سبابي (و هي ضحك و ضحك حتى هو معاها و غير كيشوف فيها ) شفتي دابا انا نيت كنتسنى غير هاد ضحيكة ندوزو نهار اخر ...و غمزها لمياء طلعت فيه راسها و جبدات حجبانها : لا لا ليوما دريب الصداق عند صاحبتي و خصني نمشي لعندها
عيسى : و تخليني انا ؟
لمياء : لا ماشي هاكا لا بغيتي ما نمشيش ما غاديش نمشي
عيسى : ههه يخليلي لي كيسمع الهدرة مغاديش نحبسك بلعكس نوصلك لعندها لا بغيتي ....لمياء ابتاسمت ليه و نزلت راسها لارض و كتلعب بيدها كتسناه يهضر على خطبة عرس أية حاجة باش تضمن راسها

في الجمعية .....دخلات وفاء كتمشى لداخل البناية و لباسها متأنق و عملي و هازا في اليد ديالها حاقيبة في قلب حقيبة و حدة فيها لوازم وئام و وحدة فيها اللوازم ديالها الخاصة و هازا وئام في اليد ديالها و كوثر في جنبها الايمن و الكارد في الجنب ديالها الايسر ... كانت كثالينا واقفة بانتظراها و بابتسامة كترحب بيها و حتى وفاء بادلتها الابتسامة
كانو النساء جالسين في قاعة الاجتماع و كيهضرو ببطئ
سامية كتهضر بطريقة هادئة : انا كنقتارح اننا نرسلو تبرعات لهاد المراكز و غادي يتحل المشكل
السيدة 1 : حتى انا رئيي من رئي السيدة سامية ...تفتح الباب و دخلت منو كثالينا و معاها وفاء هازا وئام ...تمشاو بهدوء تحت الترحيب ديال النساء و انضمات ليهم وفاءو جلست في المائدة و قدامها الطفلة ديالها و كوثر جلست في احد لي فوطوي لبعاد كتشوف و الكارد واقفة في قرب الباب
كثالينا بابتسامة : هادا أول اجتماع غادي تنضم لينا فيه مدام وفاء هههه ...وفاء كتحس بالفخر و عينيها فحال جواهر الزمرد كيلمعو
سامية بابتسامة جانبية : ممكن تقولينا المدام وفاء شي اقترحات على كيفاش النميو لمراكز النسائية
وفاء نزلت الابتسامة و دارت عندها كتشوف فيها كان السؤال ديالها على غفلة سرطت ريقها و بدات تجبد في عينيها : اقتراحات ؟ امممم (بدا وجهها كيولي حمر و بدات كتعرق ) ن نمشيو نشوفو هاد المراكز باش نعرفو شنو ناقصها ووو عاد نميوها
سيدة 2 : و لكن حنا في العادة كنرسلو لجنة و هي لي كتعطينا تقارير
وفاء شافت فيها : اممم قلت انا زعمة حنا نكونو للجنة
سامية رفعت حاجبها و كتهضر بطريقة متكبرة : هه كيفاش زعمة حنا نمشيو ا مدام السمري ...وفاء دارت غير كتشوف بعينيها
كثالينا منزلة حجبانها : في الحقيقة هي فكرة زوينة بزااف وعمرنا جربنها كنا دائما كنرسلو لجنة كتنوب علينا و كنظن مدام وفاء قالت فكرة مزيانة بزاف هو اننا نمشيو شخصيا
سيدة 3 بابتسامة : حتى انا عجبني الامر و الى شفنا بعينينا غادي يكون حسن كنحييك ا مدام على الفكرة ديالك ....وفاء رجعت الابتسامة للفمها و وسعتها اكثر و هي كتشوف فيهم و لفخر في عينيها كيف نالت فكرتها استحسانهم و وئام قدامها كتلعب بيديها فوق الطبلة و تضربها و تغنغن و السكاتة في الفم ديالها